Hnuz 30/1, ntơưv huyện Phù Yên, Sơn La, Đại tướng Tô Lâm, Ủy viên Bộ chính trị, Bộ trưởng Bộ công an đros đoanx côngz xưv Bộ công an tưz muk seiz, phôngv tsiêz cán bộ, chiến sĩ thiêz tsôngv box têx mênhx cxưx tỉnh Sơn La. Hlôngr njêx muôs lênhs tov tỉnh Sơn La zơưv Nguyễn Hữu Đông, Ủy viên TW Đảng, Bí thư tỉnh tủy, Tsar đoanx teiv plor côx hôiv tỉnh Sơn la tưz pov cov đros đoanx lok côngz xưv cxiv tsa Đảng; chêx cuk huôv tsar KTXH, côx phax txiv ngaz tỉnh Sơn La shông 2023. Hâur co, yênhx lix 15 đoanx côngz xưv zos đ/c Ủy viên Ban thường vụ tỉnh ủy uô tsar đoanx muk uô hâux lưv, phôngv tsiêz, qênhz yuôx, pâuz tâu qênhx shênhx nhoz tiv phaz, têx xã ntus đriv, zênhx pênhz phax, trôngx đriv, têx taz viv Bộ côx phax, Bộ công an, quân khu 2 nhoz sâuv thax tsav tỉnh thiêz iz cxiê chiz coaz, taz viv, paz huv tsiêz trâu zuôr xar 50 cxênhz 700 lênhx nênhs, tas nro tsiv grê 26 tỷ đeiv…Ndax six hơưv no, đại tướng Tô Lâm thiêz đoanx côngz xưv tưz khơưk muôz 400 phênhv huv trâu têx chuôz zis tâu sơưv tsênhv chei, nênhs muôx côngz, chuôz zis pluôk, cán bộ chiến sĩ tsênhv uô côngz xưv hâur lưx lươngv công an sâuv thax tsav huyện Phù yên; khơưk muôz 1 luz yêz chơưv paz trâu Tsênhv qơư trâu y tế huyện Phù yên./.

VOVTB-Txâur Vax cxeik nhênhv

                 Hnuz 30/1, Đoanx Đại biểu Côx hôiv tỉnh Lai Châu đros Liên đoanx Lox tôngv tỉnh muôz Đảng, têz qơưk, Côx hôiv 40 poz huv tsiêz puz trâu đoanx viên, nênhs lox tôngv muôx luz nênhx txov nhêv hâur huyện Tam Đường. Co zos hâu nov Đảng, têz qơưk, Côx hôiv, cấp ủy Đảng, hâu nov ntơưv qơư hâux lưv uô tsênhv tsênhz, moz siêz txos, txoz cxơưx trâu têx đoanx viên, nênhs lox tôngv muôx luz nênhx txov nhêv ndax six hơưv tsiêz têz qơưk Jax shông 2024. Đhâu ntơư, paz cxiz têx đoanx viên, nênhs lox tôngv uô tâu jông cxuô luôs hâux lưv zok muôz, ziv hnuz ziv truôx siêz sir jos uô hâux lưv ./.

Báo Lai Châu-Riê Lâux cxeik, nhênhv

            Xar njôngr muôx tâu luz nênhx shir phaz, tsâu sor đuô, txix ciês hâur six cxiv txos nhiv no, Đảng bộ tỉnh Yên Bái tưz uô tsênhv tsênhz Nghị quyết Đại hội jiês tiv 19 txix ntâu tsưr ziv tsênhv tsênhz, huv đros. Đhâu 3 shông krêz uô muôz siêz chỉ số shir phaz trâu tsôngv box, jênhv pov Yên Bái luz nênhx ziv hnuz ziv tâu muôz siêz, tsôngv box tsênhv ndar txos luz nênhx tsâu sor, shir phaz. Bí thư tỉnh ủy Yên bái Đỗ Đức Duy pheiz kênh:

            “Pêz zuôr tror uô têx tsưr ziv chiê muôz siêz têx chỉ số chiê gôngr phênhv muôz siêz chỉ số shir phaz trâu tsôngv box. Tiv oz zos pêz zuôr uô hâux lưv krêz đar têx trâur nuv cxiv tsa chỉ số shir phaz tưz phuôx huiz chêx cuk li trâur nuv cxiv tsa tsêr cơưv shir phaz, cxiv tsa chiz coaz, taz viv shir phaz, lok sik trâur nuv lok qơư nhoz uô nênhx shir phaz, jêx jos shir phaz, xã phường shir phaz…”./.

VOVTB-Txâur Vax cxeik nhênhv

               Ciês hâur hli xuz thơưx hâur shông 2024, ntơưv Lào cai tưz muôx ntâu tus chôngz lênhx trâul moz hlưz hâu, tsênhv thâuv fênhx yax 7-8 luz hlik thiêx pov muôx lênhx nênhs trâul moz. Trơưk li Thạc sĩ Mai Đại Thành-thơưx seiz car khoa kho têx moz txơưx siz cik, Tsênhv qơư qênhz njuôk shuôs moz gênhk tỉnh Lào Cai heik pâuz:

               “Uô ntêx thâuv zuôr cxax yuôx vắc xin phax phôngz moz hlưz hâu mak têx lênhx nênhs moz ntơư tưz trâul muôx moz lơưv. Taz sik cux muôx têx pov, chor nênhs trâul moz co puôr lênhx nhoz hâur thax tsav zôngx ziv muôx moz huôv xênhz, no zos têx suôv qơư hâur shông 2022, 2023 tưz muôx nênhs trâul moz hlưz hâu li: Mường Khương, Bát Xát”.

                Moz hlưz hâu zos iz zav moz riêz nênhs, khênhr uô tsi jông txos têx hlưz hâu, sâur nyar tâuz hâu thiêz zôngx ziv trâul tuôs. Chor nênhs zôngx ziv trâul moz đuô hur si zos: Nhuôs zâu tsi tâu muôx 15 shông. Chiê phax tir thêir moz, sơưr đơưk tsuv cxax yuôx phax phôngz moz cxix cxuô, trơưk cui tinhv; iz chas ntơư, vêv xênhz hur si qơư nox nhoz, muk lol, tuô lov têx zôngr yax chuv, caz vêiv uz no..../.

An Kiên-Riê Lâux cxeik, nhênhv