Tas cik hnuz 29/11, jiês cơưv suôx câuv tiv 6, Côx hội khóa 15 tâu buôk ti tso nta suôz, xa đuôz tưz uô chôngz lênhx ntâu tus cử tri cxuô heir nênhs tỉnh Yên Bái moz siêz txos. Cử tri Nguyễn Phương Thúy nhoz phường Yên Ninh, TP Yên Bái heik:

“Trơưk li seiz, mnôngs Côx hội jiês cơưv tiv 6, cur pov Côx hội tưz đơưk uô tâu ntâu luôs hâux lưv, quyết tinhv têz qơưk ntâu hâux lưv zov chênhr. Hâur têx tsênhv njiêz zov chênhr hâur jiês cơưv, muôx ntâu kror cik txos thax tsav tsôngv box heir nênhs tsơưs, txos hâux lưv cxuz cêr pluôs truôx. Co zos têx mak cử tri tox siêz lok six moz siêz txos thiêz xar cov têx tsênhv chei tâu thôngz đhâu ntơưv Côx hội chiê nzor uô lơưr hâur tsênhv tsênhz, gra siêz luz nênhx trâu tsôngv pêx xênhv”./.

Đinh Tuấn-Riê Lâux cxeik, nhênhv

Cử tri Cao Văn Tư, nhoz phường Cốc Lếu, TP Lào Cai xar tiêk, sâu jênhv tsưr ziv huôx tongv txix jiês khiêz phêv tov ntêx, ntơưv jiês khiêz phêv no, têx teiv plor tưz sik seiz lax, cê car chêx têx njiêz luv tsênhz mênhx, cê tso tơưv tsưr ziv lêx ntêr. Cux muôx têx vênhv thix tsi tâu car chêx tâu hâur iz jiês khiêz phêv, taz sik têx chêx cuk chox lok tưz ziv uô cử tri, tsôngv box njênhs njôngr lok têz qơưk tov kaz no:

“Têx ziv chênhv puôr lênhx muôx njiêz luv txơưr, tsi heik cxuô cxuô. No zos têx mak cur pov tâu thiêz njênhs njôngr cử tri thâuv mnôngs cux jênhv pov. Hâux lưv tso ntơưr cux muôx ziv chênhv sik seiz lax, taz sik cux thôngx ziv, chor ntơưr tâu tso cux huv đros têx mak tsôngv box seiz tsov têx nganhx li têx huôx tôngv”./.

(An Kiên- Txâur Vax cxeik nhênhv)

Luôs hâux lưv khưx phưx têx tsi jông, trâul ruôr hiêv đhâu txuz tsêr trâul cuz hnhiêz ntơưv tsêr cơưv Phổ thông dân tộc niêv txir zus mor cxênhx iz thiêz cxênhx 2 Nà Khoang, xã Mường Và, huyện Sốp Cộp tar su hnuz 26/11, tsênhv tâu cxuô cấp, cxuô ngênhx hâur tỉnh Sơn La sir jos fuô uô; đros trâu têx li heik sâuv zos sir jos hu lơưk, vênhv tôngv sơưr đơưk sik đros paz chiê cưk kriê ntơưr thiêz shux xênhz hâur tsêr cơưv nzor muôx qơư nhoz, kriê, cơưv truôx tuk. Zơưv Hà Văn Hưng, Phưv thơưx seiz car tsêr cơưv heik pâuz: Nhiv no, tsêr cơưv tsênhv phênhz 7 hâur 16 qar tsêr cơưv chiê uô qơư xênhz huôx tax trâu shux xênhz nox nhoz hâur tsêr cơưv, cơưv ntơưr; phênhz nzir têx qar tsêr uô hâux lưv chiê tsưr tsix kriê ntơưr. Cxuô cơ quan, taz viv, tsêr cơưv ntơưr, tsôngv pêx xênhv hâur thax tsav tưz sir jos đros paz têx pav vor, tos hâur ndông, chuôz zênhx uz no zuôr trâul txos trâu tsêr cơưv, têx nhuôs shux xênhz, đhâu co, phênhv ntâu cux taz por truôx tuk shux xênhz nox nhoz, xênhz huôx muk lol cơưv ntâuz ntơưr./.

Lê Hạnh-Riê Lâux cxeik, nhênhv

Bộ đội pênhz phax tỉnh Điện Biên nhiv kruôr ruôr yênhx côngz chuyên án thiêz ntês Lường Văn Vui, xênhz shông 1986, nhoz jos Phai Đin, xã Thanh Chăn, huyện Điện Biên viv thâux gra zax zênhz. Sâu tâu 12 đeiv zênhz đơưz, 54 cxênhz njiêr zax zênhz shơư yuôx thiêz iz cxiê chuôz zênhx txơưr muôx lênhx coaz. Lường Văn Vui jênhv tâu iz lênhx txir nênhx nhoz huyện Mường Mày, tỉnh Phong Sa Lỳ ntiêr thâux zax zênhz txix ndêx đriiv têz 106 ntus đriv VN-Lào lok xã Thanh Chăn, huyện Điện Biên chiê muôv muôs thiêz zuôr tâu thêv côngz zos 20 tsov đeiv, thâuv tsênhv thâux muk txơưv trâu Bộ đội pênhz phax pov thiêz ntês cxov. Nhiv no txuz hâux lưv no tsênhv tâu lưx lươngv muôx txơưx jênhv tror qênhz yuôx uô tsênhz mênhx./.

(Vũ Lợi-Txâur Vax cxeik nhênhv)