Ntênhk ciêz Ntiêx têz Việt-Trung jiês tiv 23 tsưr tsix ntơưv Lào Cai đros muôx 600 ntâu qơư muôs huv thiêz piêr pâuz têx hax huv tưz zaz zâuv chor doanh nghiệp, hợp tác xã txix 46 tỉnh, thành nhoz Việt Nam thiêz 150 ntâu doanh nghiệp lox zâu nhoz Trung Quốc, tsik tâu xav txos chor têz qơưk txơưr cxaz chuôz. Đhâu chor huôx tôngv ntơưv ntênhk ciêz, têx ntâuz ntơưr ndo njôngr, sêiz lax sik côngv tưz tâu cir, paz muôx ntâu kror yiêz paz trâu huôv tsar ntu tov ntêx no. Ciês huôx tôngv paz thơưz zuôr muôs, tưz muôx 42 gơưv doanh nghiệp Việt-Trung sêiz lax sik côngv kinh doanh; thiêz ntâu hux thôngx nhoz doanh nghiệp 2 têz qơưk cux tâu cir. Zơưv Trần Thanh Hải, Phưv Cục trưởng Cục zuôr muôs tơưv saz đrâuv têz qơưk-Bôv Công thương hêik:

“Txơưv tiêk tsik tâu bâuv ntu uô ntêx tsik tâu muôx caz moz taz sik ntênhk ciêz cux tưz puz pov muôx ntâu kror yiêz jông hâur zuôr muôs nhoz oz têz qơưk. Cur njênhs tiêk jiês uô ciêz tov ntêx no zuôr tâu tsưr tsix lox đuô”./.

An Kiên-Lik Thox cxêik nhênhv

Têx shôngk đhâu, chor shux xênhz sâuv thax tsav tỉnh Điện Biên cxaz chuôz BHYT thâuv tưs cux tax phênhv siêz, BHXH tỉnh Điện Biên puz pâuz, nhiv no tiv phaz muôx 8/10 huyện, thị muôx shux xênhz cxaz chuôz BHYT siêz, tax txix 98% ndê muk. Hâur co muôx 2 huyện tax 100% zos Mường Nhé thiêz Tuần Giáo./.

(Vũ Lợi- Txâur Vax cxeik nhênhv)

Huyện Yên Bình, tỉnh Yên Bái nhiv kruôr kriz uô Hnuz hôiv nriêr pâuz lok têx qơư jông jav sâuv pak đêx Thác Bà thiêz chor txir lưk jôngr Đại Minh shông 2023.

Hâur tsưr tsix Hnuz hôiv muôx ntâu huôx tôngv li: hlơưr shaz ntơưv Tsêr mnov Thác Bà thiêz Đình Khả Lĩnh; tsưr tsix chor qơư muôs hax huv zav nox Tây Bắc; hnuz hôiv hâux lưv uô; qơư paz trâu pêx xênhv uô têx ntâuz ntơưr hành chính. Tiv zix zos jiês sik tưr tsoz txir lưk jôngr, vax txir lưk jôngr jông gâux; sik tưr têr tsir lưk jôngr; piêr pâuz thiêz ntâuk gri chor txir lưk jôngr Đại Minh; sik tưr lok têx zav nox kaz thiêz hax huv txir chor txir lưk jôngr… Huyện Yên Bình cux tsưr tsix qơư muk tơư; tsưr tsix chor tour du lịch ndis shuôk vax txir lưk jôngr ntơưv xar Đại Minh tthiêz ndis shuôk têx qơư jông jav nhoz pak đêx Thác Bà đros ntâu huôx tôngv txơưr đuô zaz zâuv chôngz tsôngv kruô nhoz đêz jê tuôx sêiz shuôk./.

Đinh Tuấn-Lik Thox cxêik nhênhv

Ntu hlôngr cheix, jêx tưv hâur iz hnuz tsi so txơưr txar uô caz hmoz huôv xênhz, chuôz ndê qênhx shênhx trâus têx zav moz, tiv zix zos mê nhuôk zâu. Tsêr kho moz tỉnh Sơn La têx hnuz no, nênhs tuôx seiz njuôs thiêz kho moz tsi so chuôz ndê, phênhv ntâu zos mê nhuôk zâu thiêz nênhs lâuk trâus moz têx zav moz li moz suôz liêz, hơưz poz, moz kruô piêk, têx zav moz lok plaz hnhur. Ntơưv khoa mê nhuôk zâu, txix hli 10 txos nhiv no tưz muôx 500 ntâu lênhx mê nhuôk tuôx seiz njuôs thiêz kho moz, hâur co muôx zuôr xar 100 lênhx trâus moz lok cêr uô pa, uô moz njưk, moz hlaz njưk….No zos zav moz khênhr njiz trâus thâuv hlôngr cheix. Bác sĩ Đỗ Xuân Thụ, Giám đốc tsêr kho moz tỉnh Sơn La puz pâuz:

“Lok tsêr kho moz đa khoa tỉnh tưz bax cxix cxuô têx yuôx, chuôz zênhx y tế, tiv zix zos yuôx kho têx zav moz cik. Đrâuv co pêz cux chuôz tsar yax mông, uô côngz xưv zaoz zux đas jos trâu nênhs njuôs xav trâus moz siêz cov pâuz tuôr jông vêv xênhz, nox hâuk huv đros, zôngv yuôx trơưk cui tsưr ziv….chiê txu grês qênhx shênhx ziv trâus moz hnhar lok sik trâus têx zav moz khênhr njiz thâuv hlôngr cheix”./.

(TTTB-Txâur Vax cxeik nhênhv)