Cục Hải quan Lào Cai nhiv kruôr tsưr tsix Jiês cơưv sik thav, đơưk kho têx phiv liv trâu doanh nghiệp hâur hâux lưv muôs tơưv saz đrâuv têz qơưk. Đhâu mnôngs têx ziv chênhv, Cục Hải quan tỉnh Lào Cai tưz chiê nênhs têz, sik thav đros têx doanh nghiệp lơưr yênhx kror hâux lưv. Thôngx cxix, hêik pâuz lok qênhx shênhx sêiz car têz qơưk 10 luz hli shông 2023 hâur hâux lưv Hải quan ntơưv Lào Cai. Zơưv Nguyễn Quyết Chiến, Phưv Cục trưởng Cục Hải quan tỉnh Lào Cai puz pâuz, đros đrêiv doanh nghiệp zos kror sir jos uô hâur nganhx Hải quan, tiv zix zos ntơưv Lào Cai:

“Đros têx phiv liv doanh nghiệp hêik pâuz hâur jiês cơưv, Cục Hải quan tỉnh Lào Cai tưz sir jos đơưk kho. Têx tsênhv njiêz siêz đuô zuk vax huôv, tiv zix zos lok têx tsênhv chêi, pêz zuôr sâu tsês chiê muôz trâu thênhv siêz sêiz shuôk, đơưk kho”./.

An Kiên-Lik Thox cxêik nhênhv

Nhiv kruôr muôz lok chos tâu 2, 3 shông jê lok no, taz sik tsoz dâu tây tưz khav tinhv muôs tâu gri, jông chos trâu thax tsav Sơn La, thâuv paz tsôngv pêx xênhv muôx phênhv sâu yênhx tyv đeiv nhiêx iz shông. Tas nro tỉnh Sơn La nhiv no muôx 400 ha ntâu têz chos dâu tây, njuôk xav sâu đê tâu 3.500 tênhr txir nhôngk, thiêz têx txir dâu tây co phênhv ntâu chos trâu 3 huyện Mộc Châu, Mai Sơn, Yên Châu. Đros trâu tsưr ziv huôv tsar thax tsav chos dâu tây reik đros sik côngv têk huôv tsar tsiv uô thiêz sâu zuôr xiv huv, cxiz uô lơưr têx tsưr ziv uô nox yiêz, kôngz hur jông, ngênhx Kôngz nuv Sơn La tưz yax mông, kriê têx chuôz zis tu trơưk tsưr ziv VietGAP; uô jông têx cui tinhv truôx tuk zav nox, sir zôngv yuôx tsuôs tuô caz hmoz, tuô đrox huv đros. Zơưv Hà Như Lệ, Giám đốc Sở Kôngz nuv thiêz huôv tsar tox siêz tỉnh Sơn La heik pâuz:

“Chiê huôv tsar tâu truôx tsoz dâu tây, cux li muôs tâu gri, Sở Kôngz nuv kriê tsưr ziv trâu têx HTX, doanh nghiệp chiê tsiv uô dâu tây lơưr cui tinhv, truôx tuk. Tiv 2, hu lơưk doanh nghiệp nhoz cxuô tỉnh, têx tsênhv qơư cxiz chiê sik côngv têk yưv pênhr paz tsôngv box lok sâuv tsưr ziv chos, tu cux li sâu zuôr têx xiv huv trâu tsôngv box”./.

Trấn Long-Riê Lâux cxeik, nhênhv

Nhiv no tưz piz hla trâu chêix ntux kruôr nhoz têx tỉnh Tây Bắc, côngz xưv phax tar cuz jôngr tâu cxuô thax tsav qơư sir jos kriz uô, chiê txo grêk tsơưs tiv zix chor txuz cuz tox cuz jôngr, uô ruôr hiêv txos jôngr. Chêix ntux kruôr shông uô ntêx, tas nro tỉnh Lai Châu tưz muôx yưv 40 txuz hluôr tơưl cuz jôngr, uô hiêv tas xar muôx 200 héc ta jôngr. Qir tiv muôx yưv chor txuz cuz jôngr đrâuv tiv ntux kruôr gis, yar ntux cuz sor, tsênhv yuôr iz phênhv tưs pêx xênhv tsik uô jông sêiz shuôk, phax tar thiêz uô jông lơưr têx cui tênhv lok phax cuz, tuô cuz jôngr. Zơưv Lò Xuân Khánh, phưv Chi cục trưởng, Chi cục Kiểm lâm, Sở Kôngz nuv thiêz Huôv tsar jêx jok tox siêz tỉnh Lai Châu puz pâuz: Lơưr Tsênhv qơư njuôk ntux yar ntux nas têz qơưk, chêix ntux kruôr shông no, yar ntux cuz sor phiv liv đuô, zôngx ziv trâus cuz tox cuz jôngr siêz. Viv li, lưx lươngv tưz thiêz tsênhv sir jos kriz uô chor tsưr ziv phax, tar cuz jôngr, sir jos phax zos chênhr, tuô hluôr tơưl cov ndar six hơưv, truôx jông thiêz ngaz tuk./.

Khắc Kiên-Lik Thox cxêik nhênhv

Hâur ntu đhâu, qênhx shênhx nênhs fêv nziêk đas đhâu sâuv mạng xã hội, tin nhắn, hu xor tôngx lok six ntâu. Chôngz lênhx pêx xênhv nhoz Yên Bái cux tưz trâul têx nênhs fêv nziêk đas thiêz pôngz ntâu nhiêx txiêx. Txix têx njuôk xav hâur ntu kaz shôngk shông, chor nênhs fêv li heik sâuv ziv muôx ntâu, cxuô ngênhx muôx vax huôv nhoz Yên Bái tưz thiêz tsênhv sir jos yax kriê, heik trâu tsôngv box cov sơưr đơưk chênhr phax li: Thâuv pov têx sôr xor tôngx tsi pâuz tsênhz bê hu tuôx, nhắn tin tiêk zos nênhs uô hâux lưv têz qơưk lok sik tsưr tsix heik, đas uô trơưk li uz li no...mak sơưr đơưk tsi mnôngs, tsi uô trơưk thiêx tsi trâul nênhs fêv nziêk đas, zos njuôk xav zôngx ziv zos nênhs fêv mak zênhx max heik trâu Cơ quan Công an pâuz chiê tâu xav jênhv.

Iz chas ntơư, heik tsôngv niêv txir lax pêx xênhv tsi mnôngs trơưk chor nênhs siz sưv siz pâuz sâuv mạng xã hội, lok sik têx mông chor nênhs co heik, tsi pâuz tsênhz qơư. Tsi heik trâu luôs lưv tus pâuz lok zuk têx uz no, tsi zuôr muôs, tsi muôz thẻ gra nhiêx....trâu luôs lưv tus./.

Thừa Xuân-Riê Lâux cxeik, nhênhv