Pái ứng dụng châ xúa, mê cho: Phần mềm Veăng hôp ôh tá ai hlá mơ-éa; ứng dụng Tíu xiâm rơkê plĕng tung kơmăi - Kuăn pơlê kơxô̆ a tơdroăng chêh iOS ƀă kơmăi rak ngăn tơdroăng chêh ‘măn, pơkuâ eOffice (châ mơdêk rĕng). Tung mê, phần mềm veăng hôp ôh tá xúa hlá mơ-éa ăm phêp po ngăn kơmăi hlối rak ngăn tâi tâng mâu tơdroăng chêh ‘măn tung kơmăi, mơgêi hâi hôp xuân môi tiah tơdroăng  chêh mot tung kơmăi.

Tơdroăng rôh hôp châ thâu hrik ƀă gá chiâng pơ’lêh xêh tiah chêh a hlá mơ-éa, kum kơdĭng hâi chôu, ki tơdrăng ƀă hlâu hlĕng tung tí tăng ngăn, séa ngăn. Ứng dụng Xiâm ki rơkê - kuăn pơlê kơxô̆ chêh ‘măn tung kơmăi ki kal môi tiah ‘no liăn mơjiâng tơmeăm khoăng tơnêi têa, ‘no liăn mơjiâng pro tơmeăm khoăng pa kong liăn ngân, xo liăn ngân… pơxúa ăm tơdroăng rak ngăn, hnê mơhno pơkuâ dêi kong pơlê.

Tung mê, kơmăi troăng eOffice pơtói châ mơdêk lĕm vâ pơxúa lĕm tâ ăm rak ngăn hlá mơ-éa troh, hlá mơ-éa ki pơtroh ki kĭ ƀă kơxô̆.