VOV4.Sêdang - Vi [an hnê ngăn kong pơlê Dak Lak tơku\m po hôp Khu hnê mơhno pêi pro tơdroăng mơnhông mơdêk tơnêi tơníu tâ tá tơniăn le\m kong pơlê Dak Lak ISLA ‘na tơdroăng ki pêi pro hơnăm 2018 [ă tối tơbleăng túa pơkâ hơnăm 2019.

Tơdroăng ISLA tối tơbleăng a Dak Lak tiô 4 tơdroăng ki xiâm: rak ngăn têa, rak ngăn trếo pơreăng, tơnêi tơníu kơphế krá tơniăn, mơjiâng mah xo# kơpong pêt kơphế Việt Nam. Hơnăm hiăng luâ, tơdroăng kố hiăng veăng kum mơdêk ki hlê ple\ng dêi kuăn pơlê [ă mâu tơdroăng ki xúa mâu túa trếo pơreăng tung pêt mơjiâng kế tơmeăm pêi lo ing chiâk deăng. Tung la ngiâ, Dak Lak kô mơdêk tơru\m [ă mâu tíu cheăng pêi pro tơdroăng tơkêa vâ ‘nâi nhên tơdroăng, mơjiâng túa pơkâ kum kuăn pơlê lăm tí tăng ngăn hriâm tâp, po rơdâ túa pơkâ tung lâp kong pơlê, veăng kum mơdêk ki dâi le\m dêi mâu kế tơmeăm pêi lo ing chiâk deăng.

Katarina Nga tơplôu  [ă tơbleăng