Thôn Tân Trung B bu kơtăn ing tơdế cheăm Ea Toh tá hâi châ 1km la lối chât hơnăm kố, hr^ng rơpo\ng kuăn pơlê dêi thôn xuân tá hâi châ toi on tơhrik. Hên rơpo\ng kuăn pơlê athế ‘no dêi liăn, toi on tơhrik sap ing 1 troh 3 km, sap ing thôn ki ê vâ xúa.

Klêi kơ’nâi hnhâng troăng kơxái on tơhrik troh a Tân Trung B nôkố cho mâu trăng ki pơtân, kơxái on tơhrik hlo hnhâng hên h^n, hên troăng kơxái hlo klêh troh a drô troăng prôk.

Xua túa ki toi kơxái on tơhrik ôh tá tơniăn tiô tơdroăng pơkâ thế dêi kih thuât mê khoh chiâng mơ’nhê on tơhrik hên. Tung pơla chôu ki a kơxê măng, vâi krâ nho\ng a kố ôh tá chiâng xúa mâu kế tơmeăm ki ai tơdjâk troh on tơhrik.

Mâu rơpo\ng rơhêng vâ hrik têa klôh vâ ôu kâ hum roh, athế tơkôm troh kong măng ‘nôi. Pôa Nguyễn Công Hoàn, kuăn pơlê thôn Tân Trung B ăm ‘nâi:

‘’Môi, péa chôi kơxo má kuăn pơlê hiăng koi mê nếo chiâng hrik têa, a kong hâi on tơhrik ôh tá têi, mê ôh tá kâi hrik têa vâ ôu, kâ hum roh. Thăm nếo mâu ngế ki ối a xiâm on tơhrik vâi hrik têa mê mâu rơpo\ng kơ’nâi ôh tá chiâng vâ pế hmê, on tơhrik drêng mê pul on, kế tơmeăm on tơhrik gá tro chếo tâi’’.

Pôa Nguyễn Văn Trung xuân cho ngế kuăn pơlê thôn Tân Trung B tối tiah kố:

‘’On tơhrik ôh tá têi, 5 chôu kơxê hrik têa ôh tá kâi, troh 6 chôu kơxê pế hmê xuân ôh tá chên, drêng kâ hmê xúa on kơđe\ng, koi xúa on tơhrik, kong măng koi mê on tơhrik gá têi. Rơhêng vâ dêi kuăn pơlê ai on tơhrik vâ vâi kuăn ‘ne\ng gá hriâm tâp tơ’lêi hlâu’’.

Pôa Phạm Ngọc Kỳ, Kăn pơkuâ ngăn chi [o# thôn Tân Trung B ăm ‘nâi, [ă tơdroăng ki ‘no liăn cheăng tâp trăng hnhâng kơxái ki pơtân môi tiah nôkố, kuăn pơlê athế chiu [ă yă on tơhrik kơnâ tâk péa hdroh tâng vâ pơchông [ă yă tiah hmâ dêi kơvâ on tơhrik pơkâ. Tơdroăng ki on tơhrik ôh tá têi xuân pro tơdjâk hên ki tro lu\p ăm vâi krâ nho\ng o’’.

‘’Kơlo on tơhrik yă kơnâ ai drêng ‘nâ troh 3 rơpâu liăn 1 kg. On tơhrik ôh tá têi gá tơ’nhiê tâi mâu kế tơmeăm xúa tung hngêi. Vâi krâ nho\ng o rơhêng vâ châ ai on tơhrik’’.

Pôa Trần Thái Thạnh, Kăn hnê ngăn Vi [an cheăm Ea Toh ăm ‘nâi, ôh ti xê to a thôn Tân Trung B, a cheăm Ea Toh hên thôn ki ê xuân xúa troăng kơxái on tơhrik sap ing tơdroăng ki tâp trăng hnhâng kơxái ki pơtân, gá lu\p hên khât:

‘’Tung cheăm Ea Toh, troh nôkố maluâ tâi tâng rơpo\ng hiăng xúa on tơhrik. Laga, tơdroăng ki toi xêh on tơhrik xuân ôh tá rak tơniăn. Ki khât gá tung cheăm ai lối 5 to thôn tá hâi ai on tơhrik châ ‘no liăn tiô tro tơdroăng pơkâ. Rơhêng vâ kơ koan ki ai tơdjâk troh, malối kơvâ on tơhrik tơmâng ngăn, re\ng ‘no liăn vâ mơjiâng troăng on tơhrik rak tơniăn tơdroăng ki rơhêng vâ dêi kuăn pơlê’’.

Tiô kơvâ on tơhrik Krông Năng tối, nôkố ai lối 600 kơpong kuăn pơlê a hên thôn, pơlê a cheăm, dế ‘no xêh dêi liăn rôe on tơhrik vâ xúa, tơku\m hên a cheăm Ea Toh, Dliê Yang, Ea Tân. Tơdroăng ki ôh tá ai on tơhrik hiăng ton hơnăm kố hiăng tơdjâk troh ôh tá iâ troh tơdroăng rêh ối, cheăng kâ dêi kuăn pơlê.

Tuấn Anh chêh

Katarina Nga tơplôu [ă tơbleăng