Hmo 29/1, ntơưv TP Lào Cai nthuôr uô cêr lov jêv hơưv tok shông yiêz đhâu ntus đriv thiêz tsôngv pêx xênhv ntus đriv Việt Nam-Trung Quốc uô cêr lov jêv shông 2024.

                  Dưv hmo nthuôr uô lov jêv, muôx chôngz lênhx ntâu tus hlôngr njêx muôs cấp ủy, hâu nov Lào Cai thiêz saz Hồng Hà (tỉnh Vân Nam, Trung Quốc); hlôngr njêx muôs Tổng lãnh sự quán Việt Nam ntơưv Côn Minh thiêz chôngz lênhx pêx xênhv, tsôngv kruô ndis shuôs têz qơưs. Nthuôr uô yênhx châuv têx txux chi cêr lov jêv, hu gâux heik lol cheix ntux yiêz, têx muôx jông nhoz Lào Cai, Vân Nam, Việt Nam-Trung Quốc têx cêr fôngx zưs jông...... Tix lâus Hoàng Mạnh Linh, Phưv Bí thư Tỉnh đoanx Lào Cai heik pâuz:

                 “Têx tsaz yênhx nthuôr uô lov jêv li no muôx liv lok six jông thiêz zov chênhr. Tiv iz, paz cxiz Lào Cai thiêz Vân Nam cêr coaz siv fôngx zưs, sik hux jos jông; tiv 2 zos gra cêr uô si lov jêv trâu tsôngv pêx xênhv bax nox tsiêz, tok shông yiêz; tiv 3, paz piêr kriê cxuô heir nênhs hâur Lào Cai-Vân Nam têx txux chi vênhx huôv jông trâu chôngz lênhx ntâu tus pâuz txos; iz chas ntơư cxiz 2 thax tsav ntus đriv huôv tsar kinh tế, xã hội”.

              Trơưk li luôs hâux lưv tso, đhâu hmo nthuôr uô lov jêv co ntơưv Lào Cai, hmo 30/01 tror nthuôr uô tsaz yênhx lov jêv li heik sâuv ntơưv Hà Khẩu, Trung Quốc./.

An Kiên-Riê Lâux cxeik, nhênhv

                Ndax trâu tsiêz têz qơưk shông no, 9 cxênhz ntâu đoàn viên, nênhs lox tôngv muôx luz nênhx txov nhêv sâu thax tsav tỉnh Sơn La zuôr tâu paz txưv, khơưk muôz huv zos nhiêx txiêx, chuôz zênhx….tas nro nhiêx txiêx uô têx luôk hâux lưv co zos 5 tỷ đeiv ntâu. Pênhr paz zos txix Tổng liên đoàn lox tôngv VN li phênhv nhiêx txiêx công đoàn, Cuiv xã hội Liên đoàn lox tôngv tỉnh Sơn La, đros têx taz viv hâur thiêz đrâuv tỉnh li paz txưv. Ntơưv tsaz yênhx “Tsiêz sor si- cheix ntux yiêz sik đros pheiz kênh” shông 2024 tsưr tsix hnuz 28/1, Liên đoanx lox tôngv tỉnh Sơn La tưz khơưk muôz 80 phênhv huv tsiêz, iz phênhv tsiv grê 1 tsov đeiv trâu 80 lênhx đoàn viên, nênhs lox tôngv muôx luz nênhx txov nhê v nhoz liên đoàn lox tôngv huyện Mai Sơn. Công đoàn nganhx công thương, kôngz nuv huôv tsar nôngx cxênhz, zaoz zux, y tế thiêz liên đoàn lox tôngv huyện Mai Sơn cux khơưk muôz 20 phênhv huv, iz phênhv tsiv grê 800 cxênhz đeiv trâu 20 lênhx đoàn viên, nênhs lox tôngv muôx luz nênhx txov nhêv sâuv thax tsav huyện Mai Sơn/.

Lê Hạnh-Txâur Vax cxeik nhênhv

                 Zar hnuz kêix 29/01, Bộ Chỉ huy Bôv đôiv Pênhz phax tỉnh Lai Châu tsưr tsix njiz njêx muôs ntơưr pov tsir ndax cheix ntux yiêz Jax shông 2024; heik lol têx hâux lưv chiv nhênhv 65 shông Hnuz chax chês bôv đôiv pênhz phax (03/03/1959-03/03/2024), 35 shông Hnuz pênhz phax tas nro tsôngv box sơưr đơưk (03/03/1989-03/03/2024). Heik ntơưv jiês njiz njêx muôs, zơưv Lê Chí Công-Phưv tsar Ban Tuyên giáo Tỉnh ủy tưz sau jênhv, kruôs thiêz ntâuk grê siêz têx cơ quan uô ntơưr pov tsir, tuz sâu xor xưv li têx sir jos thâuv tưs tưz đros đreiv ntơưv qơư, muk txos thax tsav tox siêz đêz đrôngs, ntus đriv chiê sâu xor xưv heik lol tsôngv pêx xênhv luz nênhx xênhz huôx, tsưr ziv siêz xar...... Zơưv Lê Chí Công heik, Bộ Chỉ huy Bôv đôiv pênhz phax tỉnh bax côngz têx mông, muôz jông six hơưv chiê têx tuz sâu xor xưv uô hâux lưv sâu xor xưv, têx mông hâur niêx hnuz. Chor cơ quan pov tsir tsuv uô jông luôs hâux lưv zok muôz, hux jos truôx đros têx tuz lênhv pênhz phax tỉnh chiê yax kriê, sâu tâu jông têx xor xưv, chiê tuz lênhv thiêz pêx xênhv muôx cêr thôngx siêz, sik đros tsưx phưv truôx thax tsav ntus đriv./.

Báo Lai Châu-Riê Lâux cxeik, nhênhv

                 Công ty cổ phần Kôngz jôngr zav nox Yên Bái nhoz phường Nguyễn Phúc, TP Yên Bái nhiv kruôr trâus UB tỉnh Yên Bái xưv bluô 500 tsov đeiv viv uô cxâuv hâur vênhv thix tênhx qơư. Tsênhz mênhx, lơưr cuiz tênhv zos Phưv chủ tịch thường trực Nguyễn Thế Phước cir, UB tỉnh Yên Bái cuiz tênhv xưv bluô công ty cổ phần kôngz jôngr zav nox Yên Bái 60 tsov đeiv lok hâux lưv: tsi muôx ntơưr  tso chei lok tênhx qơư lơưr cui tênhv đros tsêr meir ntơưr Yên Bình ntơưv jos Hợp Thịnh, xã Phú Thịnh, huyện Yên Bình. Thôngx cxix xưv phuôv 440 tsov đeiv đros hâux lưv tso đêx kiês nênhs lok hâur tênhx qơư tsi trơưk cui tênhv./.

Đinh Tuấn-Txâur Vax cxeik nhênhv