Sêiz chor têiv plor Côx hôiv li jiês nus chor Bôv trưởng, thành viên Chinhr phuv têx hnuz đhâu, cử tru Lai Châu lok six tsov cưv txos têx vênhv thix cik txos huôv tsar truôx thax tsav qơư. Cử tri Phan Văn Nguyện, nhoz thị trấn Phong Thổ, huyện Phong Thổ hok lok six tsov cưv txos zoz zux nhoz tox siêz. Lơưr cử tri Nguyện, pênhr jos tsơưr lươngv siêz đhâu thox cxov zuôr cuêz tênhv txos huôv tsar kinh têr, xar hôiv tỉnh Lai Châu cux li têz qơưk. Taz sik, ntâuz shông lok no thax tsav qơư tsênhv njiz tsik tsơưx têx phiv liv thâuv muôx tsik txâuk chor cưk kriê ntơưr, uô phiv liv ntâu txos tsơưr lươngv kriê thiêz cơưv ntơưr hâur têx tsêr cơưv./.

Khắc Kiên-Lik Thox cxêik nhênhv

Cử tri Nguyễn Thị Thúy, Phưv Giám đốc Sở Tư pháp tỉnh Lào Cai ntâuk grê siêz đại biểu têx luk nus đros trâu Bộ trưởng Tư Pháp Lê Thành Long li luk têz. Cử tri Nguyễn Thị Thúy heik, thôngx ziv đros tsưr ziv Bộ trưởng Long tso tơưv chiê khưx phưx têx hâux lưv kênhz tso tơưv ntâuz ntơưr chox kriê, co zos tsuv txix cxiv sâu têx ntâuz ntơưr trơưk chei têz qơưk, dự thảo ntâuz ntơưr muôx tsơưr lươngv, huv đros:

“Tsênhv yuôr lok six ntâu dự thảo nhiv kruôr muôx cui tinhv cxuô xưz, tsi tâu tâu xav tsênhv njiêz cui tinhv tsênhz mênhx. Hâur ntu zuôr txos ntâu ntâuz ntơưr zuôr tsuv tâu tso tơưv têx tsênhv njiêz chiê cxiv sâu, kho đuô trơưk chei têz qơưk.... Co zos têx zuôr trâul txos tsuv txo grêk tsơưs chiê uô huv đros tsênhv tsênhz, taz sik chiê uô tâu têx luôs hâux lưv co cux tsuv tiz jông ntâuk grê thiêz bax têx tsênhv njiêz uô ntêx”./.

An Kiên-Riê Lâux cxeik, nhênhv

Tỉnh Sơn La tsênhv sir jos uô ntâu tsưr ziv cov txos shông 2025, chor nhuôv tuz nhuôv nxêik thâuv xênhz zus tsik siz bâus grêk tsơưs yuôr 113,4 lênhx nhuôs tuz sâuv 100 lênhx nhuôs nxêik. Lơưr co, tỉnh tsêx trung kriz uô Đề anr qênhz yuôx tsik siz bâus lok nhuôv tuz nhuôv nxêik thâuv xênhz zus ntu 2 (2021-2025) hâur tỉnh. Nganhx Y têr chox kriê têx taz viv sik côngv yax kriê lok qênhx shênhx, qir tiv thiêz têx kror muôx yưv thâuv xênhz zus nhuôv tuz nhuôv nxêik tsik siz bâus; chêi têz qơưk têx cui tênhv txưr xêir tsov nhuôv tuz nhuôv nxêik chiê xênhz zus. Chuôz cxaz qênhz yuôx uô lơưr chêi têz qơưk têx cui tênhv lok xêir tsov nhuôv tuz nhuôv nxêik thiêz lâux mê nhuôv ntơưv têx qơư y têr hâur tas nro tỉnh. Iz chas co, nganhx Y têr tưz sik côngv đros nganhx Zoz zux, muôz hâux lưv no lok kriê hâur tsêr cơưv ntơưr txix ntâu tsưr ziv uô chiê paz trâu shux xênhz sơưr đơưk pâuz tâu. Thôngx cxix, uô jông câu lạc bộ “chor nhuôv nxêik uô tâu jông” ntơưv 34 tsêr cơưv cxênhx pêz sâuv thax tsav 12 huyện, thành phố, uô jông câu lạc bộ “Pox niêv tsik xênhz zus tuk nhuôv tiv pêz, sik paz uô nox, phax tar xêir tsov xênhz zus nhuôv tuz nhuôv nxêik”./.

Bích Thủy-Lik Thox cxêik nhênhv

Hnuz xiêz 7/11, Cơ quan txiv ngaz qênhz yuôx Công an tỉnh Sơn La tưz tso tơưv Quyết tinhv qênhz yuôx uô cov tsênhz mênhx chiê muôz zơưv Nguyễn Bá Hiếu, xênhz shông 1991, nhoz jok Tân Lập, xã Chiềng Khương, huyện Sông Mã, tỉnh Sơn La tik cêr cxâuv, viv uô cxâuv chêi kriê cêr, tsưr ziv trâu luôs lưv tus khiêr muk trâu saz têz qơưk đrâuv lok sik nhoz đrâuv luôs 2 chas têz qơưk tsi trơưk chei. Ntơưv cơ quan Công an, Nguyễn Bá Hiếu krêz lênhk tiêk, thâuv kaz hli 6/2022 tưz paz Hoàng Xuân Đức, xênhz shông 2003, nhoz jok Nà Hò, xã Mường Sai, huyện Sông Mã muk Lok Tsuôl uô hâux lưv trâu iz công ty Trung Quốc tsi trơưk chei, txos hli 02/2023 txơưv tror lok Việt Nam. Nhiv no txuz nuv co tsênhv tâu tror qênhz yuôx, uô tsênhz mênhx./.

CTVVOVTB-Riê Lâux cxeik, nhênhv