Ngế cheăng kơvâ on tơhrik hnê mơhno kuăn pơlê xúa on tơhrik tơniăn le\m

Mâu kơxêi măng a chê pơla kố, chôu xah hêi dêi rơpo\ng pôa Y Dhin Êya, ối a [uôn Ê Rang, bêng Khánh Xuân, pơlê kong kơdrâm {uôn Ma Thuột, kong pơlê Dak Lak ai krâm mơngế sôk ro tâ. Pá kơdâm on tơhrik bâ eăng, on veăng kuăn ‘ne\ng tơku\m, ngế ngăn um tivi, ngế hbrâ tơdah tơdroăng pêi cheăng a hngêi.

Pôa Y Dhin tối ăm ‘nâi, hdrối nah tung hngêi xúa pul on tơhrik tơvó hiăng ton xua mê ôh tá bâ eăng. A poăng khế 7 kố nah, khu droh rơtăm pleăng hnoăng cheăng dêi bêng [a\ mâu ngế pêi cheăng Ko\ng ti on tơhrik Dak Lak troh a hngêi, nếo hơ’lêh krâ pul on nếo [a\ hnhâng troăng kơxái on tơhrik tung hngêi, hlối pơtâng tối xúa kơd^ng on tơhrik, châ tơniăn. Ai pul on nếo, tung hngêi bâ eăng, kơmăng xuân xáu hlo vâ lo\ng kơtôu plâi hôt vâ tăng tơ’nôm liăn ngân.

‘’Á hlo hâi hdrối ai Đoân droh rơtăm pleăng hnoăng cheăng troh a pơlê tơku\m po rơnêu on tơhrik, troăng kơxái on tơhrik [a\ hiâm mơno sôk ro, pêi tâi ivá. A hngêi á xuân châ krâ pul on nếo, ai troăng kơxái on tơhrik nếo. Hdrối nah, tung hngêi xúa pul on tơvó xuân ai, pul on ki xo\n xuân ai. Xúa hiăng ton mê pul on xuân tơ’nhê, ôh tá bâ eăng. Sap ing hâi krâ pul on nếo troh nôkố mê bâ eăng tâ [a\ xuân ôh tá tơ’nhê klâi’’.

Xuân kơnôm châ droh rơtăm pleăng hnoăng cheăng kum rơnêu troăng kơxái on tơhrik tung hngêi, pôa Ama Boy, ối a [uôn Ê Rang, sôk ro tối ăm ‘nâi, pôa rêh ối xêh môi ngế ôh tá ai kơbố rak ngăn, xua mê,  drêng troăng kơxái on tơhrik tung hngêi tơ’nhê, pôa thế krếo ngế ‘mâi rơnêu, tơvâ tơvân ‘nâng [a\ trâm hên pá puât. Pơla kố nah ai ngế rơnêu on tơhrik lăm séa ngăn troăng kơxái nhên, krâ ko\ng tak on tơhrik nếo ăm pôa xua mê pôa tâ tơniăn ‘nâng.

‘’Hngêi á xuân hlo mâu vâi cháu pleăng hnoăng cheăng troh rơnêu on tơhrik. Troăng kơxái on tơhrik tro tơkât, ti tit on tơhrik [a\ ko\ng tak  xuân tơ’nhê, gá tro hôi mê mâu vâi muăn lôe rơnêu ăm gá krá. Ing mê,  troh nôkố troăng kơxái on tơhrik kơtâu tơniăn le\m’’.

Po rơdâ tơdroăng pleăng hnoăng cheăng rơnó pơtê hriâm hơnăm kố, Đoân droh rơtăm bêng Khánh Xuân, pơlê kong kơdrâm {uôn Ma Thuột hiăng tơru\m [a\ Khu pơkuâ Đoân droh rơtăm pơlê kong kơdrâm {uôn Ma Thuột [a\ Ko\ng ti on tơhrik Dak Lak po rơdâ tơdroăng séa ngăn [a\ rơnêu on tơhrik tê kơtê ăm kuăn pơlê pá puât a [uôn Ê Rang, bêng Khánh Xuân. Tiah mê, mâu ngế pêi cheăng dêi Ko\ng ti on tơhrik pơtối séa ngăn troăng kơxái on tơhrik [a\ krâ mâu kế ki nếo tâi tâng, krâ pul on tơhrik huỳnh quang, on led lơ pul on chư U. Đoân viên droh rơtăm tơku\m po xing xoăng mơ-éa tơbleăng hnê tối xúa on tơhrik tơniăn kơd^ng [a\ tơlo liăn vâ rôe mâu kế on tơhrik ăm kuăn pơlê.

Ngoh Nguyễn Quang Giàu, Kăn pơkuâ hnê ngăn Đoân droh rơtăm bêng Khánh Xuân tối ăm ‘nâi, tơdroăng hiăng vâ môi tuăn hên dêi Đoân viên droh rơtăm [a\ kuăn pơlê. Ai mâu rơpo\ng maluâ ôh tá ối tung khu ki to\ng kum xuân k^ vâ châ séa ngăn on tơhrik tung hngêi [a\ mơhá liăn ki krâ on tơhrik ki nếo.

‘’Má môi, athế pơtâng tối troh vâi krâ kuăn pơlê xúa kơd^ng on tơhrik [a\ xúa on tơhrik tơniăn môi tiah lâi, pak^ng mê, kô séa ngăn troăng kơxái on tơhrik dêi vâi krâ kuăn pơlê, mâu ko\ng tak [a\ pul on tơhrik. Ing roh séa ngăn mâu rơpo\ng mê mâu troăng kơxái on tơhrik tro tơ’nhê xuân hiăng châ rơnêu, hơ’lêh ki nếo [a\ hnhâng troăng kơxái on tơhrik ai hnê mơhno ăm vâi krâ pêi pro xúa châ tơ-[rê [a\ dâi le\m tâ’’.

H’Xíu H’Mok chêh

A Sa Ly tơplôu [a\ tơbleăng