Jiês cơưv tiv 6, Côx hôiv khóa 15 cơưv têz cử tri têx luk nus hâur tas cik hnuz xiêz 09/11, tror tâu cử tri tỉnh tox siêz Điện Biên moz siêz txos. Ntâu lênhx cử tri nhoz tỉnh Điện Biên jông siêz, thôngx ziv đros Bộ trưởng Bộ zoz zux Nguyễn Kim Sơn têz lok têx tsưr ziv khưx phưx muôx tsi txâuk cưk kriê ntơưr, lar heik zos ntơưv chor tỉnh tox siêz faz  Bắc. Tix lâus Nguyễn Đắc Tú, nhoz phường Nam Thanh, TP Điện Biên Phủ heik:

“Nhiv no Điện Biên thiêz chor tỉnh Tây Bắc tsênhv njiz trâul phiv liv lok muôx tsi txâuk cưk kriê ntơưr, tsi tâu muôx tsênhv chei huv đros hu zâuv chor cưk kriê ntơưr truôx siêz lês uô hâux lưv kriê txux chi nhoz tox siêz. Chênhr viv li, Bộ tsuv nzor muôx tsưr ziv uô huv đros chiê khưx phưx têx muôx tsi txâuk cưk kriê, paz gra siêz tsơưr lươngv zoz zux nhoz thax tsav đêz đrôngs, thax tsav tsôngv box heir nênhs tsơưs, tox siêz li Điện Biên”./.

Vũ Lợi-Riê Lâux cxeik, nhênhv

Cử tri Yên Bái ntâuk gri siêz têx tsênhv njiêz tâu chor têiv plor Côx hôiv hêik pâuz, huv đros trâu tsênhv tsênhz thiêz puôr lênhx zos têx vênhv thix cử tri tsov cưv txos li: njuôk kho moz, bảo hiểm y têr, phax tar trâus pôngz đêx, ntơưr cơưv, ntauk tsiv hâur tsêr cơưv ntơưr, muôx tsik txâuk cưk kriê ntơưr… Cử tri Nguyễn Huy Cảnh, nhoz thị trấn Cổ Phúc, huyện Trấn Yên hêik:

“Lơưr sêiz shuôk mak cur pov lok hâux lưv vênhx huôv xar hôiv tưz muôx txos 124 lênhx teiv plor đăngk cir nus, mak pov tiêk chor nênhs têz tưz hêik pâuz ntâu kror tâu cử tri li pêz tsov cưv txos thiêz xar cov muôx luk têz. Chor jiês nus têz têx luk nus cux tưz hêik txos cxuô kror tâu cử tri vav njôngr. Đhâu Thủ tướng Chinhr phuv têx luk têz thiêz hêik pâuz mak pêz cux vav tok hâur ntu zuôr txos, têx phiv liv muôx yưv zuôr tâu đơưk kho, xưv lik, paz trâu têz qơưk huôv tsar”./.

Đinh Tuấn-Lik Thox cxêik nhênhv

Nhiv no, tỉnh Sơn La muôx 8 hâur 12 huyện, TP yênhx lix thax tsav huôv tsar chos ntâu pax. Iz cxiê huyện uô lơưr cui tinhv huôv tsar chos pax công nghệ siêz thiêz muôs tâu gri, iz ha tâu iz tyv đeiv nhiêx. Phênhv sâu tâu niêx shông txix têx tsoz chos uô jông jav thiêz zuz ntông uô nzôngr nzông tâu nhos 42-45 tyv đeiv./.

Vũ Lợi-Riê Lâux cxeik, nhênhv

Ủy ban tỉnh Điện Biên tưz sik côngv truôx jông đros Bôv Công an kriz uô tsaz yênhx paz cxiv tsa, kho đuô 2.080 ntâu luz tsêr cov khor truôx jông trâu chor chuôz zis pluôs ntơưv 3 huyện: Mường Nhé, Nậm Pồ, Điện Biên Đông. Tỉnh cux phêiz côngz trâu 82 taz viv paz 101 xar (hâur co muôx 24 xar ntus đriv) uô truôx jông chinhr triv ntơưv thax tsav qơư, paz pêx xênhv huôv tsar kinh têr. Khov co txos nhiv no sâuv thax tsav chor xar ntus đriv muôx 14 xar phênhv tưr uô tiêr cxiv tsa jêx jok yiêz./.

Vũ Lợi-Lik Thox cxêik nhênhv