VOV4.Sêdang - Kơxê lơ 18/10,  pôa  Lê Quang Bất - Kăn xiâm hnê ngăn Vi ƀan cheăng Ea Tul, tơring Čư̆ Mgar (Dak Lak) tối, tung cheăm nếo ai tơdroăng klâk têa pro péa ngế hok tro kơnốu hlâ. Mâu ngế ki châ hlo cho muăn Y Tiêm M’lô, 11  hơnăm ƀă Y Zeam Niê, 8 hơnăm, rơtế ối a Buôn Tu, cheăm Ea Tul, tơring Čư̆ Mgar, Dak Lak. Pôa Lê Quang Bất tối,  Y Tiêm ƀă Y Zeam brôk dêi rơpó lăm a kơpong long Ea Tul xah troh kơxê măng ôh tá hlo vêh. hlo dêi kuăn ôh tá kâi vêh, rơpŏng hngêi tơkŭm lăm tăng hên tíu.

Teăng mâ Vi ƀan cheăm Ea Tul, tơring Čư̆ Mgar lăm pôu hơlêm ƀă hlối hbru tơmeăm ăm mâu rơpŏng ki ai ngế hlâ

Troh kơxo lơ 18/10, vâi nếo hlo hmân ếo pêi pa kĭng long têa Ea Tria mê hiăng mơhnhôk vâi mui tăng. Kơ’nâi 1 chôu, vâi nếo châ pơto châ prếo a ngâ. Klêi ai tơdroăng xía vâ, mâu kăn khu grup hiăng troh hơlêm, pôu ngăn, hbru tơmeăm ăm rơpŏng hngêi vâ ‘mé prế ki hlâ. Mâu rôh klâk têa hlối hlâ hlo hên ƀă vâi hdrêng a mâu kong pơlê Tây Nguyên, cho vâ tơbâ hdrối ăm rơpŏng hngêi, nhŏng o ƀă pơlê pơla tung tơdroăng mơdêk hnoăng cheăng tơná kring vế ăm vâi hdrêng hluăn ing klâk têa.

Gương tơplôu ƀă tơbleăng