Lài piến mắư cuồng nả vịa vịa kết nạp đảng viền nẳng tỉnh Điện Biên.

Toi luông uồn pa khòng Bàn Thường vụ Tỉnh uỷ cánh chík bók khòng bàn Tổ chức Tỉnh uỷ, dan cài ma cấp uỷ đảng khòng tỉnh Điện Biên đàng xỏn hôm uồn pa cựt đảy lang đì nả vịa tẳng tánh, tủm pua tổ chức cơ sở đảng, lưn xưa lỏ nả vịa chiên cái bók sòn mả tứm đảng viền, tẳng tánh tổ chức Đảng pẹk xằư, hằn hanh. Té hùa pì 2016 họt mết bườn 6/2017, tênh cá tỉnh kết nạp đảy 3.722 đảng viền, pộn cài 30% vẹt xắư luông pùn tỉnh giào.

Cắp chủ trương dệt chảnh, dệt men cánh cựt tóp đảy lang áo nẳng cơ sở, pì 2016 cánh 6 bườn hùa pì 2017, pưng chi bộ khòng tổ chức cơ sở Đảng nẳng xã, phường, thị trấn cọ kết nạp đảy 2.403 đảng viền, mi ngăn cài 64% vẹt xắư tênh mết số đảng viền hính kết nạp. Lưn xưa lỏ nả vịa kết nạp đảng viền nẳng pưng Đảng bộ xã, phường, thị trấn té hùa pì 2016 ma họt khạy ặn lỏ vịa lan lay xìa pưng bản hê mi đảng viền, cọ lan lay xìa đảy 44 bản hê mi đảng viền, dón số bản báu mi đảng viền té 95 cuồng số 1.813 bản lông nhăng 51 bản; số bản hê mi chi bộ đảy sình hoạt cộp cằn té 328 bản khạy nhăng 271 bản; bánh pằn cánh tẳng tánh mắư 57 chi bộ bản.

Đảng bộ huyện Mương Nhé giới thiêu đảng viền nẳng cơ quàn xã pày sinh họt toi bản nẳng pưng xã pọ dạk cha, tựng dan xáo hà côn vạy kết nạp đảng. Chu cấp uỷ đảng cọ pồng chằư mả pe đảng té pưng cán bộ, cồng chức cấp xã, pi nọng chựa nọi côn, chủm mú đoàn viền, côn pày bộ đội ók ma hươn, dần quần tự vệ, chủm mú cán bộ cốc kén nẳng pưng bản. Chủm mú đảng viền hính đảy kết nạp phân lài lỏ côn nóm cằm, chuỷm mú nị cọ pếnh khày đảy trách nhiệm cuồng vịa tẳng tánh bản na mắư, mả khày kinh tế, lan lay xìa cặt cung, nhẳn pao tiêng àn nẳng cơ sở.

Đồng chí Mùa A Sùng, Phó trưởng bàn tổ chức tỉnh uỷ Điện Biên hẳư hụ: Cận tựng dan kẻ khày dạk cha nị, pưng tổ chức đảng cận xứp tàm ép học nghị quyết, chỉ thị khòng Trung ương cánh khòng cấp uỷ đảng cấp nừa hẳư cán bộ đảng viền nẳng cơ sở vaỵ nho xùng trách nhiệm ma tang nả vịa mả tứm đảng viền; xòng ma uồn pa pưng tổ chức cơ sở đảng tẳng tánh kế hoạch cắp pưng luông pùn khặc khọ, chảnh thí xương pằn vịa hẳư đảng viền choi dừa pưng côn pộn dỏn vạy kết nạp khảu đảng. Pưng tổ chức đoàn thể chính trị té tỉnh họt cơ sở cận pếnh khày đảy trách nhiệm khòng chảu cuồng vịa xáo hà côn pộn dỏn khòng đoàn thể chảu vạy giới thiệu hẳư chi bộ đảng, nhẳn pao chất lượng cánh số lượng. Đù ặn nị lỏ luông pùn nưng cuồng pưng luông pùn vạy nhẳn danh luông dệt lẹo đì nả vịa khòng mỏi tổ chức đảng cánh khòng mỏi đảng viền./.

