Hơnăm 2019 drêng yă kế tơmeăm khoăng pêi lo ing chiâk deăng, môi tiah kơphế, kơxu, tiu [a\ hía hé xuân pơtối a kơlo ki rơpâ, kong pơlê Kon Tum mơhnhôk khu tê mơdró [a\ kuăn pơlê thăm uâ mơdiê vâ thăm pro i le\m vâ mơdêk ki kơnâ tơmeăm kơdroh tro lu\p. {a\ 8 hngêi kơmăi uâ mơdiê tơpoăng pôm; 7 tíu uâ mơdiê kân, 100 tíu uâ mơdiê ku\n tơprâ tơpru\ng; 7 toăng hngêi kơmăi pro chá kơxu [a\ hía hé…

Xiâm kối tơmeăm pêi lo ing chiâk deăng a kong pơlê tơniăn tíu tê, mơdât tơdroăng kế tơmeăm khoăng pêi lo ing chiâk deăng tro hdjip yă. Tơdroăng ki apoăng kong pơlê mơjiâng mâu tơmeăm ki phá tơ-ê dêi rêm cheăm xuân kum kuăn pơlê pêi chiâk deăng tê tơmeăm pêi lo ing chiâk deăng tơ’lêi hlâu. 

Rak ngăn kơphế kơpong koing hngiú a kơpong hdroâng kuăn ngo a tơring Kon Plong, kong pơlê Kon Tum

Kơnôm mê pêi lo liăn rêm pơ’leăng mâ mơngế dêi kong pơlê Kon Tum xuân tâk ai sap ing 37 rơtuh liăn a hơnăm 2018 to lối 41 rơtuh liăn a hơnăm 2019. Ki kal tâ cho tơdroăng rêh ối dêi kuăn pơlê, ki rơhêng vâ tối cho [ă vâi krâ hdroâng kuăn ngo rêh ối a kơpong hơngế hơngo, kơpong ki pá puât dêi kong pơlê pơtối rak ki tơniăn [a\ xuân ai troăng mơnhông mơdêk.

Ngoh A Đổm, hdroâng kuăn ngo Jêh - Triêng, pơlê Đăk Tum, cheăm Đăk Môn, tơring Đăk Glei tối ăm ‘nâi:

‘’Hơnăm 2019 tối tơdjuôm yă mâu tơmeăm pêi lo ing chiâk deăng dêi kuăn pơlê pêi chiâk deăng trâm hên pá puât. Laga [a\ tơdroăng mơ-eăm ‘na rêh ối, cheăng kâ dêi kuăn pơlê rêm hâi châ tơtêk nhên. Vâ mơnhên mê tung hơnăm 2019 ai 8 troh 9 rơpo\ng mơjiâng hngêi nếo krá kâk. Pêi lo liăn xuân tâk, tơdroăng ôu kâ dêi kuăn pơlê châ hơ’leh hôm tâ’’.

Hnhâng kơxái on tơhrik troh a kơpong hơngế dêi Kon Tum

Hơnăm 2019 mơhé trâm hên pá puât laga kong pơlê Kon Tum xuân ối châ 12/13 hnoăng cheăng, pơkâ mơnhông tơtêk cho tơdroăng pơkâ Ho#i đong kong pơlê mơ’no. Kơlo tơtêk cheăng kâ dêi kong pơlê ai tơkêk kal khât, tâk 9,96%. Roh apoăng xo hnoăng liăn Tơnêi têa hiăng hluâ 3 rơpâu rơtal liăn hên tâ tiô tối hdrối châ pơcháu lối 3.900 ta#n tá hâi xêo Sâm Ngọc Linh. Mơjiâng nếo 243 khu tê mơdró [a\ tâi tâng kơxo# liăn mơ’no k^ lối 2.500 rơtal liăn. Mơhnhôk 57 tơdroăng tơkêa bro mơ’no liăn [a\ tâi tâng kơxo# liăn k^ lối 5 rơpâu rơtal liăn.

Pôa Võ Thanh Chín, Kăn hnê ngăn pơkuâ mô đo#i hneăng hdrối nah, kăn Ho#i đong kong pơlê Kon Tum kheăn kơdeăn mâu tơdroăng ki châ tơ-[rê ki kong pơlê châ tung hơnăm 2019 kố nah:

‘’Hơnăm 2019 pin hiăng châ vâ chê 10%, kố cho pơkâ ki kân tơdrêng amê Pơkâ Ho#i đong kong pơlê apoăng hơnăm cho 9%. Pin hiăng châ [a\ hluâ 12/13 hnoăng pơcháu. ‘Na tơdroăng pêi lo liăn rêm pơ’leăng mâ mơngế pơkâ cho 40 rơtuh liăn laga nôkố lối 41 rơtuh liăn. Kơdroh kơtiê xuân hiăng châ lối 4%. Mê cho mâu pơkâ ki xiâm mơnhông cheăng kâ dêi kong pơlê châ tơ-[rê môi tiah mê’’.

Yă kơphế rơpâ kuăn pơlê pêi chiâk deăng Kon Tum pêt tơvât plâi kâ tung kơdrum kơphế

Mơnhông ki châ tơ-[rê tung hơnăm 2019, hơnăm 2020 kong pơlê Kon Tum mơ-eăm pêi tơtêk lối 12%; xo hnoăng liăn ngân Tơnêi têa tung kong pơlê châ lối 3.500 rơtal liăn; châ kơxo# liăn tê tơmeăm ngi kong têa ê châ 150 rơtuh dollars; pêi lo liăn rêm pơ’leăng mâ mơngế lối 45 rơtuh liăn; kơxo# rơpo\ng kơtiê mơ’nui hơnăm 2020 kơdroh sap ing 3 – 4% [a\ ai tơ’nôm 3 cheăm châ plah thôn pơlê nếo.

Vâ pêi pro [lêi chiâng mâu pơkâ kố, sap ing mâu hâi apoăng, khế apoăng dêi hơnăm 2020, khu kăn pơkuâ hiăng pêi kơtăng, tơdâng hên troăng pêi vâ pơtối thăm mơnhông cheăng kâ thăm mơnhông tâ nếo.

Khoa Điềm chêh

A Sa Ly tơplôu [a\ tơbleăng