Chiê uô tâu jông luôs hâux lưv thâux xa tsôngv pêx xênhv thiêz kruô muk lol hâur kaz shông, tsiêz têz qơưk thiêz ntênhs hội hâur shôngk shông yiêz zuôr txos, Sở Zoz thôngz Sơn La tưz chox kriê cxuô taz viv muôx yêz thâux xa kruô muk lol bax uô jông cxuô luôs hâux lưv li: Bax yêz, lênhx nênhs tsar yêz; iz chas ntơư muôx tsưr ziv phênhz yêz bax tsês, chiê thâuv tưs muôx pêx xênhv, kruô muk lol ndis shuôs têz qơưk uô si chôngz hênhr mak tso nzir yêz đros thâux xa sơưr đơưk, tsi chiê muôx yưv têx tsi jông li: siz truz siz niêk, thâux ntâu lênhx nênhs tsi trơưk cui tinhv. Zơưv Nguyễn Văn Chính, Phưv Giám đốc Sở Zoz thôngz tỉnh Sơn La heik pâuz: “Ngênhx cux sir jos uô luôs hâux lưv qênhz yuôx, seiz kaz têx yêz thâux xa kruô muk lol; tso lênhx nênhs qênhz shuôs tsi so ntơưv têx qơư tsav yêz chiê qênhz yuôx chor yêz muk lol đhâu. Đros thiêz têx cêr muk lol, côngz trênhx zoz thôngz, ngênhx cux chox kriê cxuô taz viv seiz car qênhz shuôs, cxiv kho têx trâus puôk tsuôx, tsi jông, taz por truôx tuk zoz thôngz chiê sơưr đơưk zôngx ziv muk lol đhâu hâur kaz shông”./.

VOVTB-Riê Lâux cxeik, nhênhv

    Nhiv kruôr đhâu, ntơưv qơư nhoz yiêz Huổi Ké, jok Lĩnh, xar Mường Pồn, Ủy ban huyện Điện Biên sik côngv đros Bôv Chỉ huy quân sự tỉnh Điện Biên tsưr tsix choz zok tsêr nhoz trâu chor ziv chuôz zis trâus ntux têz uô ruôr hiêv thâuv kaz hli 7/2024. Zơưv Nguyễn Thái Bình, Chủ tịch Ủy ban huyện Điện Biên puz pâuz: hâur 35 luz tsêr tâu choz zok trâu chor chuôz zis no, muôx 17 luz tsêr trâu pox nhuôs nhoz ntơưv qơư nhoz yiêz Huổi Ké (jok Lĩnh); 18 luz tsêr trâu pox nhuôs qơư nhoz yiêz Tin Tốc 2 thiêz jok Mường Pồn. Tas nro nhiêx txiêx uô 35 luz tsêr no puôr lênhx zos Bôv Côx phax paz, muôx 50 triệu đêiv iz luz tsêr. Txos six hơưv no tưz uô tiêr 45 luz tsêr, yuôr 26 luz tsêr tsênhv tâu tror sir jos kriz uô thiêz njuôk xav zuôr uô tiêr uô ntêx Tsiêz têz qơưk./.

Vũ Lợi-Lik Thox cxêik nhênhv

Trơưk li lưv lươngv muôx vax huôv tỉnh Lào Cai, hâur ntu kaz shôngk shông, têx uô cxâuv lok tsi truôx tuk zav nox, tsar ndê gri hax huv tsi trơưk chei, zuôr muôs têx xiv huv muôx tsi cxix ntâuz ntơưr uz no muôx yưv phiv liv. Lơưr thôngz sâu tso pov, txix hâur shôngk shông txos nhiv no, Cục seiz car ciêz đrôngs tỉnh Lào Cai tưz qênhz yuôx 888 txuz, xưv bluô 700 ntâu txuz uô cxâuv, xav hur si bluô tâu 12 tyv đeiv ntâu nhiêx. Txix nhiv no txos tsiêz têz qơưk, lưv lươngv seiz car ciêz đrôngs zuôr sir jos uô luôs hâux lưv qênhz yuôx, qênhz shuôs, phax tir thêir têx lênhx nênhs zuôr muôs hax huv tsi trơưk chei, hax huv chuôr, hax huv txưr. Iz chas ntơư, cxơưz tiês yax kriê chei têz qơưk lol sâuv zuôr muôs hax huv, gra siêz sơưr đơưk tsưr ziv jênhv pâuz, phax tar têx tsưr tsix, lênhx nênhs uô cxâuv chei zuôr muôs hax huv. Zơưv Nguyễn Quang Hiểu, Phưv Cục tsar Cục seiz car ciêz đrôngs Lào Cai heik pâuz: “Pêz chox kriê têx lênhx nênhs uô hâux lưv seiz car ciêz đrôngs uô jông hâux lưv zok muôz thiêz muôx tsưr ziv tsênhv tsênhz hux jos đros cxuô lưv lươngv muôx vax huôv hâur thax tsav qênhz shuôs đuô, seiz kaz truôx têx qơư, chuôz zis uô lax luôv, zuôr muôs hax huv, zos qênhz pov lênhx nênhs tưs, qơư tưs uô cxâuv mak xưv bluô cov txos qơư”./.

An Kiên-Riê Lâux cxeik, nhênhv

Phòng Cảnh sát qênhz yuôx nênhs phamv cxâuv lok Kinh têr nox nhiêx têz qơưk thiêz tênhv qơư, Công an tỉnh Sơn La nhiv kruôr sik côngv đros Zênhx Pênhz phax Chiềng Khương thiêz Công an xar Chiềng Khương pov, cxov tâu 2 lênhx nênhs zos Lò Văn Cường, xênhz shông 1986 thiêz Lò Văn Huân, xênhz shông 1983, sik đros nhoz ntơưv jok Ten Pạnh, xar Chiềng Khương, huyện Sông Mã lok kror cxâuv thâux gra fov ntơưr tsik zos chêi. Têx sâu tâu zos 32 poz fov ntơưr hnhar 56 cir, 2 luz yêz mêir đros iz cxiê zav cik txos. Ntơưv cơ quan Công an, oz lênhx nênhs no hêik tiêk thâux xa chor fov ntơưr co trâu iz lênhx txir nênhs nhoz têz qơưk Lào đros gri zos 10 triệu đêiv. Chor nênhs co li tsưr ziv zos thâux xa chor fov ntơưr no txix têx cêr zâu nhoz ntus đriv Việt Nam-Lào lok hâur Việt Nam, txos trâu chor cêr lox chiê tsik trâus chor lưx lươngv muôx vax huôv qênhz yuôx. Nhiv no txuz hâux lưv tsênhv tror tâu qênhz yuôx nriêr pâuz cov tsênhz mênhx./.

TTTB-Lik Thox cxêik nhênhv