KT-Huyền dịch

ꪨꪱꪥ ꪜꪙꪸ ꪻꪢ ꪀꪺꪉ ꪘꪱ ꪫꪀꪸ ꫃ꪀꪒ ꪙꪱꪚ ꪒꪱꪉ ꪪꪙꪸ ꪘꪉꪰ ꪔꪉꪲ ꪓꪙꪸ ꪚꪙꪸ

          ꪕꪮꪥ ꪩꪺꪉ ꪮꪺꪙ ꪝꪱ ꪄꪮꪉ ꪚꪱꪙ ꪵꪖꪉ ꪫꪴ ꪔꪉꪲ ꪮꪫꪲ ꪵꪀꪉ ꪋꪲ ꪚꪮꪀ ꪄꪮꪉ ꪚꪱꪙ ꪶꪔ ꪊꪀꪳ ꪔꪉꪲ ꪮꪫꪲ ,ꪥꪱꪙ ꪀꪱꪥ ꪣꪱ ꫄ꪀꪚ ꪮꪫꪲ ꪒꪱꪉ ꪄꪮꪉ ꪔꪉꪲ ꪓꪙꪸ ꪚꪙꪸ ꪒꪱꪉ ꪎꪮꪙ ꪶꪭꪣ ꪮꪺꪙ ꪝꪱ ꪁꪒꪳ ꪼꪒ ꪩꪱꪉ ꪒꪲ ꪘꪱ ꪫꪀꪸ ꪔꪉꪰ ꪵꪔꪉ ,ꪔꪣꪴ ꪝꪺ ꪶꪔ ꪊꪀꪳ ꫄ꪀ ꫃ꪎ ꪒꪱꪉ ,ꪹꪩꪙ ꪹꪏ ꪨꪷ ꪘꪱ ꪫꪀꪸ ꪋꪙꪸ ꪀꪱꪥ ꪚꪮꪀ ꪎꪮꪙ ꪢꪱ ꪔꪣꪳ ꪒꪱꪉ ꪪꪙꪸ, ꪔꪉꪰ ꪵꪔꪉ ꪶꪔ ꪊꪀꪳ ꫄ꪀ ꫄ꪎ ꪒꪱꪉ ꪵꪝꪀ ꪻꪎ ꪬꪽ ꪵꪭꪉ. ꪵꪔ ꪬꪺ ꪜꪲ 2016 ꪭꪮꪒ ꫃ꪢꪒ ꪹꪚꪙ 6.2017 ꫃ꪕꪉ ꪀꪱ ꪔꪉꪲ ꫃ꪀꪒ ꪙꪱꪚ ꪼꪒ 3.722 ꪒꪱꪉ ꪪꪙꪸ ,ꪶꪝꪙ ꪀꪱꪥ 30% ꪵꪫꪒ ꪼꪎ ꪩꪺꪉ ꪜꪙꪴ ꪔꪉꪲ ꪤꪱꪫ.

          ꪀꪚꪾ ꪊꪴ ꪹꪊꪉ ꫃ꪥꪒ ꪵꪊꪉ ,꫃ꪥꪒ ꪵꪣꪙ ꪵꪀꪉ ꪁꪒꪳ ꪕꪮꪚ ꪼꪒ ꪩꪱꪉ ꪮꪱꪫ ꪘꪉꪰ ꫄ꪀ ꫄ꪎ ,ꪜꪲ 2016 ꪵꪀꪉ 6 ꪹꪚꪙ ꪬꪺ ꪜꪲ 2017 ,ꪝꪉꪳ ꪋꪲ ꪶꪛ ꪄꪮꪉ ꪶꪔ ꪊꪀꪳ ꫄ꪀ ꫄ꪎ ꪒꪱꪉ ꪘꪉꪰ ꪎꪱ, ꪹꪠꪉ ,ꪖꪲ ꫄ꪊꪙ ꪁꪷ ꫃ꪀꪒ ꪙꪱꪚ ꪼꪒ 2.403 ꪒꪱꪉ ꪪꪙꪸ ,ꪣꪲ ꪉꪽ ꪀꪱꪥ 64% ꪵꪫꪒ ꪻꪎ ꫃ꪕꪉ ꫃ꪢꪒ ꪶꪎ ꪒꪱꪉ ꪪꪙꪸ ꪬꪉꪲ ꫃ꪀꪒ ꪙꪱꪚ. ꪹꪩꪙ ꪹꪏ ꪨꪷ ꪘꪱ ꪫꪀꪸ ꫃ꪀꪒ ꪙꪱꪚ ꪒꪱꪉ ꪪꪙꪸ ꪘꪉꪰ ꪝꪉꪳ ꪒꪱꪉ ꪶꪛ ꪎꪱ ,ꪹꪠꪉ ,ꪖꪲ ꫄ꪊꪙ ꪵꪔ ꪬꪺ ꪜꪲ 2016 ꪣꪱ ꪭꪮꪒ ꪼꪅ ꪯꪽ ꪨꪷ ꪘꪱ ꪫꪀꪸ ꪩꪱꪙ ꪼꪩ ꪎꪸ ꪝꪉꪳ ꪚꪱꪙ ꫃ꪭ ꪣꪲ ꪒꪱꪉ ꪪꪙꪸ ,ꪁꪷ ꪩꪱꪙ ꪼꪩ ꪎꪸ ꪼꪒ 44 ꪚꪱꪙ ꫃ꪭ ꪣꪲ ꪒꪱꪉ ꪪꪙꪸ.

