Qir txix cheix ntux kruôr hâur shông, cxuô ngênhx, hâur thax tsav qơư nhoz tỉnh Lào Cai tưz thiêz tsênhv bax uô jông luôs hâux lưv phax tar kruôr gis, taz por muôx txâuk đêx phưx vưv uô kôngz. Txos nhiv no, tas nro tỉnh Lào Cai phênhv ntâu tưz tsêz chos tâu zuôr xar 10 cxênhz ha blêx chiv châux yiêz trơưk tsưr ziv tso tơưv.

Lơưr zơưv Đỗ Văn duy, Giám đốc Sở Kôngz nuv thiêz huôv tsar tox siêz tỉnh Lào Cai, uô ntêx cheix ntux kruôr, ngênhx tưz qênhz yuôx, qênhz shuôs, heik cov cxênhx txuôs têx đêx hâur 107 luz pak đêx liv hâur tas nro tỉnh:

“Txơưv shông no ntux txơưr txar phiv liv, taz sik têx pak đêx cux muôx txâuk đêx phưx vưv uô kôngz, txos nhiv no tsi tâu tâu muôx iz kro liêx têz tưs trâul kruôr, tsuv hlôngr uô đuô lưv zav tsoz chos hlo”./.

An Kiên-Riê Lâux cxeik, nhênhv

Đros iz cxiê tỉnh thax tsav faz Bắc, ntâu thax tsav jôngr nhoz Sơn La tâu njuôs xav zôngx ziv trâus hluôr tơưk txêik cuz. Têx cấp, têx nganhx nhoz Sơn La tsênhv chuv tôngv, chuôz tsar uô têx tsưr ziv phax tar cuz tox cuz jôngr. Zơưv Hà Như Huệ, Giám đốc Sở kôngz nuv thiêz huôv tsar nôngx cxênhz tỉnh Sơn La puz pâuz:

“Nhiv no mak chêx chôngk lok têx tsưr ziv zos yax mông; yênhx lix têx tuêv đội lok seiz car por vêv jôngr thiêz tror uô jông jix vưv tênhx qơư jôngr chiê bax têx chuôz zênhx phax cuz tuô cuz jôngr, cux xưk li chuôz zênhx taz por chuv tôngv hâur huiz tôngv phax cuz tuôx cuz jôngr chiê pêz krêz uô jông thâuv muôx cuz jôngr”./.

TTTB-Txâur Vax cxeik nhênhv

Tas nro tỉnh Yên Bái nhiv no muôx 96 cxênhz ntâu lênhx nênhs lâul hnuz nhôngs siêz, hâur co lok six ntâu lênhx zos chor nênhs pâuz tsênhz, pâuz cxuô lok ntơưv qơư têx cêr lịch sử, luz nênhx vênhx huôv, phôngz cxưx. Iz chas seiz car, lês uô têx hâux lưv zov chênhr lok txux chi vênhx huôv hâur côngv thôngx, chor lâul jok tsênhv buôk ti đros tsưx phưv, kriê têx txux chi ntơư trâu cxênhx hluôk cơưv shâuv, đros por hưv tsês tsi chiê pôngz plox. Khov li co, cxuô heir nênhs hâur thax tsav tỉnh Yên Bái têx txux chi vênhx huôv tâu por hưv, tuôr tsês jông, ziv hnuz ziv muôx ntâu txux chi vênhx huôv, cêr lov jêv li: Nênhs Poz Ziz txux chi đhiê pax vuôk xòe; nênhs Tày txux chi sênhr chêr hu gâux, heik cưr cxiêx; nênhs Cho txux chi đơưk bê trâu tus tuz thâuv hloz lox tiêr nênhs, zuôr pox niêv; nênhs Hmôngz txux chi đhiê kênhx...... Hâur co, ntâu zav txux chi tưz tâu côngk nhav zos txux chi vênhx huôv jông cấp têz qơưk, sâuv ntiêx têz. Pos Vũ Thị Mai Oanh, Phưv Giám đốc Sở Vênhx huôv, thêv thao thiêz ju lix tỉnh Yên Bái heik pâuz: “Yên Bái tsênhv xav tinhv txux chi vênhx huôv zos iz kro jông thiêz muôx liv, chênhr chor nênhs txơưx sênhr chêr, nthuôr uô lov jêv zos têx lênhx por hưv, tuôr tsês têx txux chi co tsi chiê pôngz plox. Chênhr zos li heik ntơư, hâur ntu đhâu pêz tưz nhênhz chơưv trâu tỉnh têx tsênhv chei lok por hưv jông tsês têx txux chi tsi chiê pôngz plox, hâur co tsênhv chei yênhx lix têx paz nthuôr uô lov jêv tsuv muôx lênhx nênhs kriê thiêz ntâuk grê siêz lok lênhx nênhs kriê têx hâux lưv uô, kriê txux chi trâu chor tuz nxeik hluôk. Pêz cux pov hâur ntu đhâu, têx lênhx nênhs txơưx sênhr chêr hu gâux, heik cưr cxiêx, pâuz tsênhz lok cêr nênhx vênhx huôv hâur tỉnh Yên Bái cux uô jông luôs hâux lưv zok muôz lok sâuv por hưv, tuôr tsês têx txux chi vênhx huôv tsi chiê pôngz plox”./.

Đinh Tuấn-Riê Lâux cxeik, nhênhv

Txos zar hnuz keix hnuz xiêz 7/4, nhoz TP Điện Biên Phuv, ntux pok huôz, uô tuôr thênhv txos têx yêz za tsik tâu muk lok, muôx ntâu jiês yêz za muk lok ntơưv qar yêz za Điện Biên tsav yêz za muk tsik tâu trâu yar yêz za Hà Nội, tiv ntux pok huôz/.

Vũ Lợi-Txâur Vax cxeik nhênhv