Kơtăn kố lối 1 hơnăm, ngoh Vũ Việt Dũng, 26 hơnăm, ối a thôn 7. Cheăm Ea Kpam, tơring }ư Mgar, kong pơlê Dak Lak châ Khu pơkuâ Đoân droh rơtăm tơring }ư Mgar kum ăm mung 50 rơtuh liăn ing kơxo# liăn kơd^ng Tơnêi têa tăng cheăng pêi (dó inâi cho liăn 120). Ai liăn, ngoh mơ’no liăn mơjiâng pro hngêi hlâm pêt kơxêt, mơjiâng pro hdrê kơxêt tu\m túa [a\ pêt vâ chê 1 ha.

Roh apoăng, [a\ 10.000 kơxuô pêt kơxêt rếi, 45.000 kơxuô pêt kơxêt tâng lâr [a\ kơxêt loăng kơtúa, ngoh châ liăn tê kơxêt vâ chê 200 rơtuh liăn. Vâ po rơdâ pêt, ngoh Dũng [a\ khu pú hmâ dêi tơná hiăng tơru\m mơjiâng khu tơru\m cheăng ‘’Droh rơtăm mơnhông cheăng kâ – pêt kơxêt krúa le\m’’, mơjiâng tíu mơdâ, tíu pêt, rôe tơmeăm rak ngăn, po rơdâ pêt lối 1 ha tơdế. Tiô ngoh Dũng, nôkố, tơdroăng kal vâ kơxêt [a\ hdrê kơxêt tung kơchơ tê mơdró cho hên. Khu tơru\m cheăng mơ-eăm mơjiâng inâi kơxêt [a\ po rơdâ tíu tê.

‘’Nôkố môi hâi ngin tê kơxêt châ 70 kilô troh 1 tă, [a\ kơxuô ki pêt kơxêt mê rêm khế tê sap ing 40 troh 50 rơpâu. Nôkố kơxêt ngin tê hên ăm mâu kơchơ laga tung la ngiâ kô pro inâi [a\ kơxuô kơxêt vâ tê a mâu kơchơ siêu th^ lơ tê ngi kong têa ê’’.

Ngoh Vũ Việt Dũng ‘no liăn pêt kơxêt ing kơxo# liăn mung dêi khu droh rơtăm

Xuân châ Khu pơkuâ Đoân droh rơtăm tơring }ư Mgar to\ng kum ăm mung 20 rơtuh liăn ing kơxo# liăn tăng cheăng pêi dêi Khu pơkuâ droh rơtăm tơring, ngoh Y Phăng Mlô, 26 hơnăm, ối a [uôn Jok, cheăm Ea H’Đing, tơring }ư Mgar, hiăng ai tơ’nôm liăn vâ rôe tơmeăm pêi cheăng [a\ mơjiâng pro mâu kơ’lo kân ki pêt loăng pro mơnâ mâ ngăn. Mơhé chó chêng, laga [a\ tơdroăng kơhnâ, rơkê, Y Phăng hiăng kơhnâ ti tăng ple\ng, hriâm tâp [a\ mơjiâng pro hên tơmeăm ki tơmối hâk vâ.

Klêi kơ’nâi vâ chê 2 hơnăm, troh nôkố, Y Phăng hiăng chêl dêi tâi tâng kơxo# liăn ki khu pơkuâ droh rơtăm tơring ăm mung [a\ pêi lo liăn tơniăn dâng 50 rơtuh liăn rêm hơnăm. Y Phăng tối, ngoh kô pơtối po rơdâ mơjiâng pro tơmeăm tơ’nôm vâ tăng cheăng pêi ăm rơtăm tung pơlê.

‘’Apoăng tơdroăng cheăng pêi pá puât, ki má lối kơxo# liăn ôh tá châ hên [a\ hlối ôh tá hlê ple\ng hên. Klêi kơ’nâi to lâi khế châ peăng khu pơkuâ Đoân droh rơtăm tơring ăm mung liăn, ing mê tơdroăng pêi cheăng xuân châ tơniăn tâ. Tung la ngiâ á vâ po rơdâ túa pêi kố vâ hên ngế ‘nâi troh, á kô krếo ngế veăng pêi ăm á [a\ tăng cheăng pêi ăm mâu ngế ki ôh tá ai tơdroăng pêi cheăng’’.

