VOV4.Sêdang - Mâu khế mơ’nui hơnăm, tơmeăm ôh tá xê khât, pơtối hlo tê nêo, xua mê Khu rak ngăn ‘na mơdró kong pơlê Dak Lak kô po rôh lăm séa ngăn a mâu tíu pêi pro,  tê mơdró tung kong pơlê vâ mơdât tê tơmeăm ôh tá xê khât, tơmeăm ki oh tá dâi krá le\m.

Sap apoăng hơnăm troh nôkố, Khu rak ngăn ‘na tê mơdró Dak Lak hiăng séa ngăn lối 1.240 tíu mơjiâng pro tơmeăm, tê mơdró tung kong pơlê, pơxâu phâk lối 500 hdroh khu ngế ki pro xôi luât.

Ing mê, hiăng pơxâu phak lối 3 rơtal 600 rơtuh liăn, xo mâu tơmeăm ki mơdró tâng riân châ lối 1 rơtal 700 rơtuh liăn. Mâu tơdroăng pro xôi luât cho xúa tơmeăm mơjiâng pro ôh tá ai hlá mơ-éa mơnhên xiâm ki mơjiâng pro, tíu pro kế kâ, ôh tá ai hlá mơ-éa khăm ivá tiô rơnó pơkâ, pro xôi luât ‘nâ oh tá vâ te\m tem a tơmeăm, tê mơdró tơmeăm ôh tá ‘nâi xiâm ing lâi pro, tê tơmeăm ki hiăng tâi hâi khế hơnăm chêh chiâng xúa.

Gương tơplôu [ă tơbleăng