Hơnăm 1988, rơpo\ng jâ Phạm Thị Thơm rơtế [ă 74 rơpo\ng ki ê lo dêi ing pơlê xiâm Thái Bình lăm rêh ối a thôn Nà Ven, cheăm Ea Wer, tơring {uôn Đôn, kong pơlê Dak Lak, hiăng châ 30 hơnăm pêi cheăng tơbrêi tơbrêh a kơpong tơnêi ki nếo, rơpo\ng jâ Thơm xuân ối tung rơpo\ng kơtiê, kơnốu hiăng hlâ lêk drêng tá hâi châ hlo bâ eăng dêi on tơhrik tơnêi têa. Hiăng ai 34 rơpo\ng a thôn Nà Ven ôh tá kâi mơdêk xua tá hâi ai on tơhrik tơnêi têa, mê athế lôi dêi hngêi trăng lăm tăng ối a tíu ê.

Hơnăm ki lâi xuân tối hiăng vâ ai on tơhrik, mơ’nui hơnăm ai on tơhrik, la kôm troh hâi ki mê ah ôh tá hlo klâi. Têa ôu kâ hum roh jiố, mê ngin xúa têa klôh pong [ă ko\ng. Têa ôu kâ ngin xúa têa kong mêi, tâi têa kong mêi ngin hnêng ôu têa ku\n ki ‘mêi khât. Hdrối nah, lăm troh a kố hên khât, lối 70 rơpo\ng, la rế hía vâi lăm rêh ối tíu ê. Pá khât, vâi ôh tá kâi ối mê vâi châ tíu ê. Ai kơbố ki lâi ối môi tiah ngin a kố.

Maluâ hiăng ‘no 5 rơtuh liăn vâ rôe kơtâ pin mâ hâi vâ sạc hmốu ắc-quy la jâ Thơm xuân oh tá bê on tơhrik vâ ngăn um [ăng tivi ki pro tung tơnêi têa tơná pin

Châ 30 hơnăm rêh ối a kơpong tơnêi nếo, sap ing 74 rơpo\ng ki apoăng, troh nôkố thôn Nà Ven bu ối dâng 40 rơpo\ng, [ă kơxo# rơpo\ng kơtiê tâk troh 93%. Tơdroăng rêh ối dêi vâi krâ nho\ng o gá pá khât, xua ôh tá ai kế tơmeăm ki kal vâ xúa, mê cho on tơhrik [ă têa.

Lối 13 hơnăm pêi dêi hnoăng cheăng Séa ngăn kuăn pơlê [ă kăn pơkuâ thôn Nà Ven, pôa Nguyễn Đức Giang, đi đo tơmiât ‘na tơdroăng rêh ối dêi kuăn pơlê ối pá khât kố. Hên hdroh pôa teăng mâ vâi krâ nho\ng o tối tơbleăng ăm kăn Kuo#k ho#i, Ho#i đồng hnê ngăn rêm râ ‘na tơdroăng ki pá xua ôh tá ai on tơhrik, pơkâ thế khu pơkuâ kong pơlê, tơring, cheăm [ă kơvâ cheăng ki ai tơdjâk troh tơmâng ngăn. Kơtăn kố ai 4 hơnăm, pôa Giang rơtế [ă kăn pơkuâ ‘na hnoăng cheăng Măt tra#n lăm troh a tíu pơkuâ on tơhrik tơring {uôn Đôn pâ rơkong tơpui [ă tơku\m po hôp kuăn pơlê, mơhnhôk vâi krâ nho\ng o veăng kum tơlo vâ toi on tơhrik sap ing thôn achê mê, rêm ngế môi tuăn, la xua kơtiê khât mê ôh tá ai liăn vâ ‘no toi kơxái on tơhrik.

