Lơưr tsưr ziv, tỉnh Lào Cai njuôk xav zuôr paz nox Tsiêz trâu zuôr xar 35 cxênhz ziv chuôz zis pluôs thiêz chuôz zis nhiv kruôr tơưv đhâu chuôz zis pluôs 500 cxênhz đêiv iz ziv chuôz zis. Hâur chor ziv chuôz zis tâu paz tsiêz, muôx zuôr xar 27 cxênhz ziv chuôz zis pluôs thiêz zuôr xar 8 cxênhz ziv chuôz zis nhiv kruôr tơưv đhâu chuôz zis pluôs shông 2023. Đuô li, chor nênhs trâus sêv kriz hnhar, chor nênhs tsênhv tâu tsoz phưz, tu zus ntơưv Tsênhv qơư côngz xưv xar hôiv tỉnh Lào Cai cux zuôr tâu paz nox Tsiêz 500 cxênhz đêiv iz lênhx nênhs. Pos Dung Xênhv Zax, Phưv Chủ tịch Ủy ban tỉnh Lào Cai puz pâuz:  “Tỉnh cux yênhx lix chor đoanx lênhx tov Thường trực Tỉnh ủy, Hôiv đôngx tỉnh, Ủy ban tỉnh thiêz chor Ủy viên Ban Thường vụ muk sêiz nus txos chor taz viv bôv đôiv, lưx lươngv vũ trang; têx taz viv phưx vưv Tsiêz Têz qơưk li Tênhv tênhz, Công ty Cổ phần Đêx, Công ty Tênhv qơư. Iz chas co, sêiz nus txos ciês chor chuôz zis tâu tsênhv chêi paz, chuôz zis nênhs muôx côngz; tiv zix zos tsưr tsix sêiz nus chor nênhs muôx moz hâur jiês Tsiêz tsik lok đros tâu chuôz zis nox tsiêz”./.

An Kiên-Lik Thox cxêik nhênhv

                 Tsôngv box Hmôngz luz pax tsiêz 30 zos qir nox txix hnuz xiêz 01 luz 12 hlik hli ntux. Têx hnuz no, tsôngv box Hmôngz nhoz huyện tox siêz Bắc Yên, tỉnh Sơn La tsênhv taz tov shir phaz lus nox tsiêz 30 lov jêv ntưk đros trâu nthuôr uô ntâu txux chi cêr lov jêv jông. Xã Hang chú thiêz Mường Khoa tưz nthuôr uô nênhs Hmôngz hnuz hội cêr lov jêv shông 2024; cxuô jêx jok nhoz xã Tà Xùa, Làng Chếu, Xím Vàng, Hồng Ngài, Háng Đồng puôr lênhx nthuôr uô têx txux chi cêr lov jêv; sik tưr ntâuk poz, ndơưk poz; tuô hnênhr, ntâuk tux luz, lêiv poz, tuôr nduôr blêx. Hâur six hơưv tsôngv box Hmôngz nox tsiêz 30, cxuô xã tưz qênhz shuôs têx chuôz zis pluôs chiê muôx huv paz zênhx max, cov cxuô lênhx cxuô tus, cxuô chuôz zis puôr lênhx muôx tsiêz nox cxix cxuô. Iz chas ntơư, heik tsôngv pêx xênhv cux tsuv bax uô chiv kôngz yiêz tâu trơưk li tsưr ziv xar./.

Báo Sơn La-Riê Lâux cxeik, nhênhv

                  Đros kror liv lok huôv tsar têx hax huv jông, hâux lưv hlôngr yiêz, sir zôngv khoa học kỹ thuật jông paz trâu uô kôngz nuv, chuôz cxaz uô piêr pâuz tưz paz muôx tsưr ziv uô tâu jông trâu nganhx Kôngz nuv Điện Biên. Nhiv no, iz cxiê hax huv kôngz nuv jông nhoz tỉnh tưz thiêz tsênhv tâu uô đros kriz đar, huôv tsar qơư sâu zuôr muôs; đhâu co piêr pâuz têx hax huv kôngz nuv tỉnh txos trâu nênhs sir zôngv, tâu muôs txos ntâu qơư hâur têz qơưk thiêz muôs tơưv saz đrâuv têz qơưk.

              Chiê paz trâu têx kôngz nuv Điện Biên tâu muôs truôx jông sâuv ciêz đrôngs, iz chas tâu cấp ủy, chinhr quyền cxuô cấp thiêz cơ quan muôx vax huôv têx paz tsênhv muôx chor chuôz zis uô nox, hợp tác xã, doanh nghiệp sir jos đros uô. Pâuz tâu siêz nhiêv zuôr sâuv ciêz đrôngs, chor tiz nênhs, taz viv, tsưr tsix tưz tsik zos huôv tsar truôx thax tsav uô nox xưz mak tsênhv sir zôngv khoa học kỹ thuật yiêz jông, kriz đar tsưr ziv uô nox chiê paz muôx tâu têx hax huv tsik gri kinh têr siêz, huv đros trâu nênhs sir zôngv siêz nhiêv./.

Báo Điện Biên-Lik Thox cxêik nhênhv

               Hâur ntu đhâu, huyện Tam Đường, tỉnh Lai Châu huôv tsar chos, muôs têx txir lưk hmaz lơưr tsưr ziv HTX, pêx xênhv thiêz doanh nghiệp sik đros uô, đros sâu zuôr tưz uô tâu jông, muôs tâu gri, tsar ndê phênhv sâu trâu pêx xênhv. Tsoz txir lưk hmaz tâu chos phênhv ntâu trâu chor xã li: Thèn Sin, Hồ Thầu, Bình Lư, Sơn Bình.

              Shông 2023, tsôngv box chos yiêz 300 ntâu ha (tax 600% pir li tsưr ziv choz), tsar ndê têx liêx têz chos txir lưk hmaz hâur tas nro huyện Tam Đường muôx zuôr xar 414 ha, hâur co, 113 ntâu ha tưz txi txir tâu sâu đê, njuôk xav tax 2 cxênhz ntâu tênhr.

             Chiê huôv tsar uô truôx tsoz chos co, gra siêz phênhv sâu trâu tsôngv box, Phongx Kôngz nuv thiêz huôv tsar tox siêz đros Tsênhv qơư dịch vụ kôngz nuv huyện kriê tsôngv pêx xênhv tsưr ziv tsoz phưz, qênhz shuôs, phax tuô têx caz hmoz tho nox uô ruôr hiêv; hux jos đros công ty, HTX tsiv uô thiêz sâu zuôr têx xiv huv. Uô trơưk faz tsưr ziv heik sâuv tưz uô tâu jông, HTX muôz nôngz, têx qir zuôv, yuôx tsuôs tuô caz hmoz thiêz sâu zuôr têx txir lưk hmaz đros gri truôx tuk, đhâu ntơư, muôz hâux lưv uô, tsar ndê phênhv sâu tâu trâu tsôngv pêx xênhv./.

Báo Lai Châu-Riê Lâux cxeik, nhênhv