Lối 25 hơnăm hiăng luâ tơdroăng rêh ối dêi ngoh Pul xuân mơtiah hr^ng rơpo\ng ối a pơlê SêĐăng 2, cheăm Ea Sar, tơring Ea Kar kong pơlê Dak Lak trâm hên xahpá xua hâi teăm ai on tơhrik. Châ tơnêi têa to\ng kum rêm hơnăm 500 rơpâu liăn rôe têa châu vâ têk on ăm bâ eăng, la ai drêng ‘nâ ôh tá bê, thế ‘mâi on [ă hdría ‘nâ hía têk on tr^ng.

A chê pơla kố, hlo ngế ki cheăng pro ‘na on tơhrik hiăng mơdâng trăng drô troăng [ă dế nhnhâng kơxái on tơhrik troh a pơlê. {ă tung hiâm mơno xôk ro, ngoh Pul tơmiêt hiăng troh tơdroăng krâ ‘măn pul on tơhrik bâ eăng, rôe kơmăi hrik têavâ xúa [ă vâ toh loăng plâi:

A troh akố hiăng ton, sap ing hơnăm 1991. Vâi krâ nho\ng o akố rêh ối xahpá. Ôh tá ai on tơhrik, bú têk to on kơđeng [ă têa châu, ‘mâi on kơnoh lơ têk on tr^ng. rơpo\ng ki lâi ai kơbin ăc-quy mê sạc a pá gong tê, rêm kơ binh 10 rơpâu liăn troăng to trâp hliâk tiah kố tơpá ‘nâng.

Tâng ai on tơhrik vâi krâ nho\ng o ro ‘nâng. Rơpo\ng ki lâi ai têa klôh ăm ca-ma kơmăi hrik têa vâ tôh dêi kơdrum kơphế, klêi mê tiu kơ kơchâi plâi pôm. Têa klôh kui [ă ko\ng, tâng ai on tơhrik pin oh tá êa kui  [ă ko\ng. Pin rôe kế kơdoăng têa klêi mê hrik têa mot tung mê. Tâng ai on tơhrik têa a Noel kố rế tro, ro ‘nâng.

Oh tá kâi kô tơdroăng rêh ối pá puât tung măng muât xua oh tá ai on tơhrik tơnêi têa, kơtăn kố 3 hơnăm, rơpo\ng pôa Ninh trọng Chính rơtế [ă 7 rơpo\ng ki ê tung pơlê SêĐăng 3 hiăng veăng tơrá vâ chê 100 rơtuh liăn vâ hnhâng kơxái on tơhttik.

Mơhé bú xúa  vâ hnhâng ‘no on [ă vâ xah ngăn um tivi, la rêm khế rơpo\ng pôa Chính thế nâp 250 rơpâu troh a 300 rơpâu liăn on tơhrik. Ki xiâm xua troăng kơxâi on tơhrik ki ku\n lối xo\n, oh tá krá le\m, kâ kơmăi hên chiâng mơ’nhiê on tơhrik hên. Nôkố hlo hiăng ai troăng kơxái on tơhrik tơnêi têa hnhâng troh hiăng tơdế pơlê, pôa Chính xôk ro pui niu, xua hiăng vâ ai on tơhrik [ă oh tá êa thế nâp liăn on tơhrik [ă yă ki kơnâ:

Trăng on tơhrik hiăng ai, kơxái hiăng hnhâng troh tơdế pơlê. Ngin kô rôe  ti vi,  rôe kơtuh hngiú vâ tâ kơchâi kâ. Mâu tơmeăm xúa [ă on tơhrik ki kal thế rôe. On tơhrik cho ‘ló ‘nâng [ă kuăn pơlê ki pêi chiâk deăng, ai on tơhrik vâ hrik têa tôh loăng plâi, xúa tung rơpo\ng hngêi , hmê pế lôi tung hdro a kơxo troh kơhâi dế xo kâ tê, mê cho tơ’lêi hlâu ăm kuăn pơlê ki pêi chiâk deăng mơtiah ngin. Má péa nếo cho ai on trâ eăng gá pro hleăng le\m kuăn mơngế. Má pái nếo châ ‘nâi mâu tơdroăng kal nếo ai’’.

Pôa A Uak (vâi hmâ krếo cho pâ Tin) kăn pơlê SêĐăng 2 ăm ‘nâi, akố ai 194 rơpo\ng, vâ chê 1 rơpâu pơ’leăng mâ mơngế, tâi tâng to mâu kuăn ngo Rơteăng.  Sap ing nah ta troh nôkố, kuăn pơlê têk to on kơđeng vâ bâ eăng. Rơpo\ng ki lâi ai liăn tâ rôe kơ binh ắc –quy vâ hmâng rơ’jiu [ă ngăn tivi ki tơnêi têa pin pro.

