Kơpong rak ngăn nhâ loăng kuăn kiâ kong Ea Sô, tơring Ea Kar nôkố ai dâng 24 rơpâu ha kong. A kơpong kố ai hên to kong ki kân hên túa loăng, êa rơtôh, ai hên hlá pêi, tơ’lêi tro on chếo, malối a rơnó tô mơdrăng ó. Pôa Nguyễn Kim Anh, Ngế pho\ pơkuâ ngăn tíu rak ngăn kong kơxo# 4, kơpong rak ngăn nhâ loăng kong Ea Sô ăm ‘nâi, vâ kơdroh lơ tro on chếo [ă ah lơ lu\p xua ing on chếo kong, klêi kơ’nâi pơtê Têt Lo hơnăm nếo Kỷ Hợi 2019, khu rak ngăn kơpong kong loăng Ea Sô hiăng hbrâ rơnáu pơkâ hên troăng hơlâ hbrâ mơdât on chếo kong.

"Ngin tối tơbleăng tơdroăng cheăng hbrâ mơdât on chếo kong a tíu gak ngăn kong [ă tơdroăng ăm kơmăi pơchoh pro troăng ki vâ kơvê tá ăm on châ lân kâ drêng kong lơ tro on chếo; tơku\m gak ngăn ối a hơpăm tung plâ hâi măng tâng châ hlo ai on chếo tíu ki lâi ‘lo tung kơpong kong ki pêt kô lo ngăn hlối vâ tơpâ, hbrâ  mơdât on chếo kong; pak^ng mê, mâu vâi nho\ng o xuân hnê tối hlối tơru\m [ă kuăn pơlê tung kơpong ki achê kong vâ mơdêk hnoăng cheăng rak ngăn hbrâ mơdât ôh tá ăm on châ chếo kong’’

Tơdroăng cheăng hbrâ, mơdât on chếo kong dế châ kơvâ ngăn ‘na loăng kong, mâu ngế pơkuâ rak ngăn kong a Dak Lak tơbleăng pêi kơtăng

Tơdroăng hbrâ rơnáu xâu on chếo kâ kong ôh tá xê pêi pro to a mâu kơpong ai kong kân, loăng kong ki chiâng xêh, mê xuân hiăng hbrâ rơnáu pêi pro tơdrêng [ă mâu deăng kong ki pêt a Dak Lak.

Pôa Bùi Văn Hưng, Ngế pơkuâ bơrô ngăn ‘na loăng kong, ko\ng ti pêi cheăng tiô rơnó môi tung khu ngăn kong Krông Bông ăm ‘nâi, Ko\ng ti nôkô dế rak ngăn dâng 32 rơpâu ha kong, tung mê, ai lối 2 rơpâu ha kong ki pêt. Ki hên deăng kong ki pêt mê a kố ai tơnêi rơnâk, achê kơpong pêi chiâk deăng dêi kuăn pơlê mê mơni kô tơ’lêi tro on chếo kong, malối a rơnó mơdrăng. Xua mê, tơdroăng cheăng hbrâ mơdât on chếo kong dêi tíu pêi cheăng dế thâ tơbleăng pêi kơtăng:

‘’Nôkố a tíu pêi cheăng hiăng tơbleăng mơjiâng 5 khu, 5 đô#i lăm séa ngăn vâ hbrâ ví drêng ai tơdroăng krếo pâ mơdât on chếo kong. Tơdroăng cheăng trâ văng kơvê troăng ví on chếo hiăng pêi pro klêi. Ngin dế krếo mâu rơpo\ng kuăn pơlê hôp tơru\m hnê tối ăm kuăn pơlê, vâ kuăn pơlê ‘nâi hbrâ rơnáu mơdât on chếo, [ă tơpâ drêng on chếo kong’’.  

Tối ki tơ’lêi tro on chếo kong a Dak Lak dế a kơlo ki rơ-iô ó ‘nâng

Dak Lak nôkố ai lối 500 rơpâu ha kong, tung mê ai dâng 20 rơpâu ha kong ki pêt. Pôa Mai Văn Kiện, Ngế pho\ pơkuâ ngăn loăng kong dêi kong pơlê Dak Lak ăm ‘nâi, mâu cheăm, tơring tung kong pơlê hiăng hbrâ pêi pro mâu tơdroăng, mê cho: Mơjiâng mâu tôh, khu lăm veăng lăm tơpâ mơdât on chếo kong.

"Ngin hiăng tíu tăng ‘nâi ple\ng mâu tơdroăng tối ăm Vi [an kong pơlê, Khu ngăn ‘na chiâk deăng [ă mơnhông mơdêk thôn pơlê hnê mơhno ăm mâu ngế ki pơkuâ rak ngăn kong, ko\ng ti rak ngăn kong hbrâ rơnáu tơbleăng tối mâu  tơdroăng hbrâ mơdât on chếo kong. Pak^ng mê, hlối pơcháu ăm mâu đo#i rak ngăn kong ki lăm ngăn ukố umê dêi Khu rak ngăn kong, Tíu pêi cheăng rak ngăn kong đi đo séa ngăn tơdroăng pêi pro ‘na hbrâ mơdât on chếo kong dêi mâu tíu pêi cheăng mê.

Tuấn Long chêh

Gương tơplôu [ă tơbleăng