Y Phăng Mlô ai cheăng pêi tơniăn, châ xo 50 rơtuh liăn rêm hơnăm

Nâ H’Giang Niê, Kăn pơkuâ hnê ngăn Đoân droh rơtăm tơring }ư Mgar tối ăm ‘nâi, vâ rơtế [a\ droh rơtăm tăng cheăng pêi, khu pơkuâ Đoân hiăng ai hên tơdroăng to\ng kum droh rơtăm tăng cheăng pêi. Sap hơnăm 2012, Khu pơkuâ Đoân droh rơtăm tơring hiăng mơhnhôk tơdroăng mơjiâng kơxo# liăn tăng cheăng pêi, rêm đoân viên veăng tơlo sap ing 5.000 troh 20.000 liăn môi hơnăm.

Troh nôkố, Khu pơkuâ Đoân tơring hiăng mơhnhôk châ 270 rơtuh liăn tăng cheăng pêi, pro tơ’lêi hlâu ăm 25 đoân viên droh rơtăm mung vâ mơjiâng mâu túa mơnhông cheăng kâ, [a\ kơlo mung sap ing 20 troh 40 rơtuh tung pơla 2 hơnăm.

Rơtế amê, mâu râ Đoân droh rơtăm tơring }ư Mgar ối đi đo tơru\m [a\ Hngêi arak liăn kum rêh ối pơlê pơla tơring mơ’no liăn ăm droh rơtăm mung, tơdah hnoăng ăm lối 2.000 rơpo\ng droh rơtăm mung [a\ kơxo# liăn ối che#n 37 rơtal liăn.

Tung hơnăm 2017, ing tơdroăng mung liăn kơd^ng tơnêi têa tăng cheăng pêi xua Khu xiâm pơkuâ Đoân droh rơtăm pơcháu hnoăng, Khu pơkuâ Đoân droh rơtăm tơring }ư Mgar tơru\m [a\ khu pơkuâ Đoân droh rơtăm kong pơlê to\ng kum 3 droh rơtăm châ mung liăn [a\ kơlo 50 rơtuh liăn môi ngế vâ mơnhông túa pêt kơchâi drêh [a\ pêt kơxêt krúa le\m.

‘’Tung pơla kố nah châ tơmâng to\ng kum dêi Khu pơkuâ Đoân kong pơlê hiăng hiăng mơ’no 3 khu liăn inâi 120, tung mê mơnhông mơdêk châ pái túa. Pak^ng mê, khu pơkuâ Đoân tơring hiăng hbrâ mơjiâng kơxo# liăn tăng cheăng pêi ăm droh rơtăm.

Mâu khu râ kăn pơkuâ Đoân kô rơtế [a\ droh rơtăm tung tơdroăng hnê kih thuât pêi xuân môi tiah to\ng kum liăn, kih thuât pêi pêt rak ngăn vâ droh rơtăm chôa ‘lâng mơnhên dêi tơná tung mơnhông mơdêk cheăng kâ, mơ-eăm rơtế mâu khu râ Đoân xuân môi tiah khu kăn pơkuâ mơjiâng thôn pơlê nếo [a\ mơnhông cheăng kâ a pơlê pơla’’.

Ôh tá xê to to\ng kum liăn, mâu khu pơkuâ Đoân droh rơtăm tơring }ư Mgar ối rơkê tơru\m tơku\m po roh hôp tơpui tơno, hnê mơhno, hnê cheăng pêi, hnê ki rơkê khoa hok kih thuât, kơmăi kơmok tung pêi pêt, rak ngăn, tê mơdró, mơhnhôk kơdrâm đoân viên droh rơtăm veăng pêi. Ing mê, kum rế hía rế hên đoân viên droh rơtăm châ hriâm, mơdêk ki hlê ple\ng, troăng prôk ki tơtro tung mơnhông cheăng kâ, pêi cheăng kâ châ tơ-[rê, kum mơnhông cheăng kâ a tơring.

H’Xíu Hmok chêh

A Sa Ly tơplôu [a\ tơbleăng