Quyết định số 22 chiê chor nênhs trâus nhoz cêr cxâuv tas tror lok trâu chuôz zis, tâu kir txêik têz qơưs têx nhiêx txiêx huôv tsar uô nox, zos Thủ tướng Chính phủ tso tơưv hnuz 17/8/2023, tâu uô txix 10/10/2023. Đhâu thôngz sâu, hur si tỉnh Sơn La muôx 500 ntâu lênhx nhoz tiêr cêr cxâuv xar kir txêik pênhr nhiêx têz qơưs huôv tsar uô nox. Zơưv Tạ Văn Toàn, Phưv Giám đốc tsêr nhiêx tsênhv chêi-Xã hội tỉnh Sơn La hêik pâuz, côngv đros cxuô tsưr tsix xã hội, lực lươngx công an qênhz yuôx, chor nênhs đhâu chiv zênhk zax zênhz, nênhs nhoz tiêr cêr cxâuv xar kir txêik pênhr nhiêx, cơ quan co tsuv fuô uô cov tâu truôx jông, huv đros chiê kir txêik pênhr nhiêx huôv tsar uô nox:

“Uô trơưk Thủ tướng Chính phủ Quyết định 22 shông 2023, tsêr nhiêx tsênhv chêi-Xã hội tỉnh Sơn La tưz hêik trâu uỷ ban tỉnh muôx ntâuz ntơưr thor Trung ương pênhr nhiêx. Muôz pênhr nhiêx kir txêik cux uô zos đrêiv Quyết định 22 thiêz tsêr nhiêx tsênhv chêi-xã hội hêik kriê. Thiêz pêz zuôr sir jos muôx cov txâuk pênhr nhiêx trâu chor nênhs hêik sâu kir txêik huôv tsar uô nox”./.                                  

 Tsu cxêik nhênhv-CTV Đức Cường-Lan BT

        Công an tỉnh Lai Châu nhiv kruôr heik cov Đặng Hữu Thọ, xênhz shông 1986, vax tsêr nhoz tỉnh Thái Nguyên tuôx uô tsênhz mênhx têx nuv krêz uô khoar cxax tsi trơưk chei. Thọ lênhx tưz ntiêr 3 lênhx nênhs hâur thax tsav qơư muôz meir tsov, qênhz shuôs thiêz krêz yâu cuz tsi trơưk chei ntơưv jok Bó, xã Mường Tè, huyện Mường Tè, tỉnh Lai Châu thâuv hâur hlik hli 10 nhiv kruôr đhâu. Xuz thơưx Thọ krêz lênhk tiêk, Thọ tuôx Mường Tè thâuv hli 4 chiê zok nriêr qơư thiêz krêz yâu cuz. Thọ tưz muk trâu iz cxiê qơư hâur thax tsav, taz sik công an seiz car đrux viv li uô tsi tâu hâux lưv. Đhâu thâuv tâu 3 lênhx txir nênhx heir nênhs Hmôngz ntơưv qơư kriê cêr muk jok Bó chiê tsov qênhz shuôs, hâur hlik hli 10 nhiv kruôr đhâu, Thọ tưz đros 3 lênhx nênhs co cxiv uô qơư nhoz, khơưz yâu cuz ntơưv zơưv Tống Văn Phương đeiv têz. Thâuv trâul qênhz pov ntơư, lơưr tưz khơưz tâu iz luz kror tâuz toz 20 ntâu thiêr. Nhiv no Phongx Cảnh sát kinh tế, Công an tỉnh Lai Châu tsênhv đros Công an huyện Mường Tè tror qênhz yuôx, uô tsênhz mênhx chiê muôz chor nênhs sâuv tik cêr cxâuv trơưk chei têz qơưk cui tinhv./.

Khắc Kiên-Riê Lâux cxeik, nhênhv

       Nhiv kruôr đhâu no, ntơưv thax tsav jos Pò Ngảng, xã Lùng Vai, huyện Mường Khương, tỉnh Lào Cai, lực lượng công an tưz qênhz yuôx pov iz paz  nênhs tsar yêz máy, thâux ntâu luz hnaz tsax, tâu xav zos thâux hax huv tsik trơưk chêi. Đhâu qênhz yuôx pov, chor nênhs hêik co tưz tsar yêz khiêr đhâu lok trâu saz xã Nậm Chảy, huyện Mường Khương (Lào Cai). Đhâu châuv ntêk cxov, chor nênhs co tưz tso yêz, hax huv por tsês, tso têk khiêr; taz sik cux ntêk cxov tâu iz lênhx đros trâu têx hax huv. Ntơưv zênhx Biên phôngx, lực lươngx muôx vax huôv tưz pâuz tâu lênhx nênhs co zos zơưv Sùng Seo Chẩn, xênhz shông 1998, nhoz xã Pha Long, huyện Mường Khương. Zơưv Chẩn kriz tiêk, nưk tưz đros paz nênhs co muk thâux xa hax huv ntiêr ntơưv ntus đriv xã Lùng Vai lok trâu xã Nậm Chảy, huyện Mường Khương grê nhiêx ntiêr thâux zos 300 cxênhz iz jiês.

Đhâu sêiz shuôk hâur 15 luz hnaz tsax co zos fov ntơưr, hnhar 350 cir, zuôr txix Trung Quốc. Nhiv no, cơ quan muôx vax huôv tsênhv taz tov qênhz yuôx cov tsênhz mênhx chiê muôz chor nênhs co tik cêr cxâuv cov zos đrêiv chêi têz qơưs tso tơưv./.

Tsu cxêik nhênhv-An Kiên-Lan BT

        Hnuz 31/10, Cơ quan Cảnh sát qênhz yuôx Công an huyện Mai Sơn, tỉnh Sơn La tưz tso tơưv chei ntêk cxok Lường Văn Miển, xênhz shông 1993, thâuv ntêx nhoz xã Chiềng Khoong, huyện Sông Mã, tỉnh Sơn La, taz sik nhiv no nhoz ntơưv jok Cho Cong, xã Chiềng Nơi, huyện Mai Sơn, tỉnh Sơn La lok sâuv zuôv iz lênhx nhuôv tsi tâu muôx 13 shông uô đaz uô tuôs ntơưv xã Chiềng Nơi, huyện Mai Sơn (Sơn La). Nhiv no lênhx nênhs fêv co tsi muôx njêx muôs nhoz ntơưv qơư. Zos Cơ quan, tsôngv cưr tix nênhx tsa sơưr đơưk lênhx tưs pâuz thiêz pov Lường Văn Miển nhoz kror tưs mak heik zênhx max trâu Cơ quan Cảnh sát qênhz yuôx Công an huyện Mai Sơn pâuz, lok sik hu tuôx tus sôr xor tôngx 02123.843.113 thiêz qênhz yuôx viên Bùi Viết Cường lơưr sôr xor tôngx: 0982.478.889 chiê sik đros đơưk tu txuz nuv co./.

VOVTB-Riê Lâux cxeik, nhênhv