Muôx yar ntux cuz sor, ntux kruôr truz ntêr, Ủy ban tỉnh Điện Biên tưz muôx công tênhv hêik cxuô thax tsav qơư sir jos sêiz car jông hâux lưv suô hlơưr têx đrox nhov thiêz sêiz car, por veve jôngr, phax cuz, tuô cuz jôngr hâur chêix ntux kruôr sâuv thax tsav.

Công tênhv hêik mênhx, Ủy ban têx huyện, thị xar, thành phố tror sir jos uô côngz xưv yax kriê, piêr pâuz chêi têz qơưk têx cui tênhv lok jông nuv; chox kriê, hêik Ủy ban cấp xar qênhz shuôk jông pêx xênhv sir zôngv hluôr tơưl hâur jôngr, jê jôngr; sêiz car jông hâux lưv luôx, hlơưr têx liêx têz, uô jông têx tsưr ziv luôx suô têx đrox nhov, zôngv tsơưs hluôr  tơưl chiê hlơưr têx đrox nhov co… Đros co zos hêik chor lưx lươngv muôx vax huôv qênhz shuôk têx tsưr ziv phax cuz tuô cuz jôngr; bax chuôz zênhx lênhx nênhs lơưr tsưr ziv 4 ntơưv qơư; tso nênhs sêiz jor yênhx hnuz hmo ntơưv têx qơư zôngx ziv muôx cuz tox cuz jôngr siêz txix cấp 3 tror sâur./.

Vũ Lợi-Lik Thox cxêik nhênhv

Chủ tịch Ủy ban tỉnh Lào Cai nhiv kruôr tso tơưv ntâuz ntơưr zênhx max heik têx lênhx tsưr yưv pênhr uô thiêz ngênhx cik txos sei đrơưv cxiz muôz nhiêx txiêx uô têx côngz trênhx. Sir jos txos tas shông 2024 muôz cov tâu 95% ntâu. Chiê uô tâu jông luôs hâux lưv co, zơưv Trịnh Xuân Trường, Chủ tịch Ủy ban tỉnh Lào Cai heik têx lênhx sơưr thơưx cxuô cơ quan, taz viv, ntơưv qơư tsuv taz txơưx jênhv lok têx hâux lưv uô, heik cấp ủy đros sir jos cxiz, qênhz yuôx shuôs têx dưv anr, lar heik zos lok sâuv zuôr ar luôv plas:

“Txos nhiv no, pêz nhiv kruôr zuôr ar luôv plas tâu 40% pir li tsưr ziv tso tơưv, taz sik tsuôk yuôr iz shông ntâu xưz tưz tas six cxiv. Chênhr viv li, tsuv sir jos fuô uô, cxiz uô sei, têx hâux lưv co phênhv ntâu zos cxuô huyện, TP li txơưx jênhv, lar heik zos TP Lào Cai, thị xã Sa Pa thiêz huyện Bát Xát. Zos uô tsi tâu trơưk li hâux lưv tso tơưv, txos hli 7 zuôr muôz iz cxiê dưv anr hlôngr trâu lưv thax tsav qơư fuô uô”./.

An Kiên-Riê Lâux cxeik, nhênhv

Hnuz hôiv sik tưr chêix nênhl đhiê Tây Bắc đros ntâu huôx tôngv vênhx huôv jông zuôr tâu tsưr tsix txix hnuz 26/4-1/5 ntơưv Dưv anr Shanrila Mường Lò, tỉnh Yên Bái.

Hnuz hôiv sik tưr chêix nênhl đhiê Tây Bắc zuôr muôx 100 tuk nênhl cxaz chuôz, đros muôx ntâu huôx tôngv lok vênhx huôv mênhx cxưx nhoz tox siêz. No zuôr zos tsưr ziv uô truôx jông trâu hâux lưv sik tưr chêix nênhl đhiê, cux zos piz kriz uô chiê paz trâu sơưr đơưk pâuz txos têx vênhx huôv jông muôx ntơưv thax tsav qơư, paz trâu du lịch Tây Bắc. Muôx plâuz hmo hu gâux trâu tsôngv box sơưr đơưk sêiz mnôngs. Iz hmo hu gâux zuôr muôx chor nênhs hu gâux sơưr thơưx Việt Nam cxaz chuôz hu têx suô gâux jông trâu tsôngv kruô sơưr đơưk mnôngs./.

GDTĐ-Lik Thox cxêik nhênhv

Iz cxiê lênhx hluôk nênhs nhoz Sơn La nhiv kruôr tâu lưv lươngv muôx vax huôv chơưv paz tâu tror lok tsêr đhâu iz ntuk trâul nênhs fêv nziêk đas muk Campuchia uô hâux lưv tsi trơưk chei.

Tsênhv tsênhz, hnuz 19/3, Phòng Cảnh sát Hình sự Công an tỉnh Sơn La txeik tâu zơưv Cà Văn Quyết, xênhz shông 1980, nhoz jok Mé Mời, xã Mường Bằng, huyện Mai Sơn, tỉnh Sơn La mông heik pâuz, zơưv tus tuz trâul chor nênhs fêv nziêk đas đhâu sâuv mạng xã hội muk Campuchia uô hâux lưv tsi trơưk chei li heik sâuv. Đhâu thâuv txeik tâu mông, Công an tỉnh Sơn La tưz hux jos đros Công an tỉnh Tây Ninh thiêz têx cơ quan muôx vax huôv txơưr đuô xav jênhv têx txuz nuv. Iz chas ntơư, tsi so siz hu xor tôngx heik kriê, paz max zơưv Quyết chuôz zis zok nriêr tsưr ziv chơưv paz zơưv Quyết tus tuz. Txix lưv lươngv muôx vax huôv têx sir jos, txos hnuz xiêz 02/4, zơưv Quyết tus tuz heik sâuv tưz tâu chơưv paz tror lok tsêr truôx tuk./.

  CTV-Riê Lâux cxeik