Klêi tơdah xo on tơhrik ki ai ivá chía ôh tá ke\n têi, mê thôn pơlê ing khu pêi cheăng tơru\m ngăn ‘na on tơhrik têa Ea Kar, Khu ngăn on tơhrik tơring EaKar hiăng tơku\m kơxo# liăn 30 rơtal liăn vâ ‘no mơjiâng pro, ‘mâi rơnêu troăng kơxái on tơhrik, kơdroh ki tro lu\p dêi on tơhrik, kum ăm mơngế ki xúa on tơhrik châ xúa tơ-[rê tâ.

Klêi hên hơnăm rak ngăn, mơ’no [ă tê ăm vâ chê 11 rơpâu ngế tơmối ki rôe, troăng kơxái on tơhrik xua Khu pêi cheăng tơru\m dêi Khu ngăn On tơhrik têa Ea Kar hiăng tơ’nhiê ó.

Sap ing mơ’nui hơnăm nah, tíu mơ’no kơmăi châ pơcháu ăm Khu ngăn on tơhrik tơring Ea Kar (ối tung ko\ng ti ngăn on tơhrik Dak Lak), ai 3km troăng kơxái ki kân, 120km troăng on tơhrik ki ku\n. Pôa Trần Văn Dũng, Ngế xiâm pho\ pơkuâ ngăn on tơhrik Ea Kar ăm ‘nâi, tâi tâng kơxo# liăn ‘mâi rơnêu troăng kơxái kố lối 46 rơtal liăn.

Klêi tơdah xo pêi, kơvâ ngăn on tơhrik hiăng séa ngăn, tối nếo tơdroăng tơmeăm khoăng xuân môi tiah troăng kơxái vê hdró ngăn mê hlo hên tíu hiăng tơ’nhiê ó ‘nâng, oh tá tơniăn. Khu ngăn on tơhrik tơring Ea Kar tơdrêng mê hiăng mơjiâng pro mâu tơdroăng tơkêa bro [ă châ k^, tâi tâng kơlo ‘no liăn ‘mâi rơnêu pro tâi tâng kơmăi troăng kơxái on tơhrik xua Khu pêi cheăng tơru\m pơcháu ăm tâk troh lối 46 rơtal liăn.

Troh nốkố, Khu ngăn on tơhrik Ea Kar hiăng pê klêi tơdroăng mơjiâng pro ‘mâi rơnêu, hơ’lêh kơmăi, kơxái on tơhrik ăm vâ chê 12 rơpâu ngế ki xúa dêi 34 tíu krâ ‘măn kơmăi têk dju ivá dêi on tơhrik. Mơjiâng pro nếo 26 tíu krâ ‘măn kơmăi têk dju on tơhrik, krâ ‘măn hnhâng vâ chê 4km troăng kơxái ki kân [ă hnhâng 35 km troăng kơxái on tơhrik ki ku\n.

Sap ing apoăng hơnăm troh nôkố hiăng hơ’lêh tâi tâng kơmăi, riên ngăn ai vâ chê 12 rơpâu ko\ng-tơ on tơhrik. Pôa Nguyễn Văn Hùng ối a kho#i 4, pơlê kân Ea Kar, tơring Ea Kar ăm ‘nâi, sap ing chiâng ngế ki rôe xúa dêi Ko\ng ti ngăn On tơhrik Dak Lak, mê tơdroăng xúa on tơhrik tơniăn tâ, drêng ai tơdroăng xía vâ xuân teăm châ krếo ‘mâi rơnêu pro tơdrêng tâ.

