Rơpo\ng jâ Hoàng Thị Nhạn, a cheăm Krông Nô, tơring Lak, kong pơlê Dak Lak nếo pro klêi hngêi ki le\m vâ tơdah hơnăm nếo 2019. Jâ Nhạn ăm ‘nâi, hơnăm 1994 lo dêi ing pơlê xiâm Hưng Yên mot a Dak lak pêi cheăng. Xua ôh tá ai tơnêi pêi kâ mê tơdroăng cheăng kâ rơpo\ng hngêi ki xiâm bu kơnôm to a kơxo# liăn ki tăng ing kơdrâi lăm pêi cheăng vâ, kơnốu tơnăng ká. Hiăng 20 hơnăm, tuăn hiâm ki tơche#ng to ki kâ rêm hâi. Hơnăm 2014, ho\ng tơdroăng ki tôh mung liăn kơd^ng dêi Khu ngăn vâi kơdrâi ăm mung 20 rơtuh liăn sap ing tơdroăng kum rơpo\ng kơtiê.

Tíu cheăng dêi Hngêi rak liăn to\ng kum rêh ối pơlê pơla a tơring Lak, kong pơlê Dak Lak

 Ai liăn, rơpo\ng khên tơnôu pro kơdroăng, roê 2 to ro vâ păn. Ro hiăng kân mê tê roê tơ’nôm ro ki ku\n vâ păn ăm gá kân, mơhnôu pơ môi tiah mê troh nôkố, rơpo\ng jâ Nhạn hiăng ai 8 to ro, roê tơ’nôm châ 6 sào tơnêi vâ pêt loăng păn hdrong.

‘’Nah tơdroăng rêh ối bu cho lăm pêi cheăng vâi xo, ôh tá ai klâi ôh, mung châ 20 rơtuh liăn sap ing hngêi rak liăn to\ng kum rêh ối pơlê pơla roê 2 to ro mê nôkố hiăng châ 8 to, kơtăn kố 2 hơnăm hluăn ing kơtiê. Tơdroăng rêh ối nôkố xuân hiăng tơniăn ôh tá môi tiah hdrối nah xếo’’.

Ôh ti xê to jâ Nhạn mê ối ai hên kuăn pơlê ki ê a mâu kơpong ki xơpá dêi kong pơlê Dak Lak hiăng mơeăm hluăn ing kơtiê sap ing tơdroăng ki mung liăn dêi Hngêi rak liăn to\ng kum rêh ối pơlê pơla. Xua ki xiâm dêi hngêi rak liăn ôh ti xê cho ăm mung mê ối kum kuăn pơlê hluăn ing kơtiê, xua mê, pák^ng kơxo# liăn ăm mung, hngêi rak liăn hăng mơeăm troh tơ rêm cheăm, tơrêm thôn, pơlê kơtiê vâ pro hơ’lêh tơdroăng rêh ối dêi kuăn pơlê.

Khu ro dêi rơpo\ng jâ Hoàng Thị Nhạn a cheăm Krông Nô, tơring Lak, kong pơlê Dak Lak ai tơ’nôm sap ing mung liăn ing hngêi rak liăn to\ng kum rêh ối pơlê pơla

Ho\ng mâu khu pú hên hnê hriâm, ăm vâi krâ nho\ng o rah xo hdrê pêt mnăn păn tơtro [ă tơdroăng ki xiâm dêi kong pơlê vâ mơdêk châ tơ-[ree kơxo# liăn mung. Tiô pôa Nguyễn Đình Sâm, kăn hnê ngăn Vi [an cheăm Hòa Sơn, tơring Krông Bông, kong pơlê Dak Lak tối, kơxo# liăn sap ing mâu tơdroăng ki ăm mung dêi Hngêi rak liăn to\ng kum rêh ối pơlê pơla hiăng kum kơdroh kơxo# rơpo\ng kơtiê a cheăm.

