Mâu hâi hiăng hluâ, kuăn pơlê a kơpong hơngế hơngo, kơpong hdroâng kuăn ngo tung 3 cheăm dêi tơring Đơn Dương [a\ 8 cheăm dêi tơring Di Linh, kong pơlê Lâm Đồng hiăng ôh tá mơdoh hên chôu [a\ liăn ngân troh kơpong tíu xiâm tơring vâ pro mơ-éa mung liăn ing hngêi arak liăn.

Xua ti lâi ôh tá prôk hơngế xuân ối châ mung liăn cho xua tơdroăng pro mơ-éa vâ mung liăn dêi Agribank tíu pêi cheăng a kong pơlê Lâm Đồng pơrá châ pêi pro a pơlê cheăm tung rơxế ô tô ki pêi cheăng.

Kuăn pơlê dế pro mơ-éa vâ mung liăn [a\ hngêi arak liăn ing rơxế ô tô pêi cheăng dêi hngêi arak liăn

Tiô nâ Pơ Fun Nay Fuy, ối a cheăm Ka Đơn, tơring Đơn Dương (Lâm Đồng), tơdroăng hngêi arak liăn po tíu pro mơ-éa vâ mung liăn tung rơxế ô tô a cheăm hiăng pro kuăn pơlê sôk ro, xua pak^ng tơ’lêi châ mung liăn, mâu tơdroăng pro mơ-éa vâ mung châ pro tơ’lêi hlâu, re\ng:

‘’Hâi kố á troh a tíu pro mơ-éa vâ mung liăn ki hâi hdrối á mung, mê cho pro hơ’lêh hâi khế chêl tâi liăn mung. Hdrối nah, lăm pro mơ-éa vâ mung prôk hơngế tâ, nôkố pro mơ-éa vâ mung akố gá cho achê, tơ’lêi hlâu tung prôk lăm’’.

Nôkố mâu tíu pro mơ-éa mung liăn tung rơxế ô tô pêi cheăng dêi Agribank tíu pêi cheăng a kong pơlê Lâm Đồng châ pơtối pêi cheăng a mâu cheăm tiô hâi khế hiăng châ pơkâ sap ing hdrối. Ki hlo nhên khât, kố cho môi hngêi arak liăn ki chiâng prôk ukố utá, tâi tâng mâu tơdroăng pro mơ-éa vâ mung pơrá châ pêi pro tung rơxế ki pêi cheăng, ai tu\m kơmăi kơmok, kơmăi séa ngăn tơdroăng pêi cheăng tu\m têk [a\ hía hé, tơniăn ăm tu\m tơdroăng pêi cheăng pro mơ-éa vâ mung liăn.

Tiô pôa Nguyễn Xuân Hòa, Kăn pơkuâ Agribank tíu pêi cheăng a kong pơlê Lâm Đồng tối, a mâu tíu pro mơ-éa vâ mung liăn ki chiâng xe\n tíu kố, kuăn pơlê châ hnê tu\m tơdroăng pro mơ-éa vâ châ mung liăn, tơdah hnê mơhno hô sơ mung liăn, ăm mung kok mơ-éa ki kơd^ng liăn, mơ’no liăn vâ ăm mung, xo liăn che\n, liăn laih [a\ mâu tơdroăng ăm mung tơdjâk ki ê.

‘’Po rơdâ tíu pro mơ-éa vâ mung liăn [a\ rơxế ô tô pêi cheăng dêi kơ koan mê ngin pói tơngah kô pêi tơtro má môi mâu tơdroăng pro mơ-éa vâ mung liăn tiô troăng rơxông nếo, pak^ng kum tung tơdroăng ăm mung liăn dêi vâi krâ [a\ mâu cheăm kơpong hơngế hơngo. Ing mê, tâng vâ tối kô kơd^ng hên kơxo# liăn xuân môi tiah hâi khế prôk lăm dêi vâi krâ’’.

Tơdroăng Agribank tíu pêi cheăng a kong pơlê Lâm Đồng po mâu tíu pro mơ-éa ăm mung liăn ing hngêi arak liăn [a\ rơxế ô tô pêi cheăng dêi hngêi arak liăn, pơtroh mâu tơdroăng mung liăn dêi hngêi arak liăn troh a kơpong hơngế hơngo, kơpong hdroâng kuăn ngo ôh tá xê to pro tơ’lêi hlâu vâ kuăn pơlê châ mung liăn, hbrâ mơ’no liăn mơnhông pêi chiâk deăng, tơniăn tơdroăng rêh ối, mê ối kum tah tơdroăng ki ăm mung liăn xo liăn laih kơnâ ó dế ai a kơpong thôn pơlê.

Quang Sáng chêh

A Sa Ly tơplôu [a\ tơbleăng