UB tỉnh Lai Châu nhiv kruôr tsưr tsix phêv ziv kruôk 200 lênhx txir ndâux txir luk uô tâu hâux lưv jông hâur tsôngv box mênhx cxưx tsơưs nênhs ntu 2021-2023. Nhiv no sâuv thax tsav muôx 885 lênhx txir ndâux txir luk hâur côngv thôngx; lơưr zos têx Bí thư chi bộ, tsar jos, lênhx nênhs muôx suôz nto bê….Têx shôngk đhâu, têx lênhx nênhs co thâuv tưs cux phuôx huiz pưs txux uô ntêx nyuôk hâur cxuô vênhv thix luz nênhx, sir jos yax mông vênhx tôngv tsôngv box uô jông Đảng, têz qơưk têx chei; jêx jos li têx quy ước, hương ước. Tiv zix, lơưr tsênhv zos têx lênhx nênhs paz txuôk tsôngv box đros cấp ủy, chính quyênx thâuv cxaz chuôz cxiv tsa têx Nghị quyết, tsaz yênhx, luôs haux lưv huôv tsar KTXH thiêz taz por côx phax txiv ngaz nhoz tiv phaz. Six hơưv no, UB tỉnh Lai Châu thiêz Ban mênhx cxưx tỉnh tưz muôz ntơưr kruôk trâu 50 lênhx txir ndâux txir luk uô tâu ntâu luôs hâux lưv jông paz phênhv huôv tsar KTXH, por vêv txiv ngaz jêx jos ntu 2021-2023./.

K.Kiên-Txâur Vax cxeik nhênhv

No njiv ntêr hnuz zos iz hâur têx phiv liv trâu zoz zux thax tsav tox siêz Lào Cai hâur têx cheix ntux no. Cux seiz ntux txơưr txar li chas, têx tsêr cơưv zuôr muôx tsưr ziv bax tsoz phưz đas jos trâu shux xênhz. Thax tsav tox siêz khênhr no nzor đuô thiêz suôx câuv lis đuô pir têx qơư kis. Txix ciês thâuv hâur cheix ntux no, cxuô tsêr cơưv hâur huyện puôr lênhx tưz bax tsưr ziv phax tar no trâu shux xênhz, muôx hur si  shux xênhz li niêv txir đros bax uô cxuô luôs hâux lưv phax tir thêir no njiv. Cưk kriê Đỗ Thị Tươi, phưv thơưx seiz car tsêr cơưv cxênhx iz sôr 2 thị trấn Mường Khương heik:

“Shux xênhz niêv txir đros tsêr cơưv uô têx faz tsưr ziv phax tar no trâu têx nhuôs li: Thâux gra tơưk tuôx chiê tâu trâur trâu chor nhuôs ntê hâur têx hnuz no njiv. Đhâu co, tsêr cơưv zuôr trâur têx fiêz hluôr ndêis trâu saz đrâuv jôngr trâu chor nhuôs ntê hâur têx hnuz no njiv hênhr”./.

An Kiên-Riê Lâux cxeik, nhênhv

Hnuz 23/12 zuôr txos no, ntơưv huyện Mù Cang Chải (tỉnh Yên Bái) zuôr tsưr tsix Festival kênhx Hmôngz thiêz côngz fur Cuiz tênhv kênhx Hmôngz, hâux lưv zôngv chiêz mur cok pax sâuv ntâuz Hmôngz Mù Cang chải, huyện Trạm Tấu, huyên Văn Chấn zos di sản vênhx huôv phi vật thể têz qơưk thiêz Ntênhs pax Tớ Dầy shông 2023. Tas nro tsaz yênhx tâu tso trực tiếp sâuv Đeix nta suôz xa đuôz tỉnh Yên Bái thiêz sâuv têx nền tảng số. Tsaz yênhx muôx njiêz luv “kênhx Hmôngz li têx kror jông”. Tiv zix zos qơư heik kriê kênhx Hmôngz li pưs txux, ziz njiêz hâur luz nênhx xênhz huôx thiêz tsôngv box Hmôngz li têx vênhx huôv jông. Đrâuv co zos tsaz yênhx đhiê kênhx Hmôngz đros muôx 1 cxênhz lênhx nghệ nhân nhoz Mù Cang Chải cxaz chuôz./.

(Báo yên Bái-Txâur Vax cxeik nhênhv)

Đội seiz car tênhx qơư sôr 4, Cục seiz car tênhx qơư tỉnh Sơn La nhiv kruôr xưv bluô iz lênhx txir nênhx nhoz huyện Thanh Thủy, tỉnh Phú Thọ zos lênhx tsar luz yêz muôx biển sôr 98C-193-23 thiêz cux zos lênhx tsưr chor hax huv tas hax sir zôngv ntơưv jok Ban, xã Huy Thượng, huyện Phù Yên, tỉnh Sơn La; xav chor hax huv thiêz chor nhiêx trâus bluô zos 30 tsov đeiv. Đhâu qênhz yuôx, Đội seiz car tênhx qơư sôr 4, Cục seiz car tênhx qơư tỉnh Sơn La qênhz pov sâuv yêz muôx 420 têik yuôx nzuôr, so tsêr thiêz 150 thôngz yuôx nzuôr têx kiêk nênhs zos Việt Nam tsiv uô tưz tas hax sir zôngv. Độ seiz car tênhx qơư sôr 4 tưz uô ntâuz ntơưr xưv bluô thiêz heik trâu Cục tsar Cục seiz car tênhx qơư tỉnh Sơn La tso tơưv quyết tinhv bluô lênhx txir nênhx heik sâuv thiêz hlơưr por tsês hur si têx hax huv tưz tas hax co./.

Trấn Long-Riê Lâux cxeik, nhênhv