Ngoh Mã Văn Cương rơtế kơdrâi rak ngăn kơdrum krui ngeăm, krui quýt

Kơdrum loăng plâi 4ha, pêt mâu loăng plâi kâ môi tiah: krui ngeăm, krui quyt, krui [o\ng, plâi vaih, dêi ngoh Mã Văn Cương, Kanư pơkuâ hnê ngăn Đoân droh rơtăm cheăm }ư Êlang, tơring Ea Kar, kong pơlê Dak Lak, nếo châ kri xo 2 rơnó, laga hiăng chiâng môi tung kơdrum ki le\m vâ kuăn pơlê pêi chiâk deăng tung cheăm, tung tơring troh vâ lăm ngăn hriâm tâp. Pôa Đỗ Văn Hưu, Kăn hnê ngăn Vi[an cheăm }ư Êlang tối ăm ‘nâi, pak^ng pêi lo châ hên, kơdrum ngiêt le\m, mê túa pêi cheăng kâ dêi Mã Văn Cương ối châ kheăn kơdeăn hôm khât xua on veăng ngoh hiăng ‘nâi rơkê tăng cheăng kâ ing kơxo# liăn ôh tá bê hên. Bu [a\ 30 rơtuh liăn ing Hngêi arak liăn kum rêh ối pơlê pơla, ngoh rơkê tơru\m [a\ kơxo# liăn ki ê, vâ mơ’no liăn châ tơ-[rê pêi pêt rak ngăn kơdrum loăng plâi kum pêi lo châ troh 1 rơtal liăn tung 2 rơnó krí xo plâi kố nah:

Ngoh Mã Văn Cương, peăng hơ’vá hnê đoân viên kih thuât pêt krui krui chôu.

‘’{a\ pôa Mã Văn Cương, đảng u\i viên, kăn pơkuâ hnê ngăn đoân droh rơtăm mê hdrối nah tơdroăng rêh ối pá puât. Tung mâu hơnăm hiăng hluâ rơpo\ng ngoh xuân mơ-eăm, ing kơxo# liăn mung dêi hngêi arak liăn [a\ mâu kơxo# liăn ki ê ngoh hiăng khên tơnôu mơ’no liăn mơjiâng túa pêt loăng plâi kâ. Troh nôkố xuân cho môi tung mâu túa châ kheăn kơdeăn hôm khât ‘na ki châ tơ-[rê tung cheăm [a\ châ hên vâi krâ troh lăm pôu ngăn hriâm tâp túa ki rơkê tơtro [a\ kih thuât vâ mơ’no liăn tung pêi pât rak ngăn lăng plâi tung rơpo\ng hngêi’’.

Tiô ngoh Mã Văn Cương, }ư Êlang cho kơpong tơnêi kơtiê, ôh tá tơtro [a\ mâu loăng plâi ton hơnăm, laga tơtro khât vâ pêt loăng plâi kâ. Tung cheăm, ai hên ngế hiăng châ tơ-[rê ing túa pêi kố, pêi lo liăn châ hr^ng rơtuh liăn môi ha môi hơnăm. {a\ mâu pú hmâ hơnăm ối nếo rơtế tăng cheăng pêi drêng tơdroăng rêh ối pá puât môi tiah dêi tơná, ngoh tối: Ki pá má môi cho tăng liăn vâ mơ’no cheăng. {a\ ‘na kih thuât pêi chiâk deăng, nôkố ai hên túa ki ai khât vâ hriâm bối, tơdrêng amê xuân tơ’lêi vâ ngăn tơ’nôm tung măng internet:

Rơtế [a\ mơnhông mơdêk kơdrum loăng plâi, ngoh Cương ối po rơdâ păn chu, í.

‘’Vâ châ môi tiah mê, mê pin thế lăm hriâm ing mâu ngế hiăng pêi hdrối, klêi mê ti tăng ngăn tung măng internet klêi mê ing mê xo vế túa ki rơkê tơtro, pêi pro xêh tung rak ngăn vâ pêi lo liăn ăm rơpo\ng’’.

Ôh tá xê to rak ngăn mơnhông cheăng kâ rơpo\ng hngêi, ngoh Mã Văn Cương ối cho kăn [o# đoân ki rơkê, kơhnâ. Ngoh veăng tơdroăng pêi cheăng đoân droh rơtăm cheăm  sap hơnăm 2009 [a\ to pro Kăn pơkuâ hnê ngăn đoân droh rơtăm cheăm sap hơnăm 2011 troh nôkố. Ngoh Hoàng Bình Nguyên, Kăn [o# Đoân tơring Ea Kar tối, ngoh Mã Văn Cương hiăng ai hên túa tơku\m pêi, kum đoân viên droh rơtăm mơnhông cheăng kâ. Pak^ng mê, ngoh ối mơhnhôk châ mâu kơxo# liăn vâ tơku\m po mâu tơdroăng pleăng hnoăng cheăng, kum mơnhông tơdroăng đoân a pơlê cheăm.

Ôh tá xê to rơkê pêi cheăng kâ, ngoh Mã Văn Cương ối cho kăn [o# đoân rơkê, kơhnâ.

{a\ mâu tơdroăng châ tơ-[rê kố, hơnăm 2016, ngoh Mã Văn Cương châ Khu pơkuâ droh rơtăm kong pơlê Dak Lak kheăn kơdeăn cho kăn [o# Khu ki rơkê râ kong pơlê, túa pêi cheăng kâ dêi ngoh châ rah xo cho môi tung 20 túa pêi droh rơtăm pêi cheăng kâ rơkê râ kong pơlê:

‘’Ngoh Mã Văn Cương cho môi tung mâu kăn [o# đoân viên ki kơhnâ rơkê tung tơring. To pro kăn pơkuâ hnê ngăn cheăng đoân cheăm, ngoh hiăng ai hên túa tơku\m droh rơtăm tung khu pêi cheăng đoân [a\ kum đoân viên mơnhông cheăng kâ. Tơdrêng amê xuân ai tơru\m [a\ mâu khu tơru\m cheăng vâ tơku\m po mâu tơdroăng pleăng hnoăng cheăng môi tiah khăm pơlât xing xoăng pơkeăng, mơjiâng hngêi tuăn pâ ăm mâu rơpo\ng ai tơdroăng rêh ối pá puât [a\ hơbruô mâu kơxuô kế tơmeăm ăm mâu vâi o hok tro kơtiê mơ-eăm tung hriâm tâp’’.

Cheăm }ư Êlang cho cheăm pá puât dêi tơring Ea Kar, kong pơlê Dak Lak, kơxo# rơpo\ng kơtiê u ối troh 63%. Túa pêi pêt loăng plâi kâ ki Mã Văn Cương veăng mơnhông tơtêk a cheăm, dế chôa ‘lâng châ tơ-[rê hên, ôh tá xê to kum kuăn pơlê pêi chiâk deăng tung cheăm kơdroh kơtiê mê ối mơ-eăm pro kro mơdro\ng. {a\ mâu đoân viên, droh rơtăm tung cheăm, tơdroăng kơhnâ mơ-eăm mơnhông tơtêk dêi Mã Văn Cương hiăng chiâng um méa ki má môi, mơhnhôk tơdroăng pêi tung droh rơtăm đi đo mơ-eăm pêi cheăng kâ tê mơdró, kum cheăm rế hía rế mơnhông mơdêk, tơdroăng rêh ối dêi kuăn pơlê tơtêk, kơdroh kơtiê krá tơniăn./.

H’Xíu chêh

A Sa Ly tơplôu [a\ tơbleăng