Hdrối nah, hên rơpo\ng hngêi oh tá ai on tơhrik lăm troh a Khu pêi cheăng tơru\m xuân tá ai ôh há, bê 2 troh 3 hâi mê nếo chiâng ‘mâi rơnêu. Ko\ng-tơ peăng pá Khu pêi cheăng tơru\m, chôu ôh tá séa ngăn, ôh tá ai automat, nôkố xúa peăng Ko\ng ti ngăn on tơhrik gá ai tâi tâng tơniăn tâ, ai chôu đie\n tưh, ai automat, tơniăn. On tơhrik Khu pêi cheăng tơru\m hiăng hơ’lêh ăm Ko\ng ti ngăn on tơhrik mê trăng on tơhrik xuân tơniăn tâ, kuăn pơlê hmiân tuăn vâ xúa.

Pôa Lê Hoài Nhơn - Kăn pho\ pơkuâ Ko\ng ti ngăn on tơhrik Dak Lak ăm ‘nâi, mâu hơnăm hdrối nah on tơhrik thôn pơlê nếo, malối [ă on tơhrik klêi kơvâ ngăn on tơhrik xo rak ngăn ing khu pêi cheăng tơru\m, ăm hlo hên tíu ki vế hdró pêi pro oh tá tro tiô kih thuât, tíu ki vâ ‘no on tơhrik hơngế, hên tíu, troăng kơxái ku\n, ai hên túa [ă hên ki ê hiăng pro oh tá tơniăn, kố trâm tơdroăng ki oh tá tơniăn drêng xúa on tơhrik la lâi oh tá ‘nâi.

Pak^ng mê nếo, ki krá le\m lơ oh dêi on tơhrik xuân ôh tá tơniăn, malối a mâu tíu ki xiâm hrik xo on tơhrik, ôh tá ai tro tiô tơdroăng púi vâ xúa tung rêh ối, pêi cheăng. Mâu hơnăm hiăng luâ, Ko\ng ti ngăn on tơhrik hiăng tối tơbleăng rơtế pêi mâu tơdroăng cheăng xúa on tơhrik thôn pơlê [ă mâu tơdroăng tơkêa bro mơdêk ‘mâi bro, rơnêu tíu krâ ‘măn troăng kơxái on tơhrik a thôn pơlê [ă mâu tơdroăng tơkêa ‘mâi rơnêu pro, ing kơxo# liăn mung dêi kong têa ê.

Troh nôkố, lâp tung kong pơlê hiăng mơjiâng [ă ‘mâi rơnêu lối 732 km troăng kơxái on tơhrik ki kân, vâ chê 1 rơpâu 400 km troăng kơxái on tơhrik ki ku\n, 442 tíu krâ ‘măn on tơhrik [ă tâi tâng kơxo# liăn ‘no mơjiâng pro lối 877 rơtal liăn. Pôa Lê Hoài Nhơn tối:

Rêm hơnăm, hnoăng cheăng pêi dêi ngin cho ‘măn kơd^ng hên liăn, x^ng xoăng pêi tơdroăng tơkêa bro, ing mê, mung liăn kong têa ê, ngin ‘no liăn ‘mâi rơnêu pro, hnhâng troăng kơxái on tơhrik, po rơdâ pro troăng kơxái on tơhrik tung kơpong thôn pơlê, vâ ai tiô tơdroăng púi vâ xúa on tơhrik ăm kuăn pơlê. Má môi cho vâ xúa tung rêh ối cheăng kâ [ă malối cho thế tơniăn tung pêi cheăng tê mơdró vâ mơdêk tơdroăng rêh ối, rế tơ-[rê ‘na cheăng kâ.

Kơnôm châ tơmâng ‘no liăn ‘mâi rơnêu pro [ă hơ’lêh tơdroăng rak ngăn, troh nôkố, ki tơ-[rê dêi tơdroăng tê mơdró on tơhrik a Dak Lak hiăng châ mơnhông rế tơ-[rê, tơniăn tung pơla mơ’no, veăng mơdêk pêi pêi cheăng, mơdêk mơnhông tơ-[rê tơdroăng rêh ối a kong pơlê kố.

Quốc Học rah chêh

Gương tơplôu tơbleăng