Dưv anr “Tu zus mê nhuôv Mộc Châu” tâu Đoanx hluôk nênhs-Hôiv pox niêv Công an huyện Mộc Châu, Sơn La kriz uô txix hli 1/2021. Đhâu co, Dưv anr tâu uô đuô zos yênhx Đoanx hluôk nênhs Công an tỉnh Sơn La li dưv anr chiê kriz đar đuô txos trâu ntâu thax tsav qơư hâur tỉnh. Txix 4 lênhx nhuôs thâuv hli 8/2021, đhâu yênhx shông, chôngz lênhx nhuôs njuôs, chor shux xênhz pluôs… tưz tâu chor canr bôv, chiến sĩ Công an tỉnh Sơn La paz. Tsưr ziv uô dưv anr “Tu zus mê nhuôv Mộc Châu” zos paz trâu tas nro chor nhuôs zâu muôx luz nênhx txov nhêv sâuv thax tsav tỉnh Sơn La, lơưr nriêr pâuz mak muôx nhos 14.000 lênhx nhuôv./.

Long Hạnh-Lik Thox cxêik nhênhv

Nhiv no, huyện Bắc Yên, tỉnh Sơn La muôx 100 ntâu lênhx txir ndâux txir luk. Lơưr puôr lênhx muôx ntâu côngz đas jos paz vênhv tôngv tsôngv pêx xênhv uô jông lơưr jênh tsuv ntơưv qơư, cxiv tsa thiêz uô trơưk xã, jêx jok têx cui tinhv, cxiv tsa qơư nhoz truôx tuk, chuôz zis vênhx huôv, txo grêk tsơưs cêr nênhx pôngz kaz, por hưv, tuôr tsês têx txux chi vênhx huôv jông. Zơưv Nguyễn Đăng Thức, Tsar phongx Mênhx cxưx huyện Bắc Yên, tỉnh Sơn La heik:

“Iz chas yax kriê vênhv tôngv, Phongx cux tưz nhênhz chơưv trâu huyện uô jông lơưr tsênhv chei, cui tinhv trâu txir ndâux txir luk, iz chas co cux tsưr tsix têx jiês cơưv kruôs txos têx lênhx uô tâu hâux lưv jông, chiê gra siêz txir ndâux txir luk, lâul jok li pưs txux, suôz bê hâur tsôngv box heir nênhs tsơưs”./.

Thủy-Riê Lâux cxeik, nhênhv

Lào Cai zos thax tsav qơư muôx ntâu zav nôngs kuk tsiv gri nhoz thiêz za muk lok đhâu. Taz sik kror cxơưx hlo zos ntơưv ntâu thax tsav qơư hâur tỉnh tưz muôx yưv têx uô cxâuv txix chuôz, cxov txos zuôr muôs, thâux xa chor nôngs no…, uô phiv liv ntâu txos trâu côngz xưv sêiz car, por vêv trâu cxuô zav nôngs. Txix hâur hlik hli 9 txos nhiv no, lưx lươngv muôx vax huôv thiêz chinhr quyền ntơưv qơư tưz qênhz yuôx, sâu tsês xar muôx 6 cxênhz thiêr lưới lok zos môngz, yênhx châuv chuôz zênhx li loa, ắc quy, zos têx zav chiê chuôz, cxov chor nôngs txar qơư nhoz lơưr chêix. Đros cơ quan muôx vax huôv li têx sir jos uô mak yênhx lênhx nênhs tsuv sir jor đros phax tar tsik chuôz, cxov, zuôr muôs nôngs, pov thiêz hêik trâu cơ quan muôx vax huôv pâuz chiê tir tar qênhz shênhx chuôz, cxov nôngs zos kror lok six zov chênhr, paz trâu cxuô zav nôngs kuk tâu huôv tsar jông đuô./.

TTTB-Lik Thox cxêik nhênhv

Công an xã Thanh Luông, huyện Điện Biên, tỉnh Điện Biên nhiv kruôr hu 2 lênhx nênhs zos: Lường Văn Hòa, xênhz shông 1990 thiêz Ngô Quang Hùng, xênhz shông 2007 puôr lênhx nhoz uô cê ntơưv jok Tà Lèng, xã Thanh Minh, TP Điện Biên Phủ tuôx uô hâux lưv viv cik txos yơưz phơưz, uô ruôr hiêv luôs lưv tus têx kruô nza hâur thax tsav huyện Điện Biên thiêz TP Điện Biên Phủ. Tsênhv tsênhz, txix hli 3 shông 2023, thâuv muk hâur thax tsav qơư kruô nza chiê zok nriêr zav nox, têx txir ntông, Hòa thiêz Hùng qênhz pov saz hâur luz têik yuôv shaz trâu nênhs tuôs tso ntơưv têx kruô nza muôx nhiêx, viv li tưz tsi so siz zâuv mul zok nriêr nhiêx ntơưv iz cxênhz ntâu luz nza nhoz 12 qơư nza hâur thax tsav huyện Điện Biên thiêz TP Điện Biên Phủ. Nhiv no txuz nuv co tsênhv tror tâu qênhz yuôx, uô tsênhz mênhx./.

Vũ  Lợi-Riê Lâux cxeik, nhênhv