‘’Tiô tơdroăng pơkâ dêi đảng ủy xuân môi tiah ho#i đong, rêm hơnăm kdroh kơxo# rơpo\ng kơtiê sap ing 3 – 5%. Ing tơdroăng ki tối tơbleăng pêi pro mâu tơdroăng kố [ă séa ngăn kơtăng [ă tơtro [ă vâi krâ nho\ng o kơpong kơtiê xơpá, rơpo\ng vâ chê kơtiê [ă rơpo\ng ki nếo hluăn ing kơtiê. Malối cho mâu tơdroăng ăm mung [ă mâu kơpong ki xơpá vâ mơnhông mơdêk cheăng kâ, tê mơ’dró mơdêk tơdroăng rêh ối dêi vâi krâ nho\ng o rế hía rế tơtêk. Malối cho tung tơdroăng mơjiâng thôn pơlê nếo, sap ing nôkố troh 2020 mơdêk ăm Hòa Sơn châ 19/19 tơdroăng pơkâ’’.

Nôkố, Hngêi rak liăn to\ng kum rêh ối pơlê pơla kong pơlê Dak Lak dế tối tơbleăng ăm mung 15 tơdroăng ki ăm mung liăn to\ng kum. Hơnăm 2018 kố nah, hngêi rak liăn hiăng ‘no ăm mung lối 1.200 rơtal liăn ăm lối 49 rpơpâu hdroh rơpo\ng kơtiê, vâ chê kơtiê [ă hluăn ing kơtiê châ mung vâ pêi cheăng, păn mơnăn mơnoâ mơdêk tơdroăng rêh ối, mơdêk kơxo# liăn tơkâ lối 4.200 rơtal liăn. Pôa Trần Mốt, kăn pho\ pơkuâ hngêi rak liăn ăm ‘nâi, tung la ngiâ, vâ mơdêk châ tơ-[rê kơxo# liăn, Hngêi rak liăn kô pơtối tơru\m [ă Vi [an hnê ngăn mâu cheăm, pơlê kân, khu pú hên vâ pêi klêi hồ sơ, ‘no liăn ăm mung, tro hâi khế xing xoăng liăn troh kuăn pơlê, rơtế [ă kuăn pơlê kơdroh kơtiê re#ng, krá tơniăn.

‘’Ho\ng tíu ki cheăng ki tơniăn a mâu cheăm bêng ngin pơtối tối tơbleăng tơdroăng ki nếo vâ kuăn pơlê ‘nâi nhên ‘na mâu troăng hơlâ kơjo kum dêi hngêi rak liăn to\ng kum rêh ối pơlê pơla. Pák^ng mê, ngin ối tơru\m [ă 4 tôh pêi cheăng kal kí pơlê pơla vâ mơdêk kơxo# liăn mung kố troh a ko\ng kuăn pơlê. Ing mê, rơtế [ă mâu khu tơru\m kô lăm séa ngăn vâ vâi xúa kơxo# liăn kố tro tơdroăng, xing xoăng tro kuăn pơlê vâ tiah lâi vâi mơdêk châ ki tơ-[rê dêi kơxo# liăn ki đảng tơnêi têa kơjo kum ăm kuăn pơlê’’.

Hngêi rak liăn to\ng kum rêh ối pơlê pơla kong pơlê Dak Lak tơxâng [ă tơdroăng ki loi tơngah ‘’Hngêi rak liăn dêi mâu ngế kơtiê’’ môi tiah túa ki kuăn pơlê hmâ khe#n. Mâu tơdroăng ki ăm mung dêi hngêi rak liăn hăng chiâng ivá ki xiâm, cho troăng hơlâ ai pơxúa kum kong pơlê mơnhông mơdêk cheăng kâ rêh ối pơlê pơla. Tơdroăng kố mơhno tối ing tơdroăng ki rơpo\ng kơtiê [ă mâu troăng hơlâ to\ng kum hiăng tơniăn tung rêh ối, kơdroh kơtiê tơ-[rê.

Hương Lý chêh

Katarina Nga tơplôu [ă tơbleăng