Hiăng ai hên rơpo\ng lôi hngêi trăng lo ing thôn Nà Ven xua oh tá kâi tơkôm on tơhrik tơnêi têa

Tiô pôa Nguyễn Đức Giang tối, xua ôh tá ai on tơhrik, mê tơdroăng cheăng kâ dêi thôn Nà Ven ôh tá châ tơmâng ngăn hiăng châ chât hơnăm kố. Vâi krâ nho\ng o bu pêi pêt mâu hdrê loăng ki ôh tá kơnâ liăn môi tiah pôm loăng, alâi, báu. Tơdroăng ki hriâm tâp dêi mâu kuăn muăn xuân tro tơdjâk. Tung thôn ai hngêi trung râ má môi, la bu hriâm troh lâm 4 tê, mê mâu vâi muăn ki hriâm lâm 5 [ă râ má 2 nôu, pâ vâi athế chôu vâi lăm hriâm, mê ah tơdah xo a tơdế cheăm dâng 7 km. Mâu tơdroăng ki tối tơbleăng tơdroăng kal, ki xah hêi ôh tá ai. Thăm nếo, tơdroăng cheăng kâ thăm rế pá khât mê tơdjâk troh hnoăng cheăng tăng rah mơngế mot Đảng.

‘’Hdrối nah, ai 5 ngế đảng viên, la 3 ngế hiăng mơhno\ng vâ lo xêh xua tơdroăng ki tăng cheăng kâ rêm hâi. Tâng nôkố ai on tơhrik mê kô kơdroh iâ tơdroăng ki pá. Ki má môi cho têa ôu, kâ hum roh, păn mơnăn mơnoâ rêm hâi gá pá ó ‘nâng. Vâi krâ nho\ng o rơhêng vâ pêt mâu hdrê loăng ki ton hơnăm vâ hơ’lêh tơdroăng rêh ối, môi tiah xiâm loăng krui, plâi nong xua ôh tá ai têa tôh mê ôh tá chiâng pêt. Tâng ai on tơhrik mê tơdroăng rêh ối dêi vâi krâ nho\ng o kô phá tơ-ê tâ iâ. Vâi kô pêt mâu hdrê loăng ton hơnăm môi tiah loăng plâi kâ, kô pêi lo liăn hên, gá kô kơdroh kơtiê, mơni kô kơdroh châ dâng tơdế’’.

Kăn [o# cheăng ‘na on tơhrik Buôn Đôn troh tơbleăng ăm kăn thôn Nà Ven mơ’nui hơnăm 2018 kô ai on tơhrik

Pôa Lê Văn Bình, kăn pho\ pơkuâ On tơhrik {uôn Đôn, ối tung Ko\ng ti On tơhrik Dak Lak ăm ‘nâi, a tơring nôkố bu ối môi to thôn Nà Ven, cheăm Ea Wer tá hâi ai on tơhrik tơnêi têa. Tơdroăng kố hiăng châ tối tơbleăng hên a mâu rôh hôp Ho#i đồng hnê ngăn, la tá hâi xing xoăng kơxo# liăn. Achê kố, thôn Nà Ven hiăng tâng tối vâ pơkâ tơdroăng tơkêa kum on tơhrik mâu tơring {uôn Đôn, la re\ng má môi xuân athế troh mơ’nui hơnăm nếo ai on tơhrik.

Rêh ối hiăng 30 hơnăm [ă bu kơtăn ing tíu ki mơ’no on tơhrik 4 km, la thôn Nà Ven, cheăm Ea Wer, tơring {uôn Đôn, kong pơlê Dak Lak xuân tá hâi ai on tơhrik cho môi tơdroăng ki pá khât. Tơdroăng ki mê hnối pro tơdjâk hên troh cheăng kâ rêh ối dêi 74 rơpo\ng, tung mê, vâ chê tơdế hiăng athế hdâ lôi dêi hngêi trăng lăm prôk tíu ê, kơxo# rơpo\ng ki hên cho rơpo\ng kơtiê. {ă tơdroăng mơ’no on tơhrik ăm tơring {uôn Đôn, loi tơngah to lâi hơnăm la ngiâ kố ah, thôn Nà Ven, cheăm Ea Wer kô ai on tơhrik.

Quốc Học chêh

Katarina Nga tơplôu [ă tơbleăng