Côngz xưv cxiv tsa, uô tiêr cxuô zav chiê hêik cov côngz jênhv qơư du lịch têz qơưk Mộc Châu tsênhv tâu sêi đrơưv kriz uô; tsêx trung qênhz yuôx chor qơư kinh doanh dịch vụ du lịch; kruôz kriê sêiz car, tso chêi uô huôx tôngv nhoz so; jux juk sir zôngv công nghệ thôngz môngz trâu uô du lịch… Lơưr ntâuk gri, qơư du lịch têz qơưk Mộc Châu tưz uô tâu 19/20 luôs hâux lưv, yuôr iz luôs hâux lưv uô tsik tâu jông zos sâu tsês thiêz xưv lik têx vuôz tsuôz. Ban chox kriê cux tưz tsêx trung hêik kriê huyện Mộc Châu qênhz shuôk, ntâuk gri chor luôs hâux lưv lơưr cui tênhv; uô côngz xưv cêv kuôk thax tsav, cêv kuôk cxuô đrôngs Mộc Châu chiê kriz uô têx tsưr ziv cik txos kho đuô đrôngs Mộc Châu zos đrôngs hov 4. Zơưv Lê Trọng Bình, Chủ tịch Ủy ban huyện Mộc Châu puz pâuz:

            “Hâux lưv zaz zâuv chor nênhs yưv pênhr trâu hâux lưv no tsênhv njiz ntâu kror phiv liv, viv nhiv no pir li dân sôr, pir li chor vuôz tsuôz yênhx hnuz tsik tâu muôx ntâu txâuk trâu chor nênhs yưv pênhr kriz uô tsêr mêir chiê xưv lik. Tiv 2 zos têx tsênhv chêi lok ar têz cux zos iz kror phiv liv lox, chiê muôx txâuk thax tsav qơư cxiv uô tsêr mêir. Nhiv no zos tsuv đơưk kho têx phiv liv cik txos ar têz chiê chor nênhs yưv pênhr tso siêz yưv pênhr kriz uô sâuv têx qơư tưz muôx tâu, paz txo grêk nhiêx txiêx uô trâu chor nênhs yưv pênhr lơưr têx tsênhv chêi zaz zâuv yưv pênhr tưz tâu tso tơưv. Đros co, tsuv muôx sik côngv nhoz Mộc Châu đros têx huyện iz ndis, cov muôx txâuk cxuô kror trâu tsêr mêir uô hâux lưv”./.

Lê Hạnh-Lik Thox cxêik nhênhv

              Truôx siêz hlôngr yiêz tsoz chos, sir jos hla đhâu phêv liv, shông 2023, 1 cxênhz ntâu ziv chuôz zis nôngx mênhx tỉnh Điện Biên tưz hla đhâu cêr pluôk. Pos Vàng Thị Bình, Chủ tịch Hội nôngx mênhx tỉnh Điện Biên puz pâuz: Shông 2023, côngz xưv kôngz nuv, nôngx mênhx, nôngx cxênhz tror tâu tsov cưv huv đros. Têx cấp Hội nôngx mênhx tỉnh uô jông côngz xưv yax mông Đangv li chủ trương, cêr chei têz qơưk txos hội viên, nôngx mênhx. Txix co cxơưz tiês phongz yaox nôngx mênhx sik tưr thik txơưx tsiv uô muôv muôs, sik côngv siêz huôv tsar kinh têr thiêz txu grês cêr pluôk truôx vênhs. Pos Bình heik:

            “ Nhiv no Cuiv paz txưv nôngx mênhx tas nro tỉnh tax 27 tỷ đeiv, seiz car 94 dự án. Thiêz têx dự án puôr lênhx phuôx huiz chêx cuk paz nôngx mênhx krêz đar tsiv uô, txix co paz hội viên nôngx mênhx huôv tsar kinh têr, txu gres chor ziv chuôz zis pluôk, chuôz ndê chuôz zis bluô nux”./.

Vũ Lợi-Txâur Vax cxeik nhênhv

                Tiv phiv liv txix chuô txiêk hâur têx hnuz đhâu, uô trâu jêx tưv ntơưv chor xar nhoz tox siêz Lai Châu tror grêk kik. Ntâu qơư jêx tưv grêk kik đuô 10 tưv thâuv hmo ntux, đros muôx nas lok uô phiv liv txos chor tsiêx cxux tu zus. Nhiv no cơ quan muôx vax huôv thiêz chinhr quyền cxuô thax tsav qơư tưz thiêz tsênhv hêik kriê pêx xênhv kriz uô têx tsưr ziv phax, tar ntux no trâu chor tsiêx cxu. Zơưv Nguyễn Khắc Tiệp, Trưởng phòng Kôngz nuv thiêz Huôv tsar jêx jok huyện Sìn Hồ, tỉnh Lai Châu puz pâuz:

              “Huyện tưz yênhx lix chor tôv muk trâu têx xar, thị trấn chiê qênhz yuôx, kriê pox nhuôs kriz uô têx tsưr ziv phax tar ntux no. Tsênhv tsênhz zos thêir vor têx tsêr guôx. Tiv zix zos têx xar tox siêz, tsuv chox chor nhux tưv lok trâu têx qơư kik muôx jex tưv siêz đuô. Đros co zos sir jos bax cxuô zav nox trâu chor tsiêx cxu hâur têx hnuz ntux no…”./.

Khắc Kiên-Lik Thox cxêik nhênhv

                Ntơưv jos Van Hồ, xã Phìn Ngan, tỉnh Lào Cai nhiv kruôr tsưr tsix nênhs Cho li Ntênhs côngz jênhv hloz tiêr nênhs tơưk 12 tsưv chiêz. No zos phongz qơưx khênhr tâu tsưr tsix trâu kaz shôngk shông sâuv thax tsav đros ntâu tsưr ziv uô jông. Pir đros tơưk 3 tsưv chiêz, 7 tsưv chiêz mak 12 tsưv chiêz zos thênhv siêz tiv zix; viv li tâu tsưr tsix lox đuô, ntêr đuô đros muôx 43 gơưv niêv txir nênhs Cho tuôx txix 3 xênhv nênhs cxaz chuôz. Nênhs Cho nhoz Lào Cai xar tiêk, tsưr tsix ntênhs chiê khav tênhv hloz tiêr nênhs thiêz ziv muôx ntâu tsưv chiêz tơưk mak tâu por hưv, hâux lưv co coaz tsôngv lok côngz jênhv hloz tiêr nênhs./.

An Kiên-Txâur Vax cxeik nhênhv