Tas cik hnuz 13/11, jiês khiêz phêv Hội đồng tỉnh Lào Cai jiês tiv 15 tưz zuôr ntơưr thôngx ziv đros 30 chức danh zos HĐ tỉnh bo xeir, muôx Thường trực HĐ thiêz têx Ủy viên thường trực HĐ tỉnh; lênhs tov UB thiêz têx Ủy viên UB tỉnh. Chêx cuk côngz fur tsov lơưr 49 ntơưr bo xier huv đros tso pov, zơưv Vũ Xuân Cường, Phưv Bí thư thường trực Tỉnh ủy, Chủ tịch UB tỉnh Lào Cai muôx chor ntơưr bo xeir siêz tiv tix, tax 97% ntâu. Đhâu 3 shông uô Nghị quyết đại hội Đảng bộ tỉnh Lào Cai jiês tiv 16, hâur 24 tsưr ziv tso tơưv, txos tas 6 luz hlik hâur shông shông 2023 muôx 3/24 tsưr ziv uô tiêr; 14/24 tsưr ziv tax 70% ntâu ndê muk…Txơưv njiz ntâu phêv liv, taz sik đros tas nro cxix luôk chính trị li sir jos, Nghị quyết Đại hội Đảng bộ tỉnh li tsưr ziv zuôr tâu uô tiêr trơưk tsưr ziv tso tơưv./.

An Kiên-Txâur Vax cxeik nhênhv

Tas nro tỉnh Yên Bái nhiv no muôx 800 cxênhz ntâu tuk tsiêx cxu, hâur co muôx zuôr xar 200 cxênhz tuk tsiêx cxu lox. Tiv phiv liv txix chuô txiêk, jêx tưv ntơưv tỉnh tox siêz Yên Bái hnuz 13/11 tưz grêk kik pir li ntu uô ntêx. Njuôk xav jiês ntux no no zuôr truz ntêr hnuz, zos jiês ntux no xuz thơưx ciês hâur chêix ntux no, chor tsiêx cxu tsênhv tsik tâu sưv đros. Viv li, cxuô thax tsav qơư nhoz tỉnh Yên Bái tưz kriz uô cxuô luôs hâux lưv phax tar ntux no trâu tsiêx cxu. Zơưv Nguyễn Đức Điển, Phưv Giám đốc Sở Kôngz nuv thiêz Huôv tsar jêx jok tox siêz tỉnh Yên Bái puz pâuz:

“Pêz hêik cxuô thax tsav qơư sir jos uô têx tsưr ziv phax tar ntux no trâu tsiêx cxu li têx tsưr ziv tưz tso tơưv txix thâuv hâur shôngk shông. Pêz cux zuôr yênhx lix chor đoanx côngz xưv muk qênhz yuôx, tiv zix zos ntơưv têx qơư nhoz đêz, tox siêz uô pox nhuôs uô jông têx tsưr ziv phax tar trâu chor tsiêx cxu. Tiv zix, yax kriê, hêik pox nhuôs bax jông zav nox, thêir vor cov jông têx tsêr guôx hâur chor hnuz ntux no”./.

Thừa Xuân-Lik Thox cxêik nhênhv

Ntơưv ntâu xã tox siêz huyện Mường La, tỉnh Sơn La nhiv no tsênhv muôx iz cxiê pưv phênhv tsôngv box mênhx cxưx tsơưs nênhs tsi tâu pâuz ntơưr. Uô tsaz yênhx phổ cập zaoz zux, cxuôv đis muôs ntơưr, huyện Mường La, tỉnh Sơn La tưz krêz lớp cxuôv đis muôs ntơưr ntơưv 2 xã Chiềng Ân thiêz Ngọc Chiến đros muôx nhos 100 lênhx nênhs cxaz chuôz cơưv. Txix têx lớp cơưv no, tưz paz ntâu lênhx pox niev mênhx cxưx tsơưs nênhs txơưx nhênhv ntơưr, sâu ntơưr, sir jos chiê hla đhâu cêr pluôs. Niêv lâuk Zax Thị Chu, học viên hâur lớp cơưv pheiz kênh:

“Tsi pâuz ntơưr mak phêv liv hênhr, tul tsi cux tsi pâuz, viv li cur sir jos muk cơưv ntơưr chiê pâuz tâu ntâu zav, tsưr ziv uô nox jông”./.

(Thanh Thủy-Txâur Vax cxeik nhênhv)

Công an huyện Than Uyên, tỉnh Lai Châu sik côngv đros Zênhx Pênhz phax trôngx đriv Tà Lùng, tỉnh Cao Bằng tưz cxov tâu Nùng Văn Đức, zus shông 1993, nhoz jok Bản Lằn 1, xar Mường Than, huyện Than Uyên (Lai Châu) đhâu 5 shông ntâu khiêr gâuv trâu saz tỉnh Quảng Tây, Trung Quốc.

Lơưr ntâuz ntơưr txuz anr, hnuz 30/3/2018, Công an huyện Than Uyên pov, cxov tâu Nùng Văn Đức lok kror cxâuv tsês chiê 17 poz zênhz đơưz zâu. Ntơưv Cơ quan Công an Đức hêik tiêk zuôr lok chiê sir zôngv viv muôx zênhk zax zênhz. Đhâu co, Cơ quan Cảnh sát qênhz yuôx, Công an Than Uyên tưz muôx chêi txưr tsik khênhr Đức tơưv muk đhâu zuk qơư nhoz chiê tror qênhz yuôx nzir. Hâur ntu co, Đức tưz khiêr tơưv ntơưv zuk qơư nhoz muk gâuv. Cơ quan Cảnh sát qênhz yuôx, Công an huyện Than Uyên tưz muôx Quyết định zok cxov Nùng Văn Đức./.

Khắc Kiên-Lik Thox cxêik nhênhv