          ꪒꪱꪉ ꪶꪛ ꪭꪫꪙꪸ ꪹꪣꪉ ꪵꪐ ꫄ꪤꪥ ꪖꪫꪸ ꪒꪱꪉ ꪪꪙꪸ ꪘꪉꪰ ꫄ꪀ ꪄꪫꪱꪙ ꪎꪱ ꪼꪜ ꪎꪉꪲ ꪭꪫꪱꪒ ꪕꪮꪥ ꪚꪱꪙ ꪘꪉꪰ ꪝꪉꪳ ꪎꪱ ꪝꪷ ꪥꪱꪀ ꪋꪱ ,ꪕꪉꪳ ꪥꪱꪙ ꪎꪱꪫ ꪬꪱ ꫛ ꪶꪝꪙ ꪤꪮꪙ ꪼꪫ ꫃ꪀꪒ ꪙꪱꪚ ꪒꪱꪉ. ꪋꪴ ꫄ꪀꪚ ꪮꪫꪲ ꪒꪱꪉ ꪁꪷ ꪶꪜꪉ ꪻꪊ ꪢꪱ ꪹꪝ ꪒꪱꪉ ꪵꪔ ꪝꪉꪳ ꪀꪱꪙ ꪶꪚ ,ꪶꪀꪉ ꪊꪀꪳ ꫄ꪀꪚ ꪎꪱ ,ꪝꪲ ꪙꪮꪉ ꪹꪋ ꪙꪮꪥ ꫛ ,ꪊꪣꪴ ꪢꪴ ꪒꪫꪱꪙ ꪪꪀꪸ ,ꫛ ꪼꪜ ꪶꪛ ꪶꪓꪥ ꪮꪮꪀ ꪣꪱ ꪹꪭꪙ , ꫄ꪤꪙ ꪀꪺꪙ ꪕꪳ ꫃ꪫ ,ꪊꪣꪴ ꪢꪴ ꪶꪀꪀ ꪵꪀꪙ ꪘꪉꪰ ꪝꪉꪳ ꪚꪱꪙ. ꪊꪣꪴ ꪢꪴ ꪒꪱꪉ ꪪꪙꪸ ꪬꪉꪲ ꪼꪒ ꫃ꪀꪒ ꪙꪱꪚ ꫄ꪡꪙ ꪨꪱꪥ ꪨꪷ ꫛ ꪘꪮꪣ ꪀꪾ ,ꪊꪣꪴ ꪢꪴ ꪙꪲ ꫃ꪜꪉ ꪼꪄ ꪼꪒ ꪵꪊꪀ ꪑꪣꪸ ꪀꪺꪉ ꪫꪀꪸ ꪔꪉꪰ ꪵꪔꪉ ꪚꪱꪙ ꪙꪱ ꪻꪢ ,ꪢꪱ ꪼꪄ ꪀꪉꪲ ꫃ꪔ ,ꪩꪱꪙ ꪼꪩ ꪎꪸ ꪁꪒꪰ ꪁꪉꪴ.

