VOV4.Sêdang - {ơrô Chin phuh nếo ai hlá mơéa pơkâ xo rơkong tơpui tối dêi pôa Trương Hòa Bình, Ngế pro xiâm pho\ hnê ngăn Chin phuh hnê mơhno Vi [an hnê ngăn kong pơlê Gia Lai pơtối séa ngăn, pêi pro mơnhên tơdroăng ki tro xôi tung roê, kế tơmeăm xúa ‘na khăm pơlât [ă tê pơkeăng a Khu ngăn pơkeăng [ă khăm pơlât kong pơlê kố.

Ki nhên gá, athế séa ngăn, pêi pro i nhên tơdroăng ki ôh tá tro, pơkâ yă tê dêi mâu kế tơmeăm xúa, pơkeăng tung khăm pơlât hiăng roê, tơdrêng a mê hnối pơkâ thế kong pơlê tối nhên mâu tơdroăng ki tá hâi tối tơbleăng tu\m, tung tơdroăng ki roê mâu kế tơmeăm xúa, tê pơkeăng a kơvâ ngăn pơkeăng kong pơlê Gia Lai sap ing mâu hơnăm 2010 – 2015 hiăng tro pơxâu phâk hôm hiăng ‘mâi rơnêu há lơ ôh.

Pôa Trương Hòa Bình xuân pơkâ thế kong pơlê Gia Lai hnê mơhno, séa ngăn tơdroăng ki roê kế tơmeăm tung khăm pơlât, tê pơkeăng tung péa hơnăm 2016 [ă 2017, sap ing hơnăm 2018 ngi klêng, kong pơlê athế pơkâ tơdroăng ki séa ngăn kơvâ ngăn pơkeăng [ă khăm pơlât tung túa pơkâ séa ngăn rêm hơnăm.

Katarina Nga tơplôu [ă tơbleăng