Uô lơưr têx hâux lưv tsênhv tsênhz hơưv chiv nhênhv 50 shông yênhx lix cêr coaz siv ngoại giao Việt Nam-Nhật Bản (21/9/1973-21/9/2023), ndar txos hơưv chiv nhênhv 70 shông ntâuk zênhx trol châuz Điện Biên Phủ (7/5/1954-7/5/2024), tỉnh Điện Biên zuôr tsưr tsix ntênhs hội pax txir đuôx shông 2024 đros njiêz luk: “Ndis seiz Pá Khoang-têx pax txir đuôx”. Iz chas co, ntênhs hội pax txir đuôx tỉnh Điện Biên zuôr zos Ủy ban TP Điện Biên Phủ seiz car tsưr tsix, njuôk xav zuôr nthuôr uô lok iz đraz hli 1/2024. Hâur six hơưv tsưr tsix ntênhs hội zuôr uô ntâu zav nuv, têx txux chi vênhx huôv jông li: Nthuôr uô cêr lov jêv nhoz 2 têz qơưk, sik đros hâuk siv têx chơưr Hmôngz, ciêz kôngz nuv thiêz piêr kriê têx xiv huv kôngz nuv jông, muôx tsơưr lươngv siêz , zav nox, sik tưr gruôv gox, sik tưr đhiê....../.

Vũ Lợi-Riê Lâux cxeik, nhênhv

5.400 ntâu lênhx nênhs phamv cxâuv lok zax zênhz tưz trâus ntês cxov hâur shông 2023. No zos số laov tâu tso tơưv ntơưv phêv ziv ntâuk grê Cụm tưr thik số II, Bộ công an muôx: Lai Châu, Điện Biên, Sơn La, Lào Cai, Hà Giang, Cao Bằng thiêz Lạng Sơn lok phongz yaox tưr thik “viv txiv ngaz têz qơưk” shông 2023 tsưr tsix ntơưv tỉnh Lai Châu hnuz 22/11. Shông 2023, công an tex tiv phaz hâur cụm tưr thik số 2 tưz uô jông Đảng ủy Công an TW, Bộ công an, tỉnh ủy, UB têx tỉnh li lênhs tov chox kriê, chuv tôngv, truôx siêz krêz uô têx jênhv vưv tâu choz. Qênhx shênhx nênhs phamv cxâuv lok trật tự xã hội ntơưv têx thax tsav puôr lênhx txu grês pir đros shông 2022; côngz xưv qênhz yuôx, yưr lir nênhs phamv cxâuv tax chêx cuk siêz. Ntơưv phêv ziv, lênhs tov Công an tỉnh Lai Châu tưz choz taz viv Cụm tsar Cụm tưr thik trâu Công an Lạng Sơn, Phưv cụm tsar cụm tưr thik trau Công an tỉnh Cao bằng./.

(K. Kiên- Txâur Vax cxeik nhênhv)

Chor doanh nghiệp, qơư thiêz ziv chuôz zis tu zus tsiêx cxu hâur thax tsav tỉnh Yên Bái tsênhv sir jos tror huôv tsar tu zus têx tsiêx cxu, bax muôx txâuk zav nox phưx vưv tsôngv pêx sơưr đơưk zoz qơưx hâur six hơưv kaz shôngk shông thiêz tsiêz têz qơưk 2024. Ntu no, ntơưv Yên Bái thiêz cxuô thax tsav qơư nhoz Tây Bắc ntux txơưr txar phiv liv, têx tsiêx cxu zôngx ziv trâul muôx moz. Ngênhx Kôngz nuv thiêz huôv tsar tox siêz tỉnh Yên Bái tưz hux jos đros hâu nov ntơưv qơư tso canr bôv muk yênhx chuôz zis pêx xênhv chiê qênhz shuôs, yax mông, kriê pêx xênhv têx tsưr ziv phax tir thêir moz trâu tsiêx cxu. Zơưv Ninh Trần Phương, Phưv Chi cục tsar, Chi cục tu zus thiêz kho moz tsiêx cxu tỉnh Yên Bái heik pâuz:

“Chi cục cux tưz hux jos đros cơ quan cik txos chiê qênhz yuôx, seiz kaz têx caz moz ơưk, kriê cxuô ziv chuôz zis tu zus uô lơưr jông tsưr ziv vêv xênhz truôx tuk, qênhz shuôs tsi so têx tsiêx cxu, fax thâux, tuô tsênhr.... Hux jos đros têx lưv lươngv muôx vax huôv chiê taz por muôx txâuk xiv huv côngz trâu lênhx nênhs sir zôngv hâur six hơưv tsiêz têz qơưk”./.

Đinh Tuấn-Riê Lâux cxeik, nhênhv

Jos Thành Sơn, xã Bản Xèo, huyện Bát Xát, tỉnh Lào Cai muôx hâux lưv uô chax chês zos uô cuz thaz kok blôngx njê. Thax tsav muôx 300 hecta chos kok blôngx njê thiêz pax hoàng sin cô, no zos têx kror jông chiê huôv tsar uô cuz thaz, uô tâu xiv huv tax OCOP. Hâux lưv uô cuz thaz kok blôngx njê nhoz xã Bản Xèo tâu hôx phux muôx nhos 10 shông no, pax kok blôngx njê thiêz pax hoàng sin cô tâu tsôngv box mênhx cxưx tox siêz huyện Bát Xát chos ntâu. 2 zav pax no tsi pôngz ntâu côngz tsoz phưz, nôngz zuz muôx yênhx shông, nhiêx txiêx yưv chos kis. Nhiv no Bát Xát muôx 3 HTX cxaz chuôz tsiv uô cuz thaz kok blôngx njê, huôv tsar yênhx xiv huv OCOP. Hâux lưv uô no tưz paz tsôngv box mênhx cxưx Giáy car chêx hâux lưv uô, ngaz tul phênhv sâu trâu yênhx puôk lênhx nênhs lox tôngv zos tsôngv box nhoz tiv phaz./.

(VOV-Txâur Vax cxeik nhênhv)