          ꪶꪒꪉ ꪊꪲ ꪢꪺ ꪯꪱ ꪎꪉꪴ ,ꪠꪷ ꪹꪊꪉ ꪚꪱꪙ ꪶꪔ ꪊꪀꪳ ꪔꪉꪲ ꪮꪫꪲ ꪓꪙꪸ ꪚꪙꪸ ꪻꪬ ꪭꪴ: ꪼꪫ ꪕꪉꪳ ꪥꪱꪙ ꪵꪀ ꪼꪄ ꪥꪱꪀ ꪊꪱ ꪙꪲ ,ꪝꪉꪳ ꪶꪔ ꪊꪀꪳ ꪒꪱꪉ ꫄ꪁꪙ ꪵꪮꪚ ꪭꪮꪒ ꪉꪲ ꪀꪫꪒꪸ ,ꪊꪲ ꪖꪲ ꪄꪮꪉ ꪊꪉꪴ ꪹꪮꪉ ꪵꪀꪉ ꪄꪮꪉ ꫄ꪀꪚ ꪮꪫꪲ ꪒꪱꪉ ꫄ꪀꪚ ꪹꪘ ꪻꪬ ꪀꪱꪙ ꪶꪛ ꪒꪱꪉ ꪪꪙꪸ ꪘꪉꪰ ꫄ꪀ ꫄ꪎ ꪼꪫ ꪑꪷ ꪎꪉꪴ ꪵꪊꪀ ꪑꪣꪸ ꪣꪱ ꪕꪱꪉ ꪘꪱ ꪫꪀꪸ ꪢꪱ ꪔꪣꪳ ꪒꪱꪉ ꪪꪙꪸ; ꪎꪮꪉ ꪣꪱ ꪮꪺꪙ ꪝꪱ ꪝꪉꪳ ꪶꪔ ꪊꪀꪳ ꫄ꪀ ꫄ꪎ ꪒꪱꪉ ꪔꪉꪰ ꪵꪔꪉ ꫃ꪀ ꪵꪭꪫꪀ ꪀꪚꪾ ꪝꪉꪳ ꪩꪺꪉ ꪜꪙꪴ ꪅꪀꪰ ꪅꪷ ꪵꪊꪉ ꪖꪲ ꪹꪏꪉ ꪜꪽ ꪫꪀꪸ ꪻꪬ ꪝꪉꪳ ꪒꪱꪉ ꪪꪀꪸ ꪋꪮꪥ ꪹꪤ ꪝꪉꪳ ꫛ ꪶꪝꪙ ꪤꪮꪙ ꪼꪫ ꫃ꪀꪒ ꪙꪱꪚ ꪹꪄꪱ ꪒꪱꪉ. ꪝꪉꪳ ꪶꪔ ꪊꪀꪳ ꪒꪫꪱꪙ ꫃ꪖ ꪊꪉꪲ ꪋꪲ ꪵꪔ ꪔꪉꪲ ꪭꪮꪒ ꫄ꪀ ꫄ꪎ ꫄ꪁꪙ ꫃ꪜꪉ ꪼꪄ ꪼꪒ ꪵꪊꪀ ꪑꪣꪸ ꪄꪮꪉ ꪹꪊꪱ ꪀꪺꪉ ꪫꪀꪸ ꪎꪱꪫ ꪬꪱ ꫛ ꪶꪝꪙ ꪤꪮꪙ ꪄꪮꪉ ꪒꪫꪱꪙ ꫃ꪖ ꪄꪮꪉ ꪹꪊꪱ ꪼꪫ ꫄ꪤꪥ ꪖꪫꪸ ꪻꪬ ꪋꪲ ꪶꪛ ꪒꪱꪉ. ꪐꪽ ꪝꪱꪫ ꪶꪎ ꪹꪩꪉ ꪵꪀꪉ ꫄ꪊꪒ ꪹꪩꪉ. ꪒꪴ ꪮꪽ ꪙꪲ ꪨꪷ ꪩꪺꪉ ꪜꪙꪴ ꫜ ꪀꪺꪉ ꪝꪉꪳ ꪩꪺꪉ ꪜꪙꪳ ꪼꪫ ꪐꪽ ꪵꪥꪉ ꪩꪺꪉ ꫃ꪥꪒ ꪵꪩꪫ ꪒꪲ ꪘꪱ ꪫꪀꪸ ꪄꪮꪉ ꪢꪮꪥ ꪶꪔ ꪊꪀꪳ ꪒꪱꪉ ꪵꪀꪉ ꪄꪮꪉ ꪢꪮꪥ ꪒꪱꪉ ꪪꪙꪸ.

ꪹꪩꪉ ꪬꪫꪙꪸ ꪥꪀꪲ