Hnuz 6/12, Tsêr cơưv Chính triv tỉnh Sơn La sik côngv đros Ban Tuyên Giáo Tỉnh ủy Sơn La tsưr tsix jiês cơưv khoa học đros tsênhv njiêz “Côngz xưv por vêv Đảng li nền tảng tư tưởng, tsav txênhz tir tar têx kror tsik jông, tsik zos, nênhs fêv sâuv thax tsav tỉnh Sơn La ntu nhiv no-Qênhx shênhx thiêz tsưr ziv”. 45 jiês sêiz lax, jax sâu, ziv chênhv ntơưv jiês cơưv tưz hêik pâuz ntâu tsưr ziv uô jông, phuôx huiz tâu uô ntêx hlo nhoz chor  canr bôv, đảng viên thiêz pêx xênhv hâur côngz xưv por vêv Đảng li nền tảng tư tưởng; paz tir tar tâu chor nênhs fêv têx hêik tsik jông, tsik zos cov pêx xênhv ziv hnuz ziv njênhs njôngr trâu Đảng, Têz qơưk li lênhx tov tưz uô truôx tsưr ziv siêz tiv zix zos độc lập mênhx cxưx, sir jos cxiv tsa chủ nghĩa xar hôiv, paz muôx tâu luz nênhx tsâu sor, dân chủ, siz bâus thiêz shir phaz trâu pêx xênhv./.

Lê Hạnh-Lik Thox cxêik nhênhv

Đros thiêz tsưr ziv kriê txux chi trâu txix 2 cxênhz txos 2.800 lênhx shux xênhz iz shông, hâur ntu đhâu, tsêr cơưv Cao đẳng nuv uô Yên Bái tưz hlôngr yiêz tsênhv njiêz, tsaz yênhx, tsưr ziv kriê thiêz cơưv lơưr gra siêz txux chi tsưr ziv trâu lênhx nênhs cơưv, ziv hnuz ziv tâu trơưk li chor nênhs xeir zuôr nênhs uô hâux lưv siêz xar. 10 luz hlik hâur shông 2023, tỉnh Yên Bái tưz zok nriêr hâux lưv uô trâu 20 cxênhz ntâu lênhx lox tôngv, hâur co muk uô hâux lưv saz đrâuv luôs 2 chas tỉnh zos zuôr xar 8 cxênhz lênhx. Iz chas ntơư, zuôr xar 12.500 lênhx nênhs tâu muôz hâux lưv uô txix tsaz yênhx huôv tsar kinh tế xã hội thiêz kêr txeik pênhr têz qơưk, 300 ntâu lênhx muk uô hâux lưv trâu Hàn Quốc, Trung Quốc, Nhật Bản, Đài Loan thiêz iz cxiê têz qơưk châu Âu. Txix luôs hâux lưv kriê txux chi, tsưr ziv uô nuv thiêz zok nriêr hâux lưv uô tưz paz zov chênhr trâu hlôngr yiêz lox tôngv tsưr ziv huôv tsar uô nox, tsar ndê phênhv sâu tâu, gra siêz tsôngv pêx xênhv luz nênhx. Zơưv Đỗ Duy Thái, phưv thơưx seiz car tsêr cơưv Cao đẳng nuv uô Yên Bái heik pâuz:

“Lok sâuv cxiv tsa tsêr cơưv li tsaz yênhx kriê txux chi mak iz chas kriê têx tsaz yênhx saz đrâuv, hux jos đros luôs 2 chas têz qơưk kriê txux chi, têx tsaz yênhx cấp ASEAN thiêz têz qơưk mak tsêr cơưv cux đros têx doanh nghiệp chiê cxiv tsa tsaz yênhx kriê li chas cov huv đros chiê shux xênhz đhâu cơưv tas muôx txux chi tsưr ziv uô hâux lưv tâu trơưk li têx doanh nghiệp siêz xar”./.

