VOV.Xơ Đăng - Tung tơdroăng xôi kiâ ton nah dêi kuăn ngo K’Ho a Lâm Đồng, ai môi tơdroăng hơ’muăn ki lĕm tro, mơjo pâ kơ mơngế, hơ’muăn xiâm rêi tĭng xối pleăng kơpôu - tơdroăng pro mơdĭng ki kân má môi tung tơdroăng rêh ối dêi mơngế K’Ho. Tơdroăng hơ’muăn mê pơxiâm ing ngế rơtăm K’lah têm rơpiât, kơnôm châ trâm kuăn kơdrâi Xeăng mê hiăng pro ăm kuăn pơlê ai môi túa tơlá pơtối rak ta troh tơrêm rơxông kơ’nâi.