Đhâu iz ntu so tsik uô hâux lưv, chiê cxiv kho đuô yar yêz za Điện Biên, txos trâu hnuz 30/11, zuôr tso VN zav yêz za Airbus A321 chiê za siv. Trơưk li pos Lương Thị Mai, Tsar Chi nhánh Công ty sêiz car tsar yêz za Điện Biên: Chiê tok tso yêz za muk lok ntơưv Điện Biên, qơư yêz za hâur tiêx yar yêz zos ntêr 2.400 thiêr, chiê zav yêz za Airbus A321 za thâux xa kruô muk lok. Vietnam Airlines muôx 3 zav yêz za muk lok hâur pêz têz qơưs zos: zav iz muôx 178 luz trôngx jâuv; zav oz 184 trôngx; zav pêz muôx 203 luz trôngx jâuv./.                                                   

Tsu cxêik nhênhv-Vũ Lợi-Lan BT

Hnuz hội vênhx huôv têx heir nênhs tsi tâu muôx 10 cxênhz lênhx nênhs jiês tiv iz thiêz ciêz Vênhx huôv ju lix Lai Châu shông 2023 zuôr tsưr tsix hnuz xiêz 03-05/11, đros njiêz luk “Por hưv, tuôr tsês thiêz nthuôr uô têx heir nênhs co li txux chi vênhx huôv jông txos trâu chôngz lênhx ntâu tus pâuz txos”. Txos nhiv no, luôs hâux lưv bax trâu hnuz hội tưz tâu hâur thax tsav qơư thiêz têx đoanx  nthuôr uô lov jêv nhoz têx tỉnh, TP cxaz chuôz fuô uô jông. Zơưv Trần Mạnh Hùng, Phưv Giám đốc Sở Vênhx huôv, thêv thao thiêz ju lix tỉnh Lai Châu heik pâuz, iz chas 14 heir nênhs muôx jênh sôr tsơưs đuô 10 cxênhz lênhx nênhs  li đoanx nthuôr uô lov jêv, Hnuz hội tsênhv muôx têx đoanx nhoz 3 tỉnh faz Bắc  têz qơưk Lol Tsuôk thiêz tỉnh Vân Nam, Trung Quốc đros côngv uô lov jêv:

“Đros trâu cxiz uô jông luôs hâux lưv yax kriê lok hnuz hội, tỉnh cux tsênhv sir jos uô cov tiêr têx hâux lưv uz no phưx vưv tsưr tsix hnuz hội. Lar heik zos têx nuv li: Zok nriêr qơư  krêz uô xor xưv co, têx qơư piêr kriê txux chi vênhx huôv, têx xiv huv OCOP; piêr kriê lok sâuv têx jông huôv tsar uô ju lix tsês trâu chor tỉnh cxaz chuôz hnuz hội, cux li têx qơư hu zâuv tuôx đros côngv cêr lov jêv. Tsi tas li, tỉnh tsênhv sir jos cxiv kho, uô cov tiêr têx luôs hâux lưv phưx vưv tsưr tsix xor xưv chiê uô tâu yênhx côngz jông”./.

Khắc Kiên-Riê Lâux cxeik, nhênhv

Têix cik hnuz xiêz 2/11, ntơưv tsênhv qơư huyện Điện Biên Đông, tỉnh Điện Biên, UB tỉnh Điện Biên tưz tsưr tsix côngz fônz fố muôz Bộ vênhx huôv ntơưr côngz jênhv nzir 2 zav vênhx huôv jông têz qơưs trâu tsênhv qơư. Ntơư zos hêir nênhs Hmôngz đơưz vênhx huôv ntênhk txi côngv chuôz xênhv; hêir nênhs Lok Tsuôk nhoz nhoz Điện Biên txux chi nthuôr uô cêr lov jêv, đhiê pax vuôs, trơưk li Bộ vênhx huôv Quyết định 1403 thiêz 1405.

Chênhr zos li hêik ntơư, xav txos trâu nhiv no, tỉnh Điện Biên tưz muôx txos 18 zav txux chi, vênhx huôv jông tâu sâu tsês hâur têz qơưs ntâuz ntơưr.

Ntơư zos cxuô hêir nênhs nhoz thax tsav tỉnh Điện Biên têx txux chi, vênhx huôv jông cxôngx nzor, tsôngv px cxuô hêir nênhs sđ tsuv khơưk tsês-huôv tsar cov tâu truôx, muôx đros đrêiv hâur luz nênhx tsik chiê pôngz plox./.

Tsu cxêik nhênhv-Vũ Lợi-Lan BT

Iz pluôk nox muôx grêix chuôs li zôngx ziv, taz sik co zos ntâu lênhx nhuôs zâu nhoz têx tsêr cơưv tox siêz đêz đrôngs tsi uô jâuz mor nox hâur tsêr cơưv trâu shux xênhz li cêr xar njôngr. Dưv anr “txoz cxơưx trâu têx nhuôs zâu Mộc Châu” tưz gra cêr chiê siêz, têx pluôk nox kaz tuôx trâu chor nhuôs zâu thiêz paz txo grêk tsơưs iz phênhv tưs phiv liv trâu chuôz zis. Dưv anr co tâu đoanx hluôk nênhs-Hội pox niêv Công an huyện Mộc Châu, Sơn La fuô uô txix hli 1/2021. Đhâu ntơư, dưv anr tâu cxiv kho yênhx Đoanx hluôk nênhs Công an tỉnh Sơn La li dưv anr chiê krêz đar, nthuôr đêz txos ntâu thax tsav qơư hâur tỉnh Sơn La cơưv shâuv, uô trơưk. Trung úy Dương Hải Anh, canr bôv Ban hluôk nênhs, pox niêv Công an tỉnh Sơn La heik pâuz:

“Pêz tsưr ziv zos hlôngr yiêz sôr, pêz muôz hur si têx tsênhv njiêz fuô uô tso sâuv mạng xã hội trâu sơưr đơưk đros pâuz, đros pov, nhiv kruôr no pêz tưz tso tơưv têx luôs hâux lưv uô jông siêz trơưk li heik sâuv. Uô li no, txix thâuv xuz thơưx, chor nênhs siêz jông zuôr pâuz tâu mông, sôr xor tôngx, têx tsêr cơưv txov nhêv.....chiê lơưr xeir tsov paz max. Thiêz cux khov fuô uô li heik co, dưv anr tưz huôv tsar uô tâu truôx jông hâur 3 shông lok no”./.

Long Hạnh-Riê Lâux cxeik, nhênhv