VOV4.Sêdang - Sap ing apoăng hơnăm troh nôkố, mâu kơ koan ki ai tơdjâk troh a Dak Lak hiăng séa ngăn a 17 tíu tê mơdró têa châu, têa kơxăng a kong pơlê [ă hiăng châ hlo tâi tâng 17 tíu ki tê têa châu têa kơxăng kố pơrá ai pro xôi.

Mâu tơdroăng pro xôi mê cho: ôh tá rak vế tơdroăng ki krâ meăm xái a tơnâp tíu ‘măn têa châu têa kơxăng, Tê têa kơxăng, têa châu tiô túa pá kong tơdroăng pơkâ, tê mơdró têa châu, têa kơxăng drêng hlá mơ-éa mơnhên hiăng tâi hâi khế ăm phêp, tê kế tơmeăm ôh tá tơtro [ă túa pơkâ kih thuât, mơhno\ng pro tơdah xo, tê kế tơmeăm ôh tá tro luât, xúa hên kế ki vê hdró ôh tá ai hlá mơ-éa chưng chih séa ngăn.

{ă mâu tơdroăng ki pro xôi hiăng châ ‘nâi nhên, kơ koan ki ai tơdjâk troh a Dak Lak hiăng pơxâu phak lối 1 rơtal 500 rơtuh liăn, rup xo 2 rơpâu lit têa kơxăng RON 95 ki ôh tá tro luât [ă 3 rơpâu lit têa châu DO. Khu ngăn cheăng kơmăi kơmok [ă tê mơdró Dak Lak ăm ‘nâi kô pơtối mơdêk séa ngăn krá a mâu khu tê mơdró têa châu têa kơxăng, pơxâu phâk kơtăng mâu ngế ki pro xôi, [ă tối tơbleăng tơdrăng inâi mâu tíu cheăng tê têa châu têa kơxăng ki pro xôi tung mâu um tivi vâ mâu ngế ki xúa ‘nâi, séa ngăn, rak vế xêh ăm dêi tơná, kum [ă mâu kơ koan ki ai tơdjâk troh mơdât mâu ngế ki pro xôi, lu lêa tung tê mơdró têa châu, têa kơxăng.

Katarina Nga tơplôu [a\ tơbleăng