VOVTB-Riê Lâux cxeik, nhênhv

Qơư Du lịch têz qơưk Mộc Châu, tỉnh Sơn La tror tâu hênhr kruôk zos “Qơư tuôx ndis shuôk uô si jông tiv zix sâuv ntiêx têz 2023”, ntơưv jiês khơưk kruôk Du lịch ntiêx têz zhông 2023 nhiv kruôr tâu tsưr tsix ntơưv thành phố Dubai (Chor Tiểu Vương quốc Ả Rập Thống nhất). No zos jiês tiv 2 qơư du lịch Têz qơưk Mộc Châu tâu hênhr kruôk “zos qơư tuôx ndis shuôk uô si jông tiv zix sâuv ntiêx têz”. Kror gải no tưz iz jiês thiêz tror khav tênhv txos du lịch Mộc Châu, côngv thôngx ntiêx têz li kruôk txos kror qơư jông jav no. Zơưv Lê Trọng Bình, Chủ tịch Ủy ban huyện Mộc Châu, tỉnh Sơn La hêik pâuz:

“Chiê tuôr tâu zos “Qơư tuôx ndis shuôk uô si jông tiv zix sâuv ntiêx têz”, nhiv no Mộc Châu tưz cêv kuôk, tuôr tsês chiê chor yuôx zêx, thax tsav jôngr tưz tâu cêv kuôk, por vêv cov huv đros trâu tuôr truôx jông têx chiv xênhz, đrox tsuôs jông jav nhoz huyện Mộc Châu. Tiv oz zos hâur huôv tsar du lịchcôngv thôngx, du lịch đros trâu huôv tsar têx qơư uô nox, chiv xênhz… Pêz tsênhv sir jos cov sir sôngv cxuô zav sưv đros trâu tênhv qơư đros tuôr tsês jông vênhx huôv cxuô mênhx cxưx, chiê cov muôx tâu têx kror jông nhoz huyện Mộc Châu”./.

Lê Hạnh-Lik Thox cxêik nhênhv

Công an huyện Phong Thổ, tỉnh Lai Châu nhiv kruôr đros Phongx Cảnh sát Kinh tế, Công an tỉnh Lai Châu thiêz chor lưv lươngv muôx vax huôv ntơưv qơư ruôr por tsês tâu iz txuz zuôr muôs têx fov ntơưr thiêz Sâm Trung Quốc đhâu ntus đriv tsi trơưk chei. Txuz nuv heik sâuv zos Lùng A Dào, xênhz shông 1996, nhoz ntơưv jok Cò Ký, xã Tung Qua Lìn, huyện Phong Thổ, tỉnh Lai Châu tuôr hâur. Đhâu ntâu hnuz sox seiz, thâuv 6 six tsâuk ntux hnuz xiêz 04/12, ntơưv jok Hợp 2, xã Dào San, lưv lươngv công an ntơưv qơư tưz tso ntâu đoanx côngz xưv, hux jos đros chor tuz lênhv Pênhz phax Dào San ntêk tâu Lùng A Dào, xênhz shông 1996, Lùng A Sang, xênhz shông 2000 thiêz Lùng A Hai, xênhz shông 2004, puôr lênhx nhoz uô cê ntơưv xã Tung Qua Lìn, huyện Phong Thổ. Têx chuôz zênhx sâu tâu muôx 112 cir fov ntơưr. Đhâu qênhz yuôx shuôs Dào li qơư nhoz, chor lưv lươngv muôx vax huôv sâu tsês tâu 40 cir sâm. Nhiv no Công an huyện Phong Thổ tsênhv seiz car, hux jos đros Phongx Cảnh sát Kinh tế, Công an tỉnh Lai Châu thiêz têx taz viv cik txos tror qênhz yuôx, uô tsênhz mênhx chiê muôz tik cêr cxâuv zos đreiv li chei têz qơưk cui tinhv./.

Khắc Kiên-Riê Lâux cxeik, nhênhv