Têis cik 25/12, ntơưv thành phố Điện Biên Phủ, tỉnh Điện Biên thiêz 3 tỉnh: Phong-sa-ly, Luông-Pha-băng, U-đôm-xay têz qơưk Lào tưz tsưr tsix jiês sik thav, cir ntâuz ntơưr chuôz cxaz sik côngv, sik paz sâuv cxuô kror ntu 2025-2027. Ntơưv jiês sik thav, tas nro 2 tos tưz hêik txos ntâuz ntơưr cir jênhv trâu hli 7/2022. Bí thư Tỉnh ủy Điện Biên – Trần Quốc Cường puz pâuz, lơưr têx tsênhv njiêz cik txos hâur ntâuz ntơưr tưz cir, hâur ntu 2022-2024, chor tos tưz sik đros hêik pâuz têx xor mông, qênhx shênhx; têx xor xưv chinhr triv, xar hôiv zov chênhr nhoz oz tos; paz zôngx ziv trâu sik côngv sâuv cxuô kror hâux lưv. Cux ntơưv jiês sik thav, đoanx đại biểu tỉnh Điện Biên thiêz pêz tỉnh Bắc Lào tưz cir ntâuz ntơưr sik côngv ntu 2025-2027 muôx 9 tsênhv njiêz lok cxiv tsa cxiv luôs chinhr triv, huôv tsar kinh têr thiêz sik côngv yưv pênhr huôv tsar, zuôr muôs, dịch vuv, zoz zux, y têr… Zơưv Trần Quốc Cường, Bí thư Tỉnh ủy Điện Biên khav tênhv: “No zos huôx tôngv zov chênhr, gôngr phênhv kriz uô tsênhv tsênhz coangz siv nhoz oz Đảng thiêz Pêx xênhv oz têz qơưk, sik côngv siêz tiv zix thiêz sik côngv cxix cxuô. Đros tỉnh Điện Biên zuôr zos kror chiê thax tsav qơư tror sir jos uô jông coangz siv sâuv cxuô kror. Viv li tỉnh Điện Biên zuôr tror kriz uô jông, cxix cxuô têx tsênhv njiêz tưz cir. Uô ntêx zuôr tsêx trung sik côngv yax kriê trâu pêx xênhv nhoz 2 tos pâuz tsênhz đuô lok coangz sik thôngx ziv jông…”./.

Vũ Lợi-Lik Thox cxêik nhênhv

Đros muôx 391.000 ntâu héc ta jôngr nhiv no muôx, chiê por vêv jôngr txix ciês ntơưv thax tsav qơư, tỉnh Lào Cai tưz uô truôx jông chor lưx lươngv por vêv jôngr đros muôx 1.600 tôv đôiv phax tar cuz tox cuz jôngr. Txix hâur shôngk shông txos nhiv no, cxuô thax tsav qơư tưz tsưr tsix tâu xar muôx 1.000 jiês yax kriê ntơưv têx jêx jok, muôx 56.000 ntâu lênhx nênhs tuôx mnôngs; đros co zos yax kriê xar muôx 400 jiês ntơưv têx thax tsav zôngx ziv muôx hluôr tơưl chis cuz siêz. Zơưv Nguyễn Xuân Lâm, Phưv Chi Cục trưởng Chi cục Kiểm lâm tỉnh Lào Cai puz pâuz: “Pêz tror chuôz cxaz uô côngz xưv yax kriê, piêr kriê pháp luật trâu pêx xênhv uô nênhx nhoz jê jôngr, ntus jôngr chiê paz gra siêz pêx xênhv li jênhv pâuz hâur sir zôngv hluôr tơưl thiêz cxuô krorchiê  paz ngaz tuk jông thâuv uô têx liêx têz”./.

Thanh Thủy-Lik Thox cxêik nhênhv