Hâur shông no, têx tỉnh nhoz Tây Bắc Bộ, zos: Sơn La, Điện Biên, Hòa Bình, Lai Châu, Lào Cai, Yên Bái tưz tsưr tsix yênhx puô huôx tôngv chiê paz gra siêz txux chi sôr trâu chor hluôk nênhs. Đros tsênhv njiêz “Shông hlôngr yiêz sôr Đoàn li têx huôx tôngv”, chor tsưr tsix đoàn nhoz têx tỉnh no tưz muôx ntâu xar tơưv yiêz, chuôz cxaz sir zôngv công nghệ thiêz hlôngr yiêz sôr chiê paz muôx tâu chor hluôk nênhs thiêz tas nro xar hôiv cxaz chuôz. Chor thax tsav qơư tưz tsưr tsix 300 ntâu huôx tôngv paz gra siêz txux chi sôr trâu chor hluôk nênhs, 400 ntâu huôx tôngv paz trâu hluôk nênhs sir zôngv thêv nhiêx điện tử thiêz xar muôx 600 huôx tôngv paz sir zôngv dịch vụ công trực tuyến. Hêik ntơưv jiês cơưv choz zok côngz xưv Đoàn thiêz Phongz yaox hluôk nênhs nhuôs zâu têx tỉnh Tây Bắc Bộ shông 2023, tâu tsưr tsix hnuz 30/11 ntơưv tỉnh Sơn La, Bí thư Thường trực Trung ương Đoàn, Chủ tịch Hôiv Liên hiệp hluôk nênhs Việt Nam Nguyễn Ngọc Lương hêik:

“Cur lok six vav tiêk hâur Đoàn chor phongz yaox, chor huôx tôngv, chor côngz xưv yax kriê zoz zux tsuv sir jos uô jông đros tuôr tsês chiê, phuôx huiz têx vênhx huôv jông nhoz thax tsav  Tây Bắc…”./.

Trấn Long-Lik Thox cxêik nhênhv

Zos trâur nuv thâuv ntêx tsi tâu muôx yưv hâur tas nro têz qơưk, taz sik viv lik zơưx tsênhv yuôr ntâu kror tsi tâu huv đros đhâu 5 shông sik côngv uô. UB tỉnh Lào cai tsênhv heik HĐ tỉnh no cuiz tênhv hâux lưv tror pheiz yênhx 2 Sở txơưr li ntu qir thơưx. Uô ntêx co, thâuv hli 6/2018, Sở zaoz thôngz vênhv teiv thiêz cxiv tsa tỉnh Lào Cai tâu yênhx lix. Taz sik, đrâuv iz cxiê chêx cuk lơưr chinhz yênhx Nghị quyết, đhâu 5 shông huôx tôngv, trâur nuv muôx ntâu kror tsi tâu huv đros Sở zaoz thôngz vênhv teiv- cxiv tsa li txơưx jênhv, jênhv vưv, nhiv no Chính phuv thiêz têx bộ nganhx Trung ương tsi tâu muôx cui tênhv tsênhz mênhx; têx nghị định, thông tư chuyên nganhx cux tsi cui tênhv trâur nuv Sở no li txơưx jênhv viv li zôngx ziv uô muôx têx uô cxâuv. Zos tâu thôngz đhâu, njuôs xav 2 Sở no thâuv tâu pheiz li kuz mak zuôr huôx tôngv txix hnuz xiêz 1/1/2024./.

(An Kiên- Txâur Vax cxeik nhênhv)

Chủ tịch Ủy ban tỉnh Lai Châu nhiv kruôr cir cuêz tênhv chiê zơưv Mạc Quang Dũng, Phưv Giám đốc Sở Nội vụ lok uô Giám đốc Sở Khoa học thiêz Công nghệ; Chiê zơưv Kiều Hải Nam, Phưv Chủ tịch Ủy ban huyện Mường Tè uô Giám đốc Sở Ngoại vụ. Chủ tịch Ủy ban tỉnh Lai Châu hêik chor nênhs tâu chiê uô têx hâux lưv yiêz zuôr sir jos uô hâux lưv, muôx txơưx jênhv thiêz sir jos uô ntêx hlo. Txix co tsik so sir jos cơưv shâuv nzir txux chi, sir jos nriêr pâuz chiê muôx txux chi jông hâur uô côngz xưv; đros tập thể lênhx tov, canr bôv, đảng viên, công chức, viên chức taz viv uô jông jênhv vưv hêik pâuz, paz trâu Ủy ban tỉnh sêiz car Têz qơưk lok huôx tôngv đối ngoại, nhênhz chơưv khoa học, huôv tsar công nghệ./.

Khắc Kiên-Lik Thox cxêik nhênhv

Nhiv kruôr jê ntơưv no, Chiz coaz cảnh sát qênhz yuôx Công an tỉnh Yên Bái tưz cuiz tênhv tik cêr cxâuv thiêz ntês 2 lênhx nênhs zos nênhs sâu xor xưv Tạp chí kinh doanh  thiêz Biên mậu VN viv “đas hêv cov lơưr muôz nhiêx” lơưr Cui tênhv ntơưv Grê 170 Bộ chei hình sự shông 2015 (kho đuô, cxaz nzir shông 2017). 2 lênhx nênhs sâu xor xưv no zos Nông Văn Dũng (xênhz shông 1984 nhoz tuêv số 1, thị trấn An Châu, huyện Sơn Động, tỉnh Bắc Giang) thiêz Nguyễn Hoàn Nam (xênhz shông 1989 nhoz tuêv 15, phường Đội Cấn, TP Tuyên Quang, tỉnh Tuyên Quang). Uô ntêx co, hnuz 22/11 hlôngr njêx muôs iz cxiê qơư kinh doanh sâuv TP Yên Bái tưz xa ntơưr heik kriê nênhs phamv cxâuv txos Phongx cảnh sát hình sự Công an tỉnh Yên Bái chiê cov 2 lênhx nênhs no heik tiêk zos “nênhs sâu xor xưv” lơur đas hêv thiêz heik têx qơư muôv muôs no tsuv muôz nhiêx trâu lơưr, tsi li mak lơưr zuôr sâu trâu sâuv pov tsir kinh doanh thiêz Biên Mâuk VN têx xor mông uô zênhr shar txos têx qơư muôv muôs no li huôx tôngv. Đhâu iz ntu tsưr tsix qênhz yuôx, xav tênhv, thâuv 3 six 20 phênhz hnuz 22/11, ntơưv thax tsav jos Thanh Hùng, xã Tân Thịnh, TP Yên Bái, tỉnh Yên Bái, tuêv côngz xưv nhoz phongx Cảnh sát hình sự công an tỉnh Yên Bái tưz pov, uô ntâuz ntơưr hâux lưv Dũng thiêz Nam jênhv iz lênhx txir nênhx zos tsưr seiz car iz qơư muôv muôs sâuv thax tsav TP Yên Bái chor nhiêx txix zos 15 tsov đeiv./. 

(TTTB-Txâur Vax cxeik nhênhv)