Maluâ hiăng vâ chê 70 hơnăm, xuân cho mô đo#i tro rong [a\ tro trếo ‘mêi dioxin tung tơplâ xâ Mih, laga pôa Phạm Quyết Thắng, ối a bêng Khánh Xuân, pơlê kong kơdrâm {uôn Ma Thuột, kong pơlê Dak Lak xuân kơhnâ tung ‘no dêi hnoăng cheăng veăng tơdroăng cheăng pơlê pơla.

Hơnăm 1996, drêng bêng Khánh Xuân nếo mơjiâng, pôa châ kuăn pơlê loi tơngah rah xo pro Khu pơkuâ Đảng [o# bêng hên hneăng, cho Pho\ pơkuâ Vi [an séa ngăn Đảng u\y bêng, Kăn pơkuâ mô đo#i rong râ hên hơnăm [a\ veăng mâu tơdroăng khu pơkuâ mô đo#i hneăng hdrối nah dêi bêng.

Troh mơ’nui hơnăm 2013, klêi kơ’nâi pơtê pêi cheăng a bêng Khánh Xuân, pôa Thắng pơtối châ kuăn pơlê rah xo to pro Kăn hnê ngăn Khu tro trếo ‘mêi dioxin pơlê kong kơdrâm {uôn Ma Thuột. Hmâ pro ki klâi, pôa xuân pêi kêi đeăng dêi hnoăng cheăng.

Rêm hâi, pak^ng chôu pêi cheăng a kơ koan, pôa mơdoh chôu troh rêm rơpo\ng hngêi dêi khu mô đo#i hneăng hdrối nah vâ ti tăng ple\ng tơdroăng rêh ối, ‘nâi tơdroăng pói vâ, teăm tơdrêng tơbleăng ăm khu râ kăn kơpêng vâ teăm to\ng kum tơdrêng, ki má lối [a\ mâu khu ngế ki pá puât. Pôa Phạm Quyết Thắng tối:

‘’Á cho mô đo#i tro rong, xuân cho ngế tro trếo ‘mêi xua mê á hlê mâu tơdroăng ki châi hiâm dêi mâu ngế tro rong [a\ tro trếo ‘mêi dioxin. Thăm nếo á mơhúa tâ xua tơdroăng rong râ [a\ tro trếo ‘mêi phá tâ mâu ngế ki ê. Á tơru\m [a\ mâu bêng cheăm lăm a mâu pơlê cheăm vâ ‘nâi mâu ngế ki pá puât [a\ mâu khu pú, ing mê vâ á ‘nâi tơdroăng dêi khu teăm tơdrêng, ing mê, á mơhnhôk hiâm mơno [a\ kế tơmeăm khoăng, vâ to\ng kum, mơhnhôk mâu ngế ki tro trếo ‘mêi ki ai tơdroăng rêh ối pá puât’’.

Kơnôm kơhnâ pêi dêi pôa Thắng tung tơdroăng cheăng, hên khu pú cho mâu ngế tro trếo ‘mêi a bêng cheăm hiăng châ to\ng kum teăm tơdrêng. Môi tiah jâ Phạm Thị Minh Luận, ối a kho#i 7, bêng Tự An, pơlê kong kơdrâm {uôn Ma Thuột. Rơpo\ng jâ Luận cho rơpo\ng pá puât, on veăng [a\ kuăn rơmúa jâ pơrá tro trếo ‘mêi. Hiăng lối 30 hơnăm laga kuăn jâ [a\ vâi hdrêng, chêng ko\ng ku\n, ối ‘nân môi tíu, rêm tơdroăng rêh ối kơnôm to nho\ng o.

Nếo achê kố, Khu pơkuâ mâu ngế tro trếo ‘mêi dioxin pơlê kong kơdrâm {uôn Ma Thuột hiăng to\ng kum jâ Luận 10 rơtuh liăn vâ rơnêu hngêi trăng. Jâ Phạm Thị Minh Luận hơ’muăn tối:

‘’Hdrối nah, hngêi trăng xi kơchoh mêi, hâ ho, hngêi ôh tá chiâng ối. Kơnôm ai tơdroăng veăng kum dêi meh Thắng [a\ khu pơkuâ mâu ngế tro trếo ‘mêi dioxin dêi kong pơlê, xuân troh mơhnhôk, hơlêm rơpo\ng. Kố nah á rơnêu hngêi mê khu pơkuâ mơngế tro trếo ‘mêi dioxin ai ăm á mung 10 rơtuh liăn vâ rơnêu hngêi trăng. Tối tơchuâm mê hngêi trăng hiăng kân rơdâ le\m’’.

Tung pơla kố nah, [a\ hnoăng cho Kăn hnê ngăn Khu pơkuâ mơngế tro trếo ‘mêi dioxin pơlê kong kơdrâm {uôn Ma Thuột, pôa Phạm Quyết Thắng hiăng tơbleăng ăm khu kăn pơkuâ pơlê kong kơdrâm pro hô sơ to\ng kum ăm vâ chê 100 ngế ai hnoăng, mâu ngế mô đo#i rong râ [a\ mâu ngế veăng tung tơplâ xâ tro trếo ‘mêi dioxin; to\ng kum mơjiâng hên toăng hngêi tuăn pâ ăm mâu khu ngế ai hnoăng.

Tung 2 hơnăm hiăng hluâ, Khu pơkuâ kơxo# liăn to\ng kum mâu ngế tro trếo ‘mêi dioxin pơlê kong kơdrâm hiăng mơhnhôk veăng tơlo châ 700 rơtuh liăn, to\ng kum ăm mâu khu ki pá puât, lăm pôu kơ-êng [a\ diâp kế tơmeăm khoăng ăm mâu khu ngế a roh leh, têt.

Kơnôm mê, pôa hiăng châ khu mô đo#i hneăng hdrối nah hâk vâ, râ kăn kơpêng loi tơngah. Pôa Ngô Song Hào, Kăn hnê ngăn khu pơkuâ mơngế tro trếo ‘mêi dioxin Dak Lak mơnhên tối:

‘’Ngoh hiăng pêi rơkê tung tơdroăng tơbleăng râ Đảng, khu kăn pơkuâ kong pơlê ‘na mâu tơdroăng pêi cheăng, cho um méa ki rơkê, pơtối mơnhông tơdroăng cheăng tơbleăng, tơku\m pêi pro, pơkâ tơru\m [a\ mâu kơ koan kơvâ cheăng pêi pro tơtro hnoăng cheăng tíu xiâm dêi Khu, kum pơxúa ăm khu mơngế tro trếo ‘mêi [a\ mâu ngế ki tro trếo ‘mêi mê pơrá loi tơngah, ai tíu tơngah krá tơniăn a mâu khu râ’’.

Tơdroăng kơhnâ pêi tung tơdroăng cheăng pơlê pơla dêi mô đo#i tro rong Phạm Quyết Thắng hiăng châ mâu râ mơnhên, kheăn kơdeăn. Pôa hiăng châ tơdah [âng kheăn kơdeăn dêi Khu xiâm pơkuâ cheăng pêi – Mô đo#i tro rong [a\ Rêh ối pơlê pơla a Hneăng hôp kheăn kơdeăn mâu ngế ai hnoăng lâp tơnêi têa hơnăm 2010 [a\ [âng kheăn kơdeăn dêi Vi [an pơlê kong kơdrâm {uôn Ma Thuột ‘na pêi kêi đeăng hnoăng cheăng hơnăm 2016.

A Sa Ly tơplôu [a\ tơbleăng