Xua ôh tá ai on tơhrik vâ xúa, tu\m tơdroăng rêh ối dêi kuăn pơlê trâm pá, tơdroăng hriâm ki rơkê ple\ng dêi khoa hok xuân pá há, kơxo# rơpo\ng kơtiê xuân lối 50%. Pôa A Uak, Kăn pơlê loi tơngah tiah kố, la ngiâ kố ai on tơhrik tơnêi têa, tơdroăng rêh ối dêi kuăn pơlê SêĐăng 2 mơni kố hơ’lêh.

Hdrối nah ai khu kăn dêi cheăm, tơring [ă kong pơlê troh akố, mâu kơvâ cheăng ai tu\m tâi. Mot akố tối ăm kuăn pơlê ngin kô pro ăm kuăn pơlê klêi hdrôh oh tá troh a Tết, tơkéa vâ tối kô ai on tơhrik hdrối Tết ăm kuăn pơlê. Púi tơngah to lâi chât hơnăm kố, kuăn pơlê xôk ro ‘nâng. Ai on tơhrik bâ eăng châ ngăn um tơvi, hriâm [ôi tiô mâu ki ê, hlo vâi pêi ki klâi pin pro ki mê há, pơtih pêt kơphế, pêt tiu.

Tiô Khu ngăn ‘na mơdró kong pơlê Dak Lak Kơxo# liăn hnhâng troăng kơxái on tơhrik ăm pơlê SêĐăng 2, cheăm Ea Sar, tơring Ea Kar, ối tung tơdroăng tơkêa bro hnhâng troăng kơxái on tơhri mơjiâng pro ăm thôn pơlê ing on tơhrik tơnêi têa. Kơxái on tơhrik kố hnhâng 2km troăng kơxái ki kân, 5km troăng kơxái ki ku\n [ă 2 tíu krâ ‘măn kơmăi ki ăm tâk ju on tơhrik vâ hriik mơ’no on tơhrik vâ chê 200 rơpo\ng.

Mơhé pro tung pơla kong prâi oh tá tơniăn, trâm kong mêi [ă khía mơhot kân [ă hlối tơvâ troăng kơxái hnhâng tơkâ luâ troăng kân kơxo# 29, la tơdroăng mơjiâng pro xuân pêi hluâ tơdroăng pơkâ, tiô tối hdrối tung khế 12 kố kô pê klêi. Kố cho môi tung mâu pơlê ki mơ’nui tung tâi tâng 31 to thôn –pơlê dêi kong pơlê Dak Lak châ xúa ing tơdroăng tơkêa bro on tơhrik tung thôn ing on tơhrik tơnêi têa tung hơnăm 2017. 

Pôa Trần Văn Dũng, -Kăn pho\ ngăn ‘na on tơhrik Ea Kar ăm ‘nâi, klêi khu mơjiâng pro hiăng hnhâng klêi troăng kơxái on tơhrik tơnêi têa ki ku\n, tíu pêi cheăng kô krâ ‘măn mâu chôu, kum kuăn pơlê hnhâng tâi tâng troh kơxái ing trăng ki kân troh  tung rơpo\ng hngêi, thâ mơ’no on tơhrik:

 Ing mâu tơdroăng tơkêa bro dêi tơnêi têa, Chin phuh troh nôkố kơpong kố dế tung pơla pê hiăng vâ klêi vâ mơ’no on tơhrik ăm kuăn pơlê. Tơdrêng [ă troăng hơlâ mê, peăng khu ngăn on Ea Kar ngin xuân hbrâ mâu troăng hơlâ mơ’no on tơhrik teăm tơdrêng, mê cho krâ ‘măn kơmăi chôu on tơhrik, kum hnhâng troăng kơxái on tơhrik ing kơmăi ki vế hdró riên tung tơrêm rơpo\ng kuăn pơlê. Ngin kô teăm pro klêi hdrối têt lo hơnăm nếo kô ah ăm kuăn pơlê..

Ôh tá châ môi khế xếo kô troh hơnăm nếo 2018, pơlê SêĐăng 2, cheăm Ea Kar, kong pơlê Dak Lak kố châ xúa on tơhrik ai pơxúa, mê cho roh apoăng ai on tơhrik tơnêi têa. Kố cho tơdroăng ki kal kum ăm kuăn pơlê ‘mâi hơ’lêh tơdroăng rêh ối, mơnhông cheăng kâ rêh ối, chôa lâng vâ hlu\n ing kơtiê.

Quốc Học rah chêh

Gương tơplôu [ă tơbleăng