Pơtối mê, chôu pêi cheăng xúa ƀă mâu kơ koan Đảng, Tơnêi têa, Măt trâ̆n Tơnêi têa ƀă mâu đoân theh ing râ kong pơlê troh râ cheăm mê cho: a kơxo má sap ing 7 chôu 30 phut troh 11 chôu 30 phút; kơxê sap ing 13 chôu 30 phut troh 17 chôu 30 phut. Tâng pơchông ƀă pơkâ nôkố, chôu pơklât pêi cheăng a kơxo má cho rĕng ahdrối tâ 30 phut, tơdrêng amê, chôu mơgêi cheăng peăng kơxê hrá ton tâ 30 phut.

Vi ƀan kong pơlê Dak Lak tối ăm ‘nâi, tơdroăng ki pơhlêh vâ kơdroh kơtăn chôu pêi cheăng ƀă Chin phuh ƀă mâu khu xiâm, kơvâ cheăng Tơnêi têa (hmâ pơxiâm sap ing 8 chôu). Pakĭng mê, tơdroăng cheăng rĕng tâ chôu pêi cheăng a kơxo châ mơnhên cho tơtro ƀă kong prâi ƀă tơdroăng ki tơdjuôm nôkố, drêng nôkố ai lối tơdế kơxô̆ kong pơlê, pơlê kong kơdrâm tung lâp tơnêi têa xúa chôu pêi cheăng môi tiah mê.

Ƀă mâu kơvâ ki phá tơ-ê môi tiah hnê hriâm, khăm pơlât, mâu tíu cheăng kô hbrâ pơhlêh chôu pêi cheăng vâ tơtro ƀă tơdroăng hnê hriâm ƀă khăm pơlât.