Kong loăng hngó 15, 16 hơnăm a 2 to cheăm Đak Na [ă Đak Sao, tơring Tu Mrông dế hlo xông rơdêi le\m. Kơtăn kố lối 6 hơnăm, tung pơla dế tá hâi ai troăng hơlâ kum mơhá liăn ăm tơdroăng rak ngăn [ă pêt mơjiâng kong, tơdroăng cheăng dêi Khu pêt kong pro hlá mơéa Đak Na ối trâm hên xơpá, xua kơxo# liăn bu iâ. La mâu hơnăm achê pơla kố, kơnôm châ Ko\ng ti xing xoăng tơ’nôm dâng 300 rơpâu 1 ha, tíu cheăng kố ai liăn vâ pêi pro hnoăng cheăng mơhá ăm tơdroăng ki rak ngăn kong tro tâ.

Pôa Nguyễn Văn Vỹ, kăn pơkuâ Khu pêt loăng pro hlá mơéa Đak Na, ăm ‘nâi:

‘’Rêm hơnăm ngin pêi pro tiô pơkâ dêi Ko\ng ti, cho rak ngăn tâi kong dế ai nôkố. Tơdrêng amê hnối pơkâ mơdêk pêi pêt,rak ngăn kong, pêi pro, pôu râng kân ‘na hnoăng cheăng rak ngăn kong, hbrâ mơdât on chếo kong, môi tiah kơvê troăng vâ hbrâ mơdât on chếo, trâ văng mâu k^ng, văng lá pu, nhâ ki khăng tiô pơkâ hdrối rơnó tô vâ pôi tá ai tơdroăng ki kong tro on chếo. Tơdrêng amê, hnối trâ văng mâu chiâk deăng, po văng nhâ drêng kuăn pơlê chôu mê xuân ôh tá tơdjâk troh [ăng tơnêi kong’’.

Xuân kơnôm ai kơxo# liăn xing xoăng rêm hơnăm sap ing troăng hơlâ kum mơhá liăn ăm tơdroăng rak ngăn [ă pêt mơjiâng kong, Khu pơkuâ ngăn pêt kong pro hlá mơ-éa Đak Na k^ tơkêa tơ’nôm vâ mơdêk hnoăng cheăng rak ngăn [ă pêt kong, malối tung mâu khế tô mơdrăng.

Pák^ng mê, Khu pơkuâ cheăng ối tơku\m hnê mơhno, tối tơbleăng, mơhnhôk vâ mơdêk tuăn hiâm rơkê ple\ng ăm kuăn pơlê [ă hnoăng cheăng rak ngăn kong. Klêi mê ăm hlo, mâu rôh ai tơdjâk troh hdi xo kong tung tơring hiăng hlo kơdroh păng ‘nâng. Tung lối môi hơnăm hiăng luâ, vâ chê 1.200 ha kong loăng hngó bu ối 30 xiâm tro kuăn pơlê ko ‘nhê. Ngoh Hồ Anh Vũ, mơngế ko\ng nhân, Khu pêt kong pro hlá mơ-éa Đak Na, tối ăm ‘nâi:

‘’Vâi krâ nho\ng o nôkố tối tơbleăng tung lâp lu, to kăn [o# xuân rêh kâ ối [ă cheăm, vâi krâ nho\ng o nôkố xuân ‘nâi ki kal dêi hnoăng cheăng rak ngăn. Mê ah tơru\m ôh tá ai xếo tơdroăng ki ko ‘nhiê kong, hdi xo tơnêi môi tiah hdrối mê hía nah’’.

Rơtế [ă tơdroăng pêi pro tro hnoăng cheăng rak ngăn kong, pêi lo liăn dêi kăn [o#, mâu ngế pêi cheăng Khu pêt kong pro hlá mơ-éa Đak Na rế hía rế tơniăn. Rêm ngế dêi Khu pêt kong châ pơcháu rak ngăn 80 ha kong loăng hngó, pêi châ kâ 8 rơtuh liăn môi khế. Hnoăng cheăng, pêi lo liăn tơniăn rế hía rế pro kăn [o#, mâu ki cheăng tung Khu pêt kong pro hlá mơ-éa Đak Na hâk vâ tâ [ă rak ngăn kong. Ngoh Bùi Thanh Chương, ko\ng nhân pêi cheăng tung khu ăm ‘nâi:

‘’Mâu ko\ng nhân ngin tâng vâ pơchông [ă mâu tíu cheăng rak ngăn kong ki ê tâng vâ tối ‘na pêi lo liăn ga xuân chía tơniăn, kum tơdroăng rêh kâ ối dêi rơpo\ng hngêi, kơdrâi kuăn. Á hâk vâ yoh [ă tơdroăng rak ngăn kong. Rế pêi mê á rế tơniăn tuăn. Ối a Kon Tum kố, á cheăng tung Khu rak ngăn kong hiăng ton. Kăn pơkuâ Ko\ng ti xuân loi tơngah pơcháu hnoăng cheăng [ă tơná á xuân pơtối pêi dêi hnoăng cheăng há’’.

Klêi hên hơnăm rak ngăn vâ chê 1.200 ha kong loăng hngó, hơnăm kố Khu pêt kong pro hlá mơ-éa Đak Na hiăng châ Ko\ng ti ngăn ‘na loăng pro hlá mơ-éa Peăng Hdroh ăm phêp kếo tah rôh má 1 tung [ăng tơnêi kong ai 162 ha [ă ko uâ rôh má 2 tung [ăng tơnêi ai 31 ha. Sap ing kơxo# liăn châ pơkâ tê mơdró loăng ki hiăng kân. Tơkéa vâ tối, troăng hơlâ kum mơhá liăn ăm tơdroăng rak ngăn [ă pêt mơjiâng kong dế chiâng tíu cheăng kâ krá tơniăn kum mâu khu pơkuâ ngăn kong ai tơ’nôm kơxo# liăn vâ rak ngăn [ă thăm pêt kong rế tro [ă hên tâ.

Khoa Điềm chêh

Katarina Nga tơplôu [ă tơbleăng