VOV4.Sêdang - Tơbleăng a ngiâ Kuô̆k hô̆i, mâu hdroâng mơngế ƀă kuăn pơlê tung lâp tơnêi têa a rôh hôp má 2, Kuô̆k hô̆i hneăng 15, pôa Phạm Bình Minh, Ngế pro xiâm hnê ngăn tơnêi têa ăm ‘nâi, hơnăm 2021, tung pơla tơnêi têa trâm hên xơpá, pơloăng mơnúa cho rôh pơreăng COVID-19 tâ tú ki má 4 pro chiâng ai pơreăng Delta dế tâ tú rĕng, hlối rơ-iô tâ tâng vâ pơchông ƀă hên pơreăng ki tâ tú hdrối mê, khŏm thế pin xúa hên tơdroăng hbrâ mơdât pơreăng rơdêi tâ, kơtăng tâ,  hâi ai pơkâ pêi pro ahdrối tâi, ki hdrối, pin thế rak vế dêi ivá tơná, ivá kuăn pơlê.

‘Na troăng rơhlâ tơdroăng cheăng mơnhông cheăng kâ rêh ối hơnăm 2022, Ngế pro xiâm hnê ngăn tơnêi têa tối nhên, tơdroăng hnê mơhno pơkuâ tung mê tối nhên tiah kố: Séa ngăn tiú ki mơnhông mơdêk tiô pơkâ Hneăng hôp kân má 13 dêi Đảng. Pơtối rak vế ki rơdêi ki tơrŭm môi tuăn tâi tâng hdroâng mơngế ƀă pơkuâ kal kí; tối nhên tơdroăng ki mơ-eăm, tơmâng ngăn a ki mơ-eăm dêi tơná, ki kal. Pơkâ ivá mo lĕm ki ahdrối, ivá kuăn pơlê mê kơpêng, ki hdrối; chôa hmâ tơniăn, ƀĕng ƀeăn, séa ngăn hbrâ mơdât tơ-ƀrê pơreăng COVID-19.