ꪋ ꪒꪱꪉ ꪅꪉ ꪨꪷ ꪫꪀꪸ ꪄꪮꪉ ꪤꪙ
ꪼꪫ ꫛ ꪤꪙ ꪣꪲ ꪜꪺꪉ ꪀꪙꪲ ꪓꪥ ꪤꪴ ꪒꪲ ꪹꪏ ,ꪠꪴ ꪮꪺꪙ ꪝꪱ ꪹꪗꪉ ꪶꪠ ꪶꪭ ꪊꪲ ꪢꪲꪉ ꪁꪷ ꪶꪜꪉ ꪻꪊ ꪒꪴ ꪒꪲ ꪮꪺꪙ ꪝꪱ ꪵꪀ ꪼꪄ ꪝꪉꪳ ꪘꪱ ꪫꪀꪸ ꪑꪉꪰ ꪣꪲ ꪨꪱꪥ ꪄꪴ ꪭꪮꪙ ꪭꪙꪳ ꪹꪏꪉ: ꪫꪀꪸ ꪵꪎ ꪼꪜ ꪣꪱ ꪮꪚꪲ ꪁꪚꪾ ꪀꪽ ꪘꪉꪰ ꪀꪱꪉ ꪕꪱꪉ ,ꪙꪣꪾ ꪑꪉꪳ ꪶꪖꪣ ,ꪕꪉꪸ ꪮꪱꪙ ꪚꪱꪙ ꪹꪣꪉ ,ꪕꪉꪳ ꪮꪱꪙ ꪎꪮꪀ ꪼꪜ ꪕꪱꪉ ꪣꪱ. ꪹꪏꪉ ꪫꪀꪸ ꪑꪱꪥ ꪭꪱꪉ ꪝꪽ ꪋꪺ ꪹꪭꪙ ꪤꪙ ꪘꪉꪰ ꪶꪠꪉ ꪭꪣꪲ ꪙꪣꪾ, ꪩꪺꪉ ꪜꪴꪙ ꪄꪮꪉ ꪵꪗꪉ ꪶꪈ ꪹꪚꪱ ꪋꪳ ꪭꪀꪸ ꪥꪒ ꪋꪽ ꪶꪠꪉ ꪶꪒ ꪖꪲ ꪩꪱ, ꪭꪴ ꪼꪒ ꪁꪱꪒ ꪁꪙꪸ ꪀꪚꪾ ꪫꪀꪸ ꪶꪔ ꪊꪀꪳ ꪹꪩꪱ ꪜꪺꪉ ꪀꪙꪲ ꪓꪥ ꪤꪴ ꪻꪬ ꫛ ꪥꪙ. ꪘꪉꪰ ꪋꪴ ꪝꪷ ꪘꪱ ꪀꪚꪾ 322 ꪚꪲ ꪖꪳ ꪒꪱꪉ ꪮꪫꪲ ꪎꪱ, ꪹꪠꪉ, ꪖꪲ ꪊꪙ ꪠꪴ ꪮꪺꪙ ꪝꪱ ꪵꪗꪉ ꪶꪠ ꪫꪱ: ꪀꪱꪙ ꪶꪛ ꪼꪒ ꪻꪎ ꪊꪣꪾ ꪤꪙ ꪊꪉꪰ ꪭꪴ ꪼꪒ ꪩꪱꪉ ꪻꪠ ꪻꪊ ꪣꪮꪙ ꪄꪮꪉ ꪤꪙ ,ꪭꪴ ꪼꪒ ꪝꪉꪳ ꪩꪱꪉ ꪄꪴ ꪭ ꪶꪎꪣ ꪻꪊ ꪀꪺꪉ ꪤꪙ.
ꪊꪚ ꪙꪣꪾ ꪕꪮꪥ ꪩꪺꪉ ꪮꪺꪙ ꪜꪱ ꪄꪮꪉ ꪚꪲ ꪖꪳ ꪵꪗꪉ ꪮꪫꪲ, ꪜꪱ ꪖꪱꪥ ꪖꪲ ꪁꪣꪲ ꪵꪗꪉ, ꪚꪲ ꪖꪳ ꪒꪱꪉ ꪮꪫꪲ ꪹꪠꪉ ꪚꪙ ꪵꪈ ꪀꪺꪙ 1 ꪼꪬ ꪭꪴ: ꪹꪠꪉ ꪀꪣꪾ ꪀꪫꪒꪸ ꪔꪉꪰ ꪵꪔꪈ ꪊꪉꪲ ꪁꪫꪙꪸ ꪻꪎ ꪊꪣꪾ ꪤꪙ ꪵꪔ ꪝꪉꪳ ꪫꪀꪸ ꪹꪏꪉ: ꪫꪀꪸ ꪥꪒ ꪊꪸ ꪩꪱꪥ ꪵꪬꪉ ꪊꪉꪲ ꪼꪒ ꪊꪚ ꪙꪣꪾ ꪔꪷ ꪘꪱ ꪨꪱꪥ ꫛ, ꪔꪴꪣ ꪝꪺ ꪄꪫꪱꪙ ꪨꪲ ꪫꪀꪸ ꪜꪀꪰ ꪜꪽ, ꪼꪄ ꪀꪫꪱꪉ ꪕꪱꪉ ꪼꪜ ꪣꪱ ꪀꪺꪉ ꪶꪠꪉ ꪤꪙ ꪤꪴ, ꪎꪱꪉ ꪵꪜꪉ ꪭꪣꪲ ꪕꪱꪉ ,ꪎꪱꪉ ꪵꪜꪉ ꪝꪉꪳ ꪨꪱꪉ ꪹꪭꪙ ꪋꪴꪉ ꪁꪳ ꪹꪀꪱ, ꪜꪽ ꪔꪱꪉ ꪐꪉꪲ ꪹꪐ ,ꪤꪮꪙ ꪎꪸ ꪫꪀꪸ ꪼꪜ ꪣꪱ ꪮꪚꪲ ꪀꪚꪾ ꪀꪽ ꪘꪉꪰ ꪀꪱꪉ ꪕꪱꪉ. ꪵꪩꪫ ꪘꪉꪰ ꪹꪠꪉ 2 ꪀꪺꪙ ꪠꪴ ꪐꪺꪙ ꪜꪱ ꪈꪫꪙꪸ ꪖꪲ ꪵꪗꪉ ꪖꪱꪫ ꪚꪲ ꪖꪳ ꪒꪱꪉ ꪮꪫꪲ ꪹꪭꪉ ꪥꪒ ꪊꪴ ꪕꪲꪀ ꪮꪫꪲ ꪚꪱꪙ ꪤꪙ ꪹꪣꪉ ꪹꪠꪉ ꪼꪬ ꪭꪴ: ꪘꪱ ꪫꪀꪸ ꪊꪉꪲ ꪊꪲ ꪄꪮꪉ ꪒꪱꪉ ꪮꪫꪲ ꪹꪠꪉ ꪨꪷ ꪼꪒ ꪅꪉ ꪨꪷ ꪜꪺꪉ ꪀꪙꪲ ꪓꪥ ꪤꪴ ꪼꪬ ꪤꪙ ꪹꪣꪉ ꪒꪸ ꪹꪠꪉ.
ꪵꪮ ꪵꪀ ꪼꪄ ꪼꪒ ꪝꪉꪳ ꪄꪴ ꪭꪮꪙ ꪭꪙꪳ ꪄꪮꪉ ꪤꪙ ꪹꪣꪉ ꪭꪳ ꪀꪚ ꪮꪫꪲ, ꪊꪉꪸ ꪁꪫꪙꪸ ꪵꪀꪉ ꪒꪱꪉ ꪪꪙꪸ ꪚꪮꪙ ꪙꪽ ꪼꪒ ꪥꪒ ꪒꪲ ꪘꪱ ꪫꪀꪸ ꪘꪫꪸ ꪹꪋ ꪼꪫ ꪻꪎ ꪊꪣꪾ ꪤꪘ ,ꪭꪴꪤ ꪼꪒ ꪝꪉꪳ ꪩꪱꪉ ꪻꪠ ꪻꪊ ꪣꪮꪙ ꪄꪮꪉ ꪤꪙ.
ꪪꪴ ꪕꪲꪀ ꪶꪭ ꪊꪲ ꪢꪉꪲ ꪎꪉꪰ ꪎꪮꪙ: ꪀꪱꪙ ꪶꪛ ꪨꪷ ꪶꪀꪀ ꪀꪷ ꪄꪮꪉ ꪋꪴ ꪘꪱ ꪫꪀꪸ. ꪵꪔ ꪁꪫꪱꪣ ꪎꪉꪰ ꪎꪮꪙ ꪄꪮꪉ ꪜꪴ ꪏꪴꪣ ꪹꪭꪱ ꪁꪷ ꪬꪙ ꪵꪊꪉ ꪫꪀꪸ ꪤꪙ ꪕꪙꪲ ꪹꪋ ꪒꪱꪉ ꪫꪱ ꪹꪚꪱ ꪨꪷ ꪀꪱꪥ ꪝꪉꪳ ꪫꪀꪸ ꪥꪒ ꪵꪕ, ꪩꪱꪉ ꪒꪲ ꪫꪀꪸ ꪥꪒ ꪄꪮꪉ ꪔꪚ ꪖ ꪀꪚ ꪮꪫꪲ ꪒꪱꪉ, ꪊꪉꪲ ꪁꪫꪙꪸ ꪵꪀꪉ ꪢꪮꪥ ꪀꪱꪙ ꪶꪛ ꪒꪱꪉ ꪪꪙꪸ. ꪢꪮꪥ ꪀꪚ ꪮꪫꪲ ꪵꪀꪉ ꪒꪱꪉ ꪪꪙꪸ ꪄꪮꪉ ꪒꪱꪉ ꪶꪛ ꪝꪮꪣ ꪀꪮꪚ ꪝꪀꪰ ꪶꪭꪣ ꪵꪭꪉ ꪅꪉ ꪨꪷ ꪫꪀꪸ ꪄꪮꪉ ꪤꪙ ꪭꪳ ꪚꪱꪙ ꪹꪣꪉ ꪹꪭꪱ ꪁꪷ ꪋꪲ ꪊꪙ ꪙꪣꪾ ꪁꪒꪳ ꪼꪒ ꪩꪱꪉ ꪒꪲ ꪩꪺꪉ ꪜꪴꪙ: ꪤꪙ ꪭꪉꪰ ꪹꪣꪉ ꪵꪭꪉ, ꪚꪱꪙ ꪹꪣꪉ ꪋꪉ ꪝꪉꪸ ꪒꪀꪰ ꪪꪽ.
ꪬꪫꪙꪸ ꪥꪲꪀ
Viết bình luận