VOV4.Sêdang - Hngêi trung Đăi hok Tây Nguyên tơku\m po leh tơbâ 40 hơnăm mơjiâng (11/11/1977 – 11/11/2017). Tơkâ hluâ 40 hơnăm mơjiâng [a\ mơnhông mơdêk, hngêi trung Đăi hok Tây Nguyên hiăng hnê mơjiâng châ lối 36 rơpâu ngế kih sư, [ok thái pơkeăng, kưh nhân, mơjiâng mơngế pêi cheăng rơkê ăm kơpong Tây Nguyên [a\ lâp tơnêi têa.

Hngêi trung đăi hok Tây Nguyên leh tơbâ 40 hơnăm hâi mơjiâng

Dế nôkố, hngêi trung ai 9 khoa hnê mơjiâng [a\ 35 kơvâ hnê mơjiâng râ đăi hok chin kui, 8 kơvâ râ kao đăng, 13 kơvâ kơ’nâi đăi hok, tơru\m [a\ 18 hngêi trung đăi hok tung lâp tơnêi têa hnê mơjiâng 40 kơvâ kơ’nâi đăi hok, tâi tâng ai lối 15 rơpâu ngế sinh viên dế tiô hriâm.

Ôh tá xê to mơ-eăm mơdêk tung hnê mơjiâng, hngêi trung Đăi hok Tây Nguyên ối tơru\m cheăng [a\ hriăn ple\ng ‘na cheăng khoa hok. Bu xêo ngăn sap hơnăm 2012 troh nôkố hngêi trung Đăi hok Tây Nguyên hiăng mơjiâng 1 tơdroăng tơkêa bro râ tơnêi têa, 1 tơdroăng tơkêa bro râ khu xiâm, 16 tơdroăng tơkêa bro râ khu xiâm [a\ tơdâng, 5 tơdroăng tơkêa bro râ kong pơlê; hiăng [a\ dế pêi pro 4 tơdroăng tơkêa bro tơru\m cheăng lâp plâi tơnêi; 39 tơdroăng tơkêa tung tơnêi têa [a\ mâu tơdroăng hnê mơhno ‘na cheăng kih thuât.

A Sa Ly tơplôu [a\ tơbleăng