Hngêi trung râ má môi Nguyễn Bá Ngọc, a cheăm Ea Knuê], tơring Krông Pa], kong pơlê Dak Lak nôkố ai 320 ngế hok tro, tung mê ki hên cho hok hdroâng kuăn ngo. Châ mơjiâng pro kơtăn kố 33 hơnăm, hngêi trung kố hdrối kố nah cho tíu cheăng Vi [an hnê ngăn cheăm. Nôkố, hngêi trung ai 6 to lâm, tâi tâng pơrá hiăng tơ’nhiê ó.

Tíu ki tơ’nhê peăng pá k^ng dêi hngêi trung

A hên lâm hriâm mâu puâ ki vâ pik a mơnât ôh tá chiâng krêa xếo, tơlêa hlo kât khêi. Trêi hngêi hiăng tơlo\ng tâi, thái cô athế roê xơmong vâ me\n. Trêi hngêi hên tíu hiăng kơhlong kơhlăng, xơmong rơheăng a drô mơnât.

Hiăng hnê a hngêi trung Nguyễn Bá Ngọc kố lối 30 hơnăm, cô Hoàng Thị Hằng, cô pơkuâ lâm 4A1 ăm ‘nâi, rêm hâi lăm troh a lâm, mâu thái cô [ă hok tro pơrá xâu, xua hngêi trung hiăng tơ’nhiê ó. Rêm rôh kong mêi kân, khía pêi têi mâu thái cô ăm hok tro pơtê hriâm l lăm hriâm a lâm ki tơniăn tâ vâ ví tơdroăng ki xâu xía.

‘’Rêm hâi tâng a tíu ki hnê, tơdroăng ki ngin xâu má môi cho tơdroăng ki tơniăn ăm hok tro. Xua rêm hơnăm ai hên ngế hok tro. Rêm rôh ngin troh a lâm, malối tung pơla mâu hâi ki mê, khía têi xâu rơ-iô khât. Ai rôh ki ‘nâ lá pla phong ki a ‘ngêi klêh a ‘nâi, mê tá chiâng hnê xếo tung pơla chôu hnê ki mê, lo thế mâu nôu, pâ troh rơtế [ă mâu thái cô go#m văng, mơgrúa lâm hriâm mê gá tơdjâk hên troh chôu hriâm, xuân môi tiah tơdroăng ki tơniăn dêi mâu vâi o hok tro’’.

A’ngêi dêi lâm hriâm sap ing ton tah hiăng ôh tá châ ‘mâi rơnêu

Tiô cô Thân Thị Nhung, kăn pơkuâ hngêi trung râ má môi Nguyễn Bá Ngọc, ôh ti xê to hngêi trung hiăng tơ’nhiê mê tá lâm hriâm dế ôh tá ai vâ hriâm, xua ôh tá bê lâm hriâm [ă mâu kơbong ki pro sap ing nah ôh tá ai [ăng tơnêi mâu môn hriâm môi tiah tin học, nâl Ăng-glê, kih năng, lịch sử địa phương hngêi trung athế pơtê ôh tá hriâm.

‘’Pák^ng mâu kơ-[ăng tăng ‘nân hiăng tơ’nhiê, hngêi trung ôh tá rak tơniăn ‘na tơdroăng ki tơniăn ăm mâu vâi o hok tro. Nôkố tíu ki má péa cho kơxo# lâm hriâm ôh tá bê vâ ăm mâu o hok tro hriâm péa rôh tung hâi tiô pơkâ dêi Khu xiâm ngăn hnê hriâm [ă hnê mơjiâng tơdroăng rơkê. 10 lâm la bu ai 6 lâm hriâm, pá khât ăm tơdroăng ki xoăng thơi khoă [iêuh, mơdêk ki rơkê ple\ng tung hnê hriâm. Xua mê, hên môn ngin hiăng tah tâi pro lu\p hên ăm hok tro dêi hngêi trung’’.

Trêi lâm hriâm tro tơlêa hlo kât khêi lo pá kong

Hlo tơdroăng ki lâm hriâm hiăng tơ’nhiê, khu pơkuâ ngăn Hngêi trung râ má môi Nguyễn Bá Ngọc [ă kăn pơkuâ cheăm Ea Knuê] hiăng pro hlá mơ-éa pơtroh ăm Vi [an hnê ngăn tơring Krông Pa] séa ngăn, pro tơ’lêi hlâu mơjiâng pro hngêi trung ki nếo.

Pôa Y Djoang Niê, kăn hnê ngăn Vi [an cheăm Ea Knuê] ăm ‘nâi, klêi kơ’nâi ai hlá mơéa pơtroh dêi hngêi trung [ă dêi cheăm, tơring Krông Pa] hiăng pơtroh kăn [o# [ơrô cheăng kâ hngêi trăng tơmeăm khoăng [ă [ơrô rak liăn ngân, [ơrô ngăn hnê hriâm [ă hnê mơhno lăm troh séa ngăn [ă thế pơtê a mâu lâm hriâm kố ôh tá chiâng ăm hnê hriâm xếo.

‘’Hngêi trung Nguyễn Bá Ngọc nôkố hiăng tơ’nhiê ó, vâ rak tơniăn mâu kế tơmeăm xúa ăm vâi o hok tro a cheăm kố hriâm tâp, tơniăn troh ivá châ chăn. Pơkâ thế Vi [an hnê ngăn tơring, Vi [an hnê ngăn kong pơlê xing xoăng kơxo# liăn mơjiâng pro hngêi trung Nguyễn Bá Ngọc kum ăm vâi o hriâm [ă thái cô tơniăn ‘na châ chăn [ă rế hía rế mơjiâng hngêi châ tiô pơkâ dêi tơnêi têa’’.

Rêm hâi troh a lâm, lối hr^ng ngế hok tro rơtế [ă thái cô Hngêi trung râ má môi Nguyễn Bá Ngọc a cheăm Ea Knuê], tơring Krông Pa], kong pơlê Dak Lak xuân ối xâu rơ-iô xua hngêi trung hiăng tơ’nhiê ó. Khu kăn pơkuâ [ă kơvâ ngăn hnê hriâm tơring kal ai túa pơkâ re\ng ‘mâi rơnêu lơ mơjiâng pro ki nếo hngêi trung ki kố vâ tơdroăng ki hnê [ă hriâm akố châ tơniăn, hmiân tuăn, ví mâu tơdroăng ki ôh tá mơhúa tâng lơ ai.

Khu chêh hlá tơveăng VOV Tây Nguyên

Katarina Nga tơplôu [ă tơbleăng