Hâur têx txix 24-26/11, ntơưv jos ju lix côngv thôngx Sì Thâu Chải, xã Hồ Thầu, huyện Tam Đường, tỉnh Lai Châu zuôr tsưr tsix ntênhs phêv Pu Ta Leng đros njiêz luv “têz qơưk jông jav”. Hâur ntênhs phêv muôx ntâu huôx tôngv tâu tsưr tsix li: thik cheix câuk za Pu Ta Leng VN krêz đar jiês tiv 2 shông 2023, đros 100 ntâu lênhx phi công tuôx txix 12 luz têz qơưk thiêz thax tsav cxaz chuôz; giải thik đhiê tâus cêr Pu Ta Leng VN krêz đar huyện Tam Đường jiês tiv 1 shong 2023; muk ndis seiz tsas đêx Tác Tình, tsưr tsix uô zav nox côngv thôngx….ntơưv ntênhs cux muôx têx jiês tsưr tsix uô tsôngv box têx mênhx cxưx li têx phongz qơưx jông li: nênhs Cho li phongz qơưx đhiê sâuv nheis cuz, tủ cải; nênhs Giáy ly ntênhs yôngz….Cux đros co zos têx qơư piêr muôs xiv huv OCOP jông nhoz huyện Tam Đường thiêz tỉnh Lai Châu./.

K.Kiên-Txâur Vax cxeik nhênhv

Tsơưs tsơưs 5 giải thể thao cấp têz qơưk thiêz ntiêx têz zuôr tsưr tsix ntơưv tỉnh Điện Biên hâur shông 2024. Co zos shông chiv nhênhv 70 shông ntâuk zênhx trol châuz Điện Biên Phủ, 115 shông yênhx lix tỉnh Điện Biên, 75 shông yênhx lix Đảng bộ tỉnh thiêz Shông ju lix têz qơưk Điện Biên 2024. 5 giải thể thao cấp têz qơưk thiêz ntiêx têz njuôk xav tâu tsưr tsix ntơưv Điện Biên hâur shông zuôr txos co muôx: Sik tưr cheix câuk za cấp têz qơưk jiês tiv 4; sik tưr cheix yêz câux vaz lok zos yêz tuôv tas nro têz qơưk; sik tưr cheix yêz câux vaz “tuôx Điện Biên Phủ-2024...... Co zos six hơưv jông chiê ntơưv qơư krêz đar cêr coaz siv siz chuôs njiz, sik hux jos, piêr kriê têx đuôz, vênhx huôv, lênhx nênhs Việt Nam trâu chôngz lênhx ntâu tus pêx xênhv, tsôngv kruô hâur thiêz đrâuv luôs 2 chas têz qơưk pâuz txos./.

Vũ Lợi-Riê Lâux cxeik, nhênhv

Shông 2023, tas nro 14 qơư zaoz zux hâux lưv uô sauv thax tsav tỉnh Yên Bái tưz xeir zuôr thox cxov tâu trâu 20 cxênhz lênhx shux xênhz lơưr 90 ntâu doanh nghiệp hâur thiêz đrâuv tỉnh li zoz qơưx. No zos sir jos lox khov muôz siêz yênhx côngv chor cưk kriê, hlôngr yiêz tsaz yênhx, tsưr ziv, njiêz luv thox cxov hâux lưv uô ntơưv têx qơư zaoz zux, gôngr phênhv chox Yên Bái yênhx iz hâur têx tsênhv qơư thox cxov hâux lưv uô jông nhoz thax tsav Tây Bắc. Txos nhiv no, chor qơư thox cxov hâux lưv uô sâuv thax tsav tỉnh Yên bái tưz taz por kriê ntâu zav hâux lưv uô huv đros. Tsơưr lươngv thox cxov ziv hnuz ziv chuôz ndê, tsi so tâu hlôngr yiêz lơưr saz công nghệ thôngz xor mông, chuôz tsar thox cxov thiêz uô lơưr doanh nghiệp li zoz qơưx./.

(DTPT-Txâur Vax cxeik nhênhv)

Moz suôz liêz tsênhv huôv xênhz nhoz ntâu thax tsav qơư hâur tỉnh Lào Cai. Cơ quan muôx vax huôv heik tsôngv pêx xênhv sơưr đơưk tsi tâu tso siêz lok zav caz moz no. Txix hâur cheix ntux lax txos nhiv no, têx lênhx nênhs trâul moz suôz liêz ntơưv tỉnh tox siêz Lào Cai tsar ndê chôngz lênhx, lar heik zos hâur đrôngs TP Lào Cai thiêz 2 huyện Bảo Thắng, Bảo Yên. Trơưk li thôngz sâu txix Tsênhv qơư qênhz njuôk shuôs moz gênhk tỉnh Lào Cai, txos nhiv no, tas nro ỉnh Lào Cai tưz muôx 150 ntâu lênhx nênhs trâul moz suôz liêz thiêz iz hnuz tsar ndê chôngz jux juk. Hâur co, cux tsênhv muôx têx lênhx nênhs trâul moz suôz liêz tsuv chơưv kho moz zênhx max viv uô ntêx ntơư xav tsi tâu tiêk, trâul moz suôz liêz, lơưr tưz chiv chir zuôr yuôx lok nox hâur tsêr. Zơưv Trần Xuân Trường, Phưv Giám đốc tsênhv qơư heik pâuz:

“Txos nhiv no tas nro têx lênhx nênhs trâul moz suôz liêz hâur thax tsav tỉnh tsi tâu pov lênhx tưs trâul moz hnhar, tsuv xa muk chơưv kho trâu têx tsêr kho moz lox hlo, phênhv ntâu chor nênhs trâul moz tưz kho tâu jông moz gênhk.Taz sik, pêz heik trâu tsôngv pêx xênhv sơưr đơưk tsi tâu tso siêz, hur tiz si têx lênhx nênhs tâu xav trâul moz mak tsuv muk chuôs cưk yuôx chiê tâu chơưv kho moz zênhx max”./.

An Kiên-Riê Lâux cxeik, nhênhv