Jos Lầu, phường Chiềng Lề, TP Sơn La nto bê đros hâux lưv tsiv uô, cungz xiv huv greix kruôr kaz. Jos muôx 340 ziv chuôz zis mak muôx 20 ziv uô thiêz muôv muôs greix kruôr, hnhur nzưv. Li qơư uô greix kruôr Hoa Xuân, fênhx yax iz hnuz zuôr 200-300 cir greix tưv chiê uô greix kruôr, hnhur nzưv. Têx hnuz zuôr txos tsiêz, zoz qơưx sir zôngv chuôz ndê siêz, fênhx pheiz zuôr 400-500 cir greix tưv nhôngs iz hnuz chiê uô, đros zuôr xar 10 lênhx nênhs sik đros uô chiê hnuz tưs cux muôx greix phưx vưv tsôngv kruô nhoz jê, nhoz đêz uô ntêx hâur thiêz đhâu thâuv nox tsiêz tas. Zơuv Tòng Ngọc Hoa, Tsar jos Lầu, tsưr qơư uô greix kruôr Hoa Xuân puz pâuz: “Đros pêz qơư uô greix nhus kruôr mak zuôr greix uô cux zos greix muôx nhoz tiv phaz, txix têx qơư feik tuô taz por, muôx cxix cxuô ntâuz ntơưr đăng cir muôv muôs. Lok xiv huv greix kruôr nhiv no tưz tâu côngz jênhv xiv huv OCOP tỉnh Sơn La txix shông 2019 thiêz txos shông 2022 đhâu thâuv Hội đồng tror chấm đuô tưz tâu côngz jênhv thênhv siêz đuô thiêz”./.

Tòng Anh-Txâur Vax cxeik nhênhv

               Nhiv kruôr đhâu, zơưv Trần Văn Tới, Chủ tịch Ủy ban xar Hẹ Muông, huyện Điện Biên, tỉnh Điện Biên xav jênhv, xar tưz thôngx ziv đros côngv thôngx pêx xênhv tror muôz 185 tuk nhux đas tưz cungz. Qir tiv tror muôz chor nhux đas dưv anr zos tiv taz viv cungz zos Công ty TNHH MTV yưv pênhr cxiv tsa Đại Thành tsik muôx ntâuz ntơưr lok qơư zuôr chor nhux đas nôngz no. Lơưr zơưv Tới, kaz shông 2023, xar kriz uô dưv anr cungz nhux đas nôngz trâu pêx xênhv lơưr têz qơưk oz Tsaz yênhx hêik sâur. Tas nro xar muôx 185 ziv chuôz zis nhoz 9 tôv côngv thôngx tâu tsaz yênhx paz; iz ziv chuôz zis tâu paz iz tuk nhux đas nôngz zus sha mê nhuôv. Zơưv Bùi Hải Bình, Chủ tịch Ủy ban huyện Điện Biên cux hêik tiêk, muôx 2 kror huyện Điện Biên tsuv tâu uô tsênhz mênhx, co zos: “Lênhxnênhs thiêz nhux đas nôngz”. Zos tiêk chiê muôx yưv qênhx shênhx cungz muôz têx nôngz tsiêx tsik jông, huyện zuôr sêiz shuôk chor nênhs cik txos li txơưx jênhv hâur ntu kriz uô. Jiês qênhz yuôx no zuôr tâu hêik pâuz tsênhz kênhz tiv zix txos hnuz 31/1./.

GDTĐ-Lik Thox cxêik nhênhv

               Xav tênhv huôv tsar ju lix zos nganhx kinh têr tsênhv, ntu đhâu, huyện Mù Cang Chải, tỉnh Yên Bái tưz ndaz ndơưv cxuô pênhr jos chiê huôv tsar ju lix. Khov co, suôv câuv shông 2023, tưz muôx 365 cxênhz jiês kruô tuôx ndis seiz tiv phaz, phênhv sâu tax 355 tỷ đeiv ntâu. Chiê yênhx huyện ju lix, zos tuôx txos têx jos taz por, jông jav, huyện Mù cang Chải tưz chuv tôngv huôv tsar ju lix lơưr saz hlôngr yiêz, tsov cưv huôv tsar têx xiv huv ju lix jông, zaz zâuv tsôngv kruô ju lix, pênhr yưv huôv tsar ju lix; phuôx huiz têx muôx ntơưv qơư, vênhx huôv thiêz lênhx nênhs tiv phaz./.

Báo Yên Bái-Txâur Vax cxeik nhênhv

                 Nhiv kruôr no, Công an huyện Vân Hồ (Sơn La) pov thiêz cxov tâu Cuôv Xênhv Zax nhoz jok Lóng Luông, xar Lóng Luông, huyện Vân Hồ (Sơn La) zuôr muôs tsik zos chêi zax zênhz. Têx sâu tâu zos 183 njiêr yuôx shơư zax zênhz, 1 luz yêz mêir, 2 luz điện thoại đros iz cxiê zav cik txos.

              Ntơưv cơ quan Công an, Cuôv Xênhv Zax hêik tưz muôz chor zax zênhz co jêik hâur Hmôngz chor nduôr blêx cov lưx lươngv muôx vax huôv tsik pâuz. Thâuv tsênhv chox muk muôs chêk trâus qênhz yuôx, cxov tsês. Nhiv no txuz hâux lưv tsênhv tror tâu qênhz yuôx, nriêr pâuz cov tsênhz mênhx./.

TTTB-Lik Thox cxêik nhênhv