Nôkố tung pơlê kong kơdrâm Đà Lạt ai chât khu mơngế leăm kho\m lai mơdró ôm hyô. Ing tơdroăng tê hngêi ôu kâ, tíu kâ koi ối pơtê troh a tíu kâ nha#u, hngêi ối pơtê ki rơpâ liăn, mâu tơdroăng xah hêi, massage, karaoke [a\ ki ê hía u lâi xuân ai khu ngế leăm kho\m lai, khu ki kố tơbleăng, pơlông krếo tơmối.

Tung mê, má môi cho khu mơngế leăm kho\m lai kơbông krếo tơmối lăm ngăn kơdrum loăng plâi yâu [a\ mâu hngêi pế pơchên kế kâ ki má môi dêi Đà Lạt, ôh tá xê to tơbleăng ăm tơmối, mê khu kố ối pro tơmối chiâng ti ‘nâi ki lâi khât ki lâi ôh, ai tơdroăng tơbriât tơmối, pơloi, pơklât thế tơmối pro ki kố ki mê, pro ôh tá tơniăn tơdroăng rêh ối a pơlê kong kơdrâm.

Tiô ngoh Nguyễn Trọng Phát, mơngế lo ing pơlê kong kân Hồ Chí Minh tối, a môi pơlê kong kơdrâm ôm hyô ki châ ô eăng má môi môi tiah Đà Lạt mê ăm ai khu mơngế ki leăm kho\m lai, tí tăng pơklât, pơloi tơmối, thăm nếo pâm xiăn tơmối bê tro rong bê mot pơlât a hngêi pơkeăng [a\ ki ê hía, cho tơdroăng tá le\m ôh ‘nâng. Ngoh Nguyễn Trọng Phát, tối ăm ‘nâi:

‘’Khu mơngế leăm kho\m lai, vâi tối môi kilô plâi yâu dâng to lâi chât rơpâu, laga drêng mot troh a kơdrum mê troh môi hr^ng to lâi chât, vâi pơloi [a\ pâm xiăn tơmối ai ‘nâng. Tơdroăng kố pro tơmối hêng hôu khât, ki kố tối cho lu lêa. Tiô á tơmiât thế re\ng troh tah khu mơngế leăm kho\m lai kố, tơdrêng amê po ăm tơmối môi kơpong vâ vâi châ mot ngăn kơdrum plâi yâu lơ loăng plâi vâ tơmối hmiân tuăn’’.

Ki má môi cho tơdroăng ki lu lêa, pâm xiăn tơmối a Đà Lạt a mơ’nui khế 5 kố nah. Môi ngế kơdrâi a kong pơlê Đồng Nai hiăng tro môi ngế xiăn pâm bê hlâ rơngó drêng tối vâ tơvêh ăm ‘’kế ki tối cho ô eăng dêi Đà Lạt’’ xua tro pơklât rôe [a\ yă kơnâ. Tơdroăng kố pro pơlê pơla tung pơlê kong kơdrâm [a\ lâp tơnêi têa tô tuăn ó khât, laga ngế ki ‘nêk tơmối kố bu tro pơxâu phâk liăn iâ tê.

Tiô jâ Phùng Thị Vân, ngế cheăng tung môi Ko\ng ti ôm hyô Hongkong a Hà Nội tối, tơdroăng ki ai mơngế ki leăm kho\m lai ôm hyô hiăng pro tơmối chiâng ôh tá tơniăn tuăn, chiâng ôh tá le\m tung hiâm mơno, tơdjâk troh um méa dêi pơlê kong kơdrâm Đà Lạt, xua mê, kal ai mâu túa ki pro kơtăng, pơxâu phak ki ó vâ hơ’lêh tơdroăng ki pro ‘mêi mê. Jâ Phùng Thị Vân, tối ăm ‘nâi:

‘’Drêng nếo troh akố tơmối hiăng tâ ôh tá ro, drêng nếo troh mê hiăng tro hrot, tơbleăng tối ai hngêi ôu kâ ki kố ki mê. Kố cho tơdroăng ki tơvâ má môi [a\ mơngế ôm hyô, pro mơngế tâ ôh tá le\m drêng troh akố. Á tơmiât khu kăn pơkuâ kong pơlê Lâm Đồng kal mơdât kơtăng tơdroăng kố, thế pêi pro mâu túa kơtăng ó tâ mê nếo vâ kâi mơdât tơdroăng pơloi tí tăng kâ kho\m lai’’.

Jâ Nguyễn Thị Nguyên, Kăn pơkuâ ‘na mơhno mơjiâng túa le\m tro, tơ’noăng ivá [a\ ôm hyô kong pơlê Lâm Đồng tối, tơdroăng khu mơngế leăm kho\m lai hiăng pro ‘mêi ăm um méa Đà Lạt, tơdjâk troh tơdroăng mơnhông mơdêk dêi kơvâ ôm hyô dêi kong pơlê.

Tơdroăng kố kal châ mơdât tah lôi. Hdrối mê, kơvâ ôm hyô hiăng ai hên pơkâ [a\ Vi [an kong pơlê Lâm Đồng xuân hiăng ai mơ-éa hnê mơhno mâu kơvâ cheăng ki tơdjâk tơru\m vâ mơdât tơdroăng kố, pro tơniăn le\m ăm pơlê kong kơdrâm [a\ hâk vâ tơmối, pro le\m mơnâ ăm tơmối tung tơnêi têa [a\ kong têa ê. Jâ Nguyễn Thị Nguyên, tối ăm ‘nâi:

‘’Nôkố, kong pơlê hiăng ai mơ-éa hnê mơhno nhên, pơlê kong kơdrâm Đà Lạt xuân hiăng ai tơdroăng po rơdâ tơleăng tơdroăng kố. {a\ kơvâ cheăng, tung mâu roh tơpui tơno pơrá ai pơkâ thế, kơvâ ko\ng an xuân hiăng hnê mơhno, tơku\m mâu roh lăm troh tah vâ hơ’lêh le\m, mơdât tâi tâng tơdroăng khu mơngế ki leăm kho\m lai. Xua nôkố hiăng pro um méa ôh tá ‘nhó le\m, ai hên tơdroăng ki ôh tá tơtro, tơdjâk troh tơdroăng mơnhông dêi kơvâ ôm hyô kong pơlê’’.

Vâ mơdât tah tâi tâng tơdroăng khu mơngế leăm kho\m lai, toi hrot tơmối, sap apoăng hơnăm troh nôkố, Vi [an kong pơlê Lâm Đồng hiăng tơbleăng ăm pêi pro hên mơ-éa hnê mơhno mâu khu cheăng po rơdâ pêi pro hên túa vâ mơdât khu mơngế leăm kho\m lai.

{a\ roh hnê mơhno achê kố cho a măng t^ng hdrối. Laga, xua túa pơxâu phâk tá hâi kơtăng khât, ôh tá kơtăng ó, ôh tá bê vâ mơnhâu, xua mê, xuân u ối ai khu mơngế ki leăm kho\m lai ôm hyô a Đà Lạt, tá hâi kâi mơdât tâi tơdroăng kố./.

Quang Sáng chêh

A Sa Ly tơplôu [